سس

From Wikisource
Jump to navigation Jump to search

سس
محرری: يحيى كمال

سس

كونلرجه نه كوردم٬ نه‌ده بر كيمسه‌يصوردم٬
يارب هله قلب آغريلرم دوردى! دييوردم.
حس وارمى بو عالمده نقاهت كبى طاتلى؟
كوكلم بو سوينجك خلجانيله قاناتلى٬
بر تازه بهار عالمى سير ايتدى فلكده.
موسم متخيل٬ وقت آقشامدى ببكده.
آقشام.. لكه‌سزصاف، أيى بر يوز كبى آقشام...
تا قارشى باييرلرده طوتوشمش ايكى اوچ جام،
ساكن قويى، شن جبحه‌لى قصريله كوچوكصى،
آردنده وطن سمتنك اورمانلرى قويتو؛
بر نشئه‌لى هنكامه‌ده چپ‌چوره ياماجلر،
هپ عين تحسسله ميللنمش آغاجلر٬
دالغين دويويور روزكارك آهنكنى دال دال٬
باقدم سوزولوب كچدى آچيقدن ايكى صاندل.
بر لحظه‌ده٬ بر پانجور آچيلمش كبىى يازدن٬
بر بسته‌نك أنكين سسى يوكسه‌لدى بوغازدن!
جوشمش ينه بر عشقن اوزون خاطره‌سيله٬
عكس ايتدى اويانمش تپه‌لردن صيراسيله٬
داغ داغ او كوره‌ل سس بوتون اطرافى كزيندى.
كورمش كچيرمش ده‌كزك قلبنه سيندى.
آنى براوزونتويله بو رؤيادن اوياندم٬
تكرار او آله‌و كوملكى كيمش كبى ياندم.
هر يردن او٬ هم عينى كوزه‌للكله كوروندى؛
صاندم بو بيته‌ن كون بنى رام ايتديكى كوندى.


يحيى كمال

Türkçe: tr:ses