Vign' ota, ch' iö avrà l' onur de rajonè con vos
Vign' ota, ch' iö avrà l' onur de rajonè con vos
Vign' ota, ch' iö avrà l' onur de rajonè con vos, vorunse pa dagnora baié talian.
Iö ne m' infidâ pa a ves preié de chëst favur.
O chëst feji dërt gën iö; porćì che con chëst m' ejerzitëi pö inće instës a rajonè.
Iö minasse d' ester fortuné iö, sce iö intenesse tant che vos.
In verité, vos rajonëis bele politamënter.
Iö stënte a le crëie; sce iö savesse chël che iö ne sà, podéssel bëin ester poscibl. Ël é vëi, iö intëne e capësce tüt ći che an dij, mo col baié ne pòi dërt gnì inant.
Col tëmp se daràl pa bëin. Iö sun massa malpaziënt. Por imparè valch él trëi cosses assolutamënter nezesciaries, cioè: la capazité, l' aplicaziun e la paziënza. La ultima me manćia le plü de tütes ëla. Por ater, mi Maester é ćiamò dagnora stè contënt de me.
Co à pa inom vost Maester?
So inom é Iaco, mo so cognom ne sai iö.
Ah, iö le conësci bëin, ël se scri B.
Oh chël é pa brau ël. Cotant d' ores de leziun ves dàle al' edema?
Ël vëgn trëi otes al' edema.
Olà stàl da ćiasa?
Iö mini ch' ël stais inte la contrada di becas, nia dalunc dala plaza dl Dom.