Якстере теште/1924/17/Вана кода эряви эйкакшнэнь тонавтомс
| ←Пяндя удомс, - эрямс эряви | Якстере теште, № 17, 19 июня 1924 г. edited by Васильев, Тимофей Васильевич Вана кода эряви эйкакшнэнь тонавтомс by Сардо |
Сермань парго→ |
| Якстере теште. Еженедельный орган Мордовской секции при Ц. К. Р. К. П. (б.). — № 17, 19 июня 1924 г. — с. 4 |
| Вана кода эряви эйкакшнэнь тонавтомс. |
Аумок Лукьяновкав сакшность экскурсиякс Ламбаськинь эйкакшт: сисемшка церынеть ды ниле тейтирькат. Ардсть сынь кшнинь киява 90 вальгий петь. Завнацмен учительницань марто ветнесть сынес Лукьяновкань учреждениява. Эйкакшнэнень пек мелезэст тусь радио-телеграф. Заведующеесь евтнинзе сыненст, кода сон роботы, кода тесэ кунцулыть Московсто морот... А сех пек паро сыненст марявсь кшнинь киява ардомась: сынь ощо эсть некшне колияк машинанть и ардомсто вейкест вейкенень кортасть: „а онстон ли неян истямо штука?“ Алкукскак чись ульнись маний, лембе; киява понгокшныть вирнить, паксят, лейнеть... Велинеть куруксто появакшны и истя жо курксто кадувкшныть удало. Атетни-покшетни алкукс онстосткак колияк эсть некшне истят крандтст-лишметь. Ара яла сыре пингстэ ирицтэ кодамояк атя пренть ковгак лейс эцисы, а мейле евтни, што шайтянусь сонзо колмошка сядт вальгий петь кандсь; анцяк кода сон мерць „Осподи“, шайтянусь тулкадизе лейс.
Ней уж эйкакшнэ а кемить истят евкснынь. Сынь содыть, што кодаткак шайтят арасть, ули анцяк ломанинь прев, конатась кепиди ломаненть менильц, пани ведьга пароходт, кшнинь киява машинанть, истя жо куруксто, кода атетни ирицтэ ливтильть шайтян марто.
Сардо.
Редакциянь пельде. Ен тевинть тейсь Лукьяновкань Завнацменэсь. Ламбаскинь эйкакшнэ те парунть а стувсызь.
Эрявуль бу веси уездга тейме истят ежо экскурсият.