toki soweli tan jan Beatrix Potter/pan suwi sike palisa

by Beatrix Potter

[ 750 ]

pan suwi sike palisa

 

 

tan jan Beatrix Potter

ante pi toki pona tan jan Ke Tami

 

 

[ 751 ]

 

 

[ 752 ]

 

 

[ 753 ]

pan suwi sike palisa

 

 

 

[ 754 ]

 

 

 

[ 755 ]

[ 756 ]

jan lili o sona e ni: lipu ni la, soweli mama li utala e soweli lili ona. ni li ike. mama o utala ala e lili ona. utala ni li pona lon tenpo ala a. mama sina li utala e sina la, ni li ike, li nasin ala. [ 757 ]

tenpo wan la, soweli li lon, li mute pi awen tenpo, li soweli Mamako. li soweli alasa, li soweli pi kalama noka ala, li soweli tomo. ona li mama kin, li pilin mute e pali mama. [ 758 ]

soweli lili ona li awen kama weka. soweli lili li weka sin la, ona li pali e nasa ike lon tenpo sin a!

tenpo suno wan la, soweli Mamako li nasin e ni: ona li wile awen e soweli lili lon insa pi supa poki. [ 759 ]

ona li kama jo e soweli Puwan e soweli Suwile, taso ona li awen alasa e soweli Nija. [ 760 ]

soweli Mamako li tawa sewi tomo, li tawa anpa tomo, li tawa ale tomo, li mu e nimi pi soweli Nija. ona li lukin e insa pi poki awen moku lon anpa pi nasin sewi anpa, li lukin e tomo lape pi jan tawa. tomo ni li ken pona tawa jan kama pi tomo ante. len li awen e supa ale tan jaki. [ 761 ]

ona li tawa sewi tomo, li lukin lon anpa pi selo tomo sewi, taso soweli Nija li lon ala ni kin.

tomo li tomo pi tenpo mute mute, li jo e supa poki mute, e nasin mute. insa sinpin li wawa suli sama suli jan. [ 762 ]

kalama nasa li tan insa sinpin la, ni li ken sama nasin lili lon insa sinpin. lon la, lupa lili li lon noka sinpin mute. lon la, ijo—en ko moku kin—li kama weka lon tenpo pimeja.

nasin pali pi soweli Mamako li kama nasa, li kama nasa. soweli li mu ike. [ 763 ]

[ 764 ]

mama soweli li lon ale tomo la, soweli Puwan en soweli Suwile li kama pali e nasa.

lupa pi supa poki li pini awen ala la, soweli li open e lupa, li kama tan supa poki. [ 765 ]

lili la, ona li tawa ko pan. ko li kama suli lon insa pi poki moku supa lon poka seli.

ona li noka suwi lili e ko—soweli Suwile li toki tawa soweli Puwan: "mi wile ala wile pali e pan suwi lili?" [ 766 ]

taso tenpo pi ni sama la, luka li kalama e sinpin lupa. ni la, soweli Puwan li kama tawa insa poki lon insa pi ko walo tan wawa pilin. [