Vièspréye

From Wikisource
Jump to navigation Jump to search
Dêrènes Bates  (2014)  by Jacques Desmet
Vièspréye

Vièspréye

L’èsté m’a lachî.
Dji rote à vosse mèseure.
Dji n’a pus l’ timps
Do baloûjener à campagne,
Do choûter brûtyî lès mouchons.

Mi dos clincîye
Su mès frawes di djon.nèsse,
Ripudrè dj’ mi baston
Po raler à mèsse ?

Il èst bin yute,
Li timps dès cèréjes.
Totes lès nûts
Li solia bache.
Riskèpîyerè-t-i co d’mwin
Franc come divant ?

Dji n’a nin peû
D’ l’uch au laudje
Su mès-iviêrs.
Dj’a on gurnî
Plin tot laudje
Avou nos capougnadjes !

Vos-avoz stî l’ fleûr èt l’ frût
Dins mès nûts d’ fin bètch.
Vos d’mèrez m’ solia
À l’èdaume di l’iviêr :
Li stwèle qui wîye su mès sondjes.

Rid’joz mè l’ : « Dji t’ veû voltî ! »
Por vos : dji rataquerè on novia royon !

Dji r’passerè lès vîyès pautes au diâle
Po n’ rastinre qui lès bounès s’minces
Qui dj’ sèmerè d’mwin
Su m’ dêrin bonî.