توحيد

From Wikisource
Jump to navigation Jump to search

توحيد
by جناب شهاب الدين

توحيد


وارسك سن الَهى ، يينه وارسك ، يينه وارسك  :
عقلمده ، حيالمده و حسمده ياشارسك ..
هر ير طولو ذاتكله ، صفاتڭله الَهى ،
ذاتك ده ، صفاتك ده سنك نامتناهى ...
قلبڭده برر قطره در ابعاد ايله اوقات ؛
تتره رنبضانڭله شرايين مسافات .
قوت بر ألڭده ، و عناصر بر ألڭده ؛
معمارى ألڭدر ابدك ده ،ازلك ده ..
شعرك دو جهاندر ،كلماتك بتون اجرام ؛
هر ژالۀ صنعك بكا برقلزم الهام ؛
روحمده ، دماغمده و قلبمده ياشارسك ؛
وارسك سن الَهى ، يينه وارسك ، يينه وارسك ٠٠٠


جناب شهاب الدين