شهرآزاد
Jump to navigation
Jump to search
اسكى شهرآزاد ، افقلر سد چين !
ايشته ييلديزسز ، قاراكلق بر كيجه .
چاتلامش ، مظلم كمرلر ، بر نيجه
غول يبانى تتيره ين قوبروقلو جن
ايشته ييلديزسز ، قاراكلق بر كيجه
اسكى شهرآزاد ، افقلر سد چين !
بوش كمرلردن جيقان كروان نيچين
شهرى ترك أيله ر بو آقشام كيزليجه ؟
آرقادن مشعل طوتاركن بر جوجه ،
اوكده باش صاللار مكر بر هجين .
ايشته ييلديزسز ، قاراكلق بر كيجه ،
أسكى شهر آزاد ، افقلر سد چين !
خالد فخرى