Le jagher dal jal da galeder
Le iagher dal ial da galeder.
Na sëra sarëna dër bela de ma,
Defora la löna prësc colma co dá.
La ora co bat sën la öna de net,
Le iagher tralascia atira so let.
Les ciaspes, le rucsoch, le slop söl spiné,
Atira él sté ël con döt arjigné.
Con iames lesieres vál cuntra le bosch,
Do n'ora o döes él ël sön le post.
Empröma se fejel n fü sot n lën,
Se empëia la pipa y palsa dër bën.
Do n pez le calander mët man da cianté
Y encünda al iagher ch'al vëgn prësc la de.
Y tosc él le ial spo co cianta söl lën, -
O iagher atira arjignete sën.
Al alza les ares, destira le col,
Le iagher dertan jí dampró spo i pól.
Sën tirel n sciüre y lascia le cianté,
Sön chësta le iagher spo l'ál asmaté.
Resposta lassora dal ial dessené,
Ël jora alerch spo - y vëgn slopeté.
N cighe lassora, le chëi sö spo snel,
Fornësc con na plöma dal ial so ciapel.