БЕТАРТИБ [бе.. + тартиб] 1 Тартибга солинмаган ёки тушмаган, айқаш-уйқаш; тартибсиз ҳолдаги. Бетартиб хўжалик. м Кўра этагидаги девор устига бетартиб шох ёйган қора тол зулмат қўйнида хаёлий шарпаларни эслатади. Ҳ. Ғулом, Машъал. Аёл кийим-кечаклар бетартиб сочилган хона ўртасида гангигандек сўппайиб турарди. «Ёшлик».
2 Тартиб-интизомга риоя қилмайдиган; тартибни бузувчи; қонун-қоидага бўйсун-маган ёки бўйсундирилмаган, тартиби йўқ; пойма-пой. Бетартиб гап. Бетартиб бола. Жуда ҳам бетартиб бўлиб кетяпсан.