toki soweli tan jan Beatrix Potter/soweli Nija

by Beatrix Potter

[ 627 ]

soweli Nija

 

 

tan jan Beatrix Potter

ante pi toki pona tan jan Ke Tami

 

 

[ 628 ]

soweli Nija

 

 

 

[ 629 ]

soweli Nija

tan jan Beatrix Potter
ante pi toki pona tan jan Ke Tami

 

 

 

[ 630 ]

[ 631 ]

tenpo wan la, soweli sin tu wan li lon. ona li soweli alasa, li soweli pi kalama noka ala, li soweli tomo suwi. ona tu wan li soweli Suwile, li soweli Nija, li soweli Puwan.

linja sijelo ona li sama len awen. ona li tawa mute lon poka pi lupa tomo, li musi mute lon ma jaki ko. [ 632 ]

taso tenpo suno wan la soweli mama ona Mamako li wile e soweli pona lon tomo, li wile moku e telo seli pona lon poka pi soweli pona; ni la ona li kama jo e soweli lili, li tawa e ona lon insa tomo, li wile telo e sijelo ona, li wile len pona e ona tan kama pi soweli pona. [ 633 ]

[ 634 ]

[ 635 ]

nanpa wan la, mama li telo pona e sinpin pi soweli lili. (soweli Puwan li lon sitelen ni.) [ 636 ]

nanpa tu la, mama li nasin pona e linja sijelo pi soweli lili. (soweli Suwile li lon sitelen ni.) [ 637 ]

[ 638 ]

[ 639 ]

nanpa tu wan la, mama li nasin pona e linja suli sinpin pi soweli lili. (soweli Nija li lon sitelen ni.)

soweli Nija li ike wile, li luka utala. [ 640 ]

soweli Mamako li insa e soweli Puwan e soweli Suwile lon len suwi pi suli sijelo, li pana e len namako kin lon len ni. ona li wile len e soweli Nija la, ona li kama jo e len mute pi pona mute tan poki len, taso len ni li ike pilin lon sijelo. [ 641 ]

[ 642 ]

[ 643 ]

soweli Nija li suli sike mute, li kama suli; kiwen li awen e len lon sijelo la, kiwen awen mute li kama weka wawa pakala tan len. mama li kepeken linja, li awen sin e kiwen.

[ 644 ]

soweli lili tu wan li kama len ale la, ona li wile pali e pan pona. ni la, soweli lili o weka. mama li tawa e soweli lili lon ma kasi lili lon poka tomo. nasin sona la, ni li ike. [ 645 ]

"soweli lili, o awen pona e len sina! jaki o lon ala len! o tawa kepeken noka monsi taso. o tawa ala ko pimeja jaki. o tawa ala waso Meliweli. o tawa ala soweli pi loje walo. o tawa ala waso telo." [ 646 ]

[ 647 ]

[ 648 ]

soweli Puwan en soweli Suwile li tawa nasa lon nasin pi ma kasi lili. tenpo ni la, ona li noka e len ona, li kama anpa wawa lon sinpin. ona li kama sewi sin la, laso mute li lon len ona a! [ 649 ]

soweli Puwan li toki: "mi ale o tawa sewi pi sinpin kiwen lon selo pi ma ni a."

ona li monsi e sinpin len, li sinpin e monsi len. ona li tawa sewi kepeken tawa wawa wan; len namako pi soweli Puwan li kama anpa, li awen lon ma pi nasin suli. [ 650 ]

[ 651 ]

[ 652 ]

soweli Nija li tawa kepeken noka, li jo e len ike la, ona li ken ala a tawa sewi sama. ona li tawa poka sinpin, li tawa sewi lili lon kiwen, li kama sewi pona. ona li selo e kasi mute la, kiwen awen li kama weka, li kama weka. [ 653 ]

ona li kama lon sewi pona la, len ona li open mute.

soweli Puwan en soweli Suwile li wile pona e len pi soweli Nija; len lawa ona li kama weka; kiwen mute ala li awen lon len, taso kiwen ni kin li kama weka. [ 654 ]

[ 655 ]

[ 656 ]

ike ni li lon ona la, kalama lili noka Noka Noka Noka li kama. ni li tan kama pi soweli telo walo tu wan lon ma nasin. waso wan li lon monsi pi waso ante. ona li tawa lon ma kepeken noka waso ona la, ni li nasa musi lili tawa lukin, li kama e kalama noka Noka Noka Noka Noka a! [ 657 ]

ona li pini e tawa, li lukin tawa sewi, li lukin e soweli tu wan. lukin waso li lili mute. pilin ona li wawa tan sin pi kama ni. [ 658 ]

[ 659 ]

[ 660 ]

tenpo ni la, waso Jalanpa en waso Jonken li kama jo e len lawa, e len namako, li len e sijelo ona kepeken ni.

[ 661 ]

ni li musi mute e pilin pi soweli Suwile la, ona li mu mute wawa e pilin, li kama anpa tan mu a. soweli Puwan en soweli Nija li wile tawa ona, li tawa anpa la, len ante kin li kama weka, li kama anpa. [ 662 ]

soweli Puwan li toki: "waso Lenpan o kama! o pali pona sin: mi wile len e soweli. soweli Nija, o awen pona e len sina!" [ 663 ]

[ 664 ]

[ 665 ]

waso Lenpan li tawa poka kepeken wawa ala, li kama jo e len ale. [ 666 ]

taso ona li len e sijelo ona a! suli len li ike tawa soweli Nija la, suli len li ike mute tawa waso a.

waso Lenpan li toki: "ni li tenpo pona a!" [ 667 ]

[ 668 ]

[ 669 ]

ni la, ona en waso Jonken en waso Jalanpa li tawa, li kepeken noka, li kalama noka Noka Noka Noka Noka! [ 670 ]

ale ni li kama la, soweli Mamako li kama tan ma kasi lili li lukin e soweli lili ona lon sewi sinpin, li lukin e weka len. [ 671 ]

[ 672 ]

[ 673 ]

ona li weka e soweli lili, li utala luka e ona, li tawa e ona lon tomo.

ona li toki: "soweli pona mi li kama lon tenpo lili a. ona o lukin ala e sina a. mi pilin ike tawa sina a." [ 674 ]

mama li kama e soweli lili lon sewi tomo; sona mi la, ona li toki e ni tawa soweli pona ona: "ike jaki seli li lon soweli ona la ona o awen lon supa lape"; taso ni li lon ala. [ 675 ]

[ 676 ]

[ 677 ]

wawa la, ante li lon a; ona li lon ala a supa lape: ona li pali ante a.

kama la, kalama mute li kama tan sewi tomo, li nasa e moku pona pi telo kasi seli. [ 678 ]

pilin mi la, mi o sitelen e lipu ante e lipu suli a tawa ni: mi ken toki e kama ante pi soweli Nija tawa sina! [ 679 ]

[ 680 ]

waso telo la seme li kama? ona tu wan li tawa telo.

len ale li kama weka tan ona tan ni: kiwen awen li lon ala, li ken ala awen e len lon ona. [ 681 ]

[ 682 ]

[ 683 ]

waso Lenpan en waso Jonken en waso Jalanpa li awen lukin alasa e len lon tenpo ale a.