Dialogo contro la moda alla ghigliottina
Jump to navigation
Jump to search
Carlo Girell (1730-1816)
Dialogo contro la moda alla ghigliottina
Bèta - Mé g'hó ést andando a messa
a vignì ché dènt en Bressa
de le siure al töt sgolade
senza tresse e sparpaiade
col büst cürt e le treèrse
che parìa mèsse 'nvèrse.
La gh'ìa di òm con dei vistìcc
che calàa de quàter dicc
capèl dritt, bastard e bass
de fà rìder anca i sass.
El ma dìse, Sior Faustì,
en che sito g'hale 'l nì
de dóe ègnele 'ste siure?
Faustì: - El vistìt de chèle siure
(se la dise nèta e s'cèta
gh'è de pianser, siura Bèta)
i la ciama "ghigliottina"
enventàt öna matina
dal gran boia d'ossidènt
nel taià 'l cupì a la zènt,
quel vistìt, che come 'l sia
g'ha colpìt la fantasia,
dènt nel sangh l'è stat en moia
l'è 'nfamàt per mà del boia.