Yan Raynis esteligine (Qayıpnazarov)
Jılap turǵan qayıńlardı kórdim men,
Kábirińniń ústinde basların iyip.
Máńgilik uykıńnan oyana alsań sen,
Alar em qushaqlap, alar em súyip.
Xalqıń ushın talay jerdi gezseń de,
Sen jatırsań óz jerińe bas qoyıp.
Óziń máńgilik yyqıǵa ketseńde,
Bas ushıńa oyanıwshı jas qoyıp.
Sol jas búgin jańa ómir iyesi,
Bastı jawdı kókiregine tas qoyıp,
Azat latısh ullarınıń hámmesi,
Iske shıqtı bir adamday dás qoyıp.