toki soweli tan jan Beatrix Potter/waso Jonken

by Beatrix Potter

[ 685 ]

waso Jonken

 

 

tan jan Beatrix Potter

ante pi toki pona tan jan Ke Tami

 

 

[ 686 ]

waso Jonken

 

 

[ 687 ]

waso Jonken

tan jan Beatrix Potter
ante pi toki pona tan jan Ke Tami

 

 

 

[ 688 ]

[ 689 ]

a, sina lukin e waso telo lili mute lon waso tomo la, ni li musi tawa lukin!

—o kute e toki pi waso Jonken. ona li ken tawa pona lon telo, li waso telo. ona li pilin pona ala tan ni: ona li ken ala mama pali e sike waso ona tan wile pi jan pali soweli ona, li ken mama awen taso e sike waso pi waso ante. [ 690 ]

waso sama ona pi kulupu ante li waso Jalanpa. waso ante li mama awen e sike ona la, ni li pona lon tenpo ale—"mi wile ala awen lon supa mama lon tenpo mun wan a; waso Jonken o, sina pilin sama a. sike li kama lete tan weka sina; sina sona e ni!" [ 691 ]

waso Jonke li mu: "mi wile mama e sike mi e sike pi waso ante ala; mi taso a li kama mama e ona." [ 692 ]

[ 693 ]

[ 694 ]

ona li len e sike ona; taso tenpo ale la, jan li kama lukin e sike, li weka e sike.

wile pi waso Jonken li kama wawa mute. ona li wile pali e supa mama lon weka tomo lon tenpo ni a. [ 695 ]

tenpo suno pona wan li open e tenpo sike la, waso li tawa lon poka nasin tawa nena.

ona li jo e len lawa e len awen kin. [ 696 ]

[ 697 ]

[ 698 ]

ona li kama lon sewi nena la, ona li lukin e ma pi kasi suli.

lukin ona la, ni li ma pona, li ken ala ike e ona. [ 699 ]

waso Jonken li tawa pi mute ala lon kon. ona li tawa wawa kepeken noka ona, li tawa e luka ona, li tawa sewi. [ 700 ]

[ 701 ]

[ 702 ]

open pona la ona li ken tawa pona lon kon.

ona li awen tawa lon sewi lili kasi la, ona li kama lukin

e ma lili pona pi kasi suli ala. [ 703 ]

waso Jonken li pilin pona tan ni, li tawa lon ma, li wile lukin e supa pona tawa mama. ona li lukin e kiwen suli tan kasi suli la ni li pona tawa ona. [ 704 ]

taso—kiwen kasi ni la, mije li lon, li jo e len pi pona suli, li lukin e lipu pi sona sin.

kute ona li pimeja, li tawa sewi. sinpin la, kule linja li sama ko ma walo.

waso Jonken li toki. "mu?" ona li poka e lawa ona e len lawa ona.—"mu?" [ 705 ]

[ 706 ]

[ 707 ]

mije pi len pona li sewi e lukin lon selo lipu, li kama lukin e waso Jonken, li lukin sona e ijo—

"a, sina o, sina sona ala e nasin pona sina anu seme?" monsi ona la, linja mute li lon palisa. telo lili li lon kiwen la, mije li lape e monsi ona lon ala kiwen, li lape lon palisa. [ 708 ]

lukin la, ona li pona tawa waso Jonken. "ala a. mi sona e nasin mi. mi wile e supa mama pona lon ala telo." [ 709 ]

mije li toki. "a! ni li lon anu seme! lon, lon!" linja sinpin ona pi kule ma walo la, ona li lukin e waso sama wile sona. ona li lili e lipu ona, li poki e lipu lon insa pi len ona. [ 710 ]

waso Jonken li toki e pilin ike ona tan waso tomo lon tomo ona.

"a! musi! mi wile kama sona e waso ni. ken la mi ken nasin pona e ona! [ 711 ]

[ 712 ]

[ 713 ]

taso sina wile e supa pona la—ni li ike ala: tomo pali lili mi la ko waso pona li lon."

mije pi palisa monsi suli pona li toki: "a, o pilin ike ala; sina awen lon ni la, ni li ike ala tawa mi. sina ken awen lon ni lon tenpo pi wile sina." [ 714 ]

ona li nasin e waso tawa tomo. lukin la, tomo li pona ala. kasi mute li lon poka ona.

tomo li palisa lili kasi, li linja palisa kasi, li ma awen. poki suli pakala tu li lon kin, li lon sewi tomo tawa ken pi kon pimeja. [ 715 ]

mije pi pana tomo li toki: "ni li tomo mi tawa tenpo seli; sina tawa tomo lupa mi—tawa tomo mi pi tenpo lete—la, pona ona li sama ala pona pi tomo ni."

monsi tomo la, tomo lili li lon, li pakala tawa lukin. selo pi tomo lili li kiwen tan poki jo suli. mije li open e lupa, li tawa e waso lon insa. [ 716 ]

[ 717 ]

[ 718 ]

tomo ni la, len waso suwi mute li lon—mute len li suli a, li kama len e kon; taso ona li pona tawa pilin, li suwi tawa pilin.

