Павлов - Тый улат мыланем ныжыл йӱр

Тый улат мыланем ныжыл йӱр

муро

Василий Павлов йоҥгалтара

Мутшо Алевтина Сенькован
Семже Сергей Маковын

1.
Тый улат мыланем ныжыл йӱр,
Шыве-шыве лыжган кутырет.
Ончалам ӱмбакет — шолеш вӱр,
Ик мутетым колам да ырем.
Ончалам ӱмбакет — шолеш вӱр,
Ик мутетым колам да ырем.

2.
Тый улат ныжыл йӱр мыланем,
Йӱрлык вачыш ӱпетше велеш.
О, кузе тыланет куанем,
Пеленет пуйто шошо толеш.
О, кузе тыланет куанем,
Пеленет пуйто шошо толеш.

3.
Ныжыл йӱр мыланем тый улат,
Муро шӱлыш коеш шинчаштет.
Тунемам шоныметым палаш,
Тунемнем мый лияш пеленет.
Тунемам шоныметым палаш,
Тунемнем мый лияш пеленет.

Тыгак ончо

• Марий муро-влак