waso Jonken la, mute pi len ni li nasa lili. taso len li pona a. ni li kama supa mama kepeken pali ala a. [ 719 ]

ona li weka tan tomo la, mije li lon supa li lukin tawa lipu—ona li lukin tawa lipu, taso ona li lukin e ijo ante, li lukin tawa sewi lipu.

ona li toki pi suwi mute. kute la, ona li pilin pakala tan ni: waso Jonken li tawa tomo tan tenpo pimeja kama. [ 720 ]

toki mije la, mije li awen pona e supa mama waso tawa tenpo suno kama tan kama waso.

toki ona la, sike waso en waso lili sin li pona a; ona li ken lukin e ni ale lon tomo ona la, ona li ken kama pilin pona. [ 721 ]

[ 722 ]

[ 723 ]

tenpo li tawa la, waso Jonken li kama lon tenpo suno ale. ona li pana e sike luka tu tu lon supa. sike li suli. kule ona li walo laso. mije li lukin, li pilin suwi tan ni. waso Jonken li lon ala la, ona li luka e sike, li sona sin e nanpa sike. [ 724 ]

pini la, waso Jonken li toki tawa mije: "mi wile awen lon tenpo suno kama. mi kama e poki pan kin la mi ken awen lon tenpo mama ale a. seli awen mi la waso sin li ken kama tan sike. mi wile ala e lete lon sike." [ 725 ]

mije pi toki suwi li toki: "waso pona o kama ala e poki sina; mi o kama e moku. sina kama awen tan mama lon tenpo kama lili la mi wile pana e moku pona tawa mi tu. mi o moku suli! sina ken ala ken kama e kasi namako tan tomo ma sina? ni li ken kama e moku pona tan sike. laso namako en kili tu, en namako lipu en [ 726 ]

kasi kili a. mi jo e ko tawa moku, li pana e ona tawa moku—ni li ko pona tawa moku tan sike."

[ 727 ]

[ 728 ]

waso Jonken li sona lili. mije li toki e namako e moku kin la, toki li nasa ala tawa kute waso.

ona li tawa ma kili lon poka pi tomo ona, li weka jo e kasi mute. soweli li wile moku e waso la, kasi ni ale li ken namako e waso tawa moku. [ 729 ]

ona li tawa tomo moku, li kama jo e kili tu tan poki.

waso li kama weka tan tomo la, soweli awen Tenpona li lukin e kama ona. "tan seme la sina jo e kili ni? sina tawa seme lon tenpo suno ale, waso Jonken o?"

waso Jonken la soweli awen li pona sewi; waso li toki e ale ona. [ 730 ]

soweli li kute. lawa ona pi sona pona li anpa lon poka wan. waso li toki e mije pi toki suwi la, sinpin ona li ante tan pilin musi. [ 731 ]

[ 732 ]

[ 733 ]

soweli li wile sona e ijo mute pi ma kasi, e nasin tawa tomo mije.

pini la, ona li tawa, li tawa ma tomo. ona li wile lon poka pi soweli awen lili. soweli ni en jan ona pi pali moku soweli li lon poka. [ 734 ]

waso Jonken li tawa lon poka nasin lon tenpo pi sona pona. ni li tenpo pini tawa ni. ona li jo e mute, e kasi mute, e poki pi kili tu la, ni li mute tawa ona.

ona li tawa lon sewi kon, li tawa lon sewi kasi, li kama lon ma lon poka tomo lon mije pi palisa monsi linja suli. [ 735 ]

[ 736 ]

[ 737 ]

ona li awen lon kiwen. ona li pilin e kon kepeken nena, li lukin tawa ma pi kasi suli tan pilin pi ike kama. waso li kama la, mije li tawa sewi tan wawa pi pilin ni.

"o lukin e sike sina. sina pini e lukin la, o kama lon tomo mi. o pana e kasi tawa mi tawa pali pi moku sike. o tawa a!" [ 738 ]

ona li toki wile wawa. waso Jonken la, ona li toki ni ala lon tenpo ante.

ni li nasa e pilin ona, li ike e pilin ona. [ 739 ]

ona li lon insa tomo la, ona li kute e kalama noka tan monsi tomo. jan li pilin e kon kepeken nena pimeja lon lupa, li pini awen e lupa. pilin ike pi waso Jonken li kama suli a. [ 740 ]

[ 741 ]

[ 742 ]

tenpo lili la, kalama ike mute li lon—mu soweli en mu utala en mu wawa en mu anpa en mu ike.

mije soweli ni pi toki suwi li kama sin lon tenpo ala. [ 743 ]

tenpo ni la, soweli Tenpona li open e lupa tomo, li ken e kama pi waso Jonken.

ike la, soweli lili li tawa insa tomo kepeken wawa, li moku e sike waso ale. soweli Tenpona li ken ala ante e ni lon tenpo pona.

kute wan ona li pakala tan uta. soweli lili ale li tawa kepeken noka pakala. [ 744 ]

[ 745 ]

ona ale li poka e waso Jonken tawa tomo ona. waso li pilin ike, li pana e telo tan oko tan weka pi sike ona. [ 746 ]

[ 747 ]

[ 748 ]

tenpo seli suli la, ona li pana e sike sin, li kama ken mama kin e ona lon tenpo ni a: taso sike tu tu taso la waso sin li kama.

waso Jonken la, ni li tan pilin ike ona; taso sona la, ona li ken ala awen lon sike lon tenpo ale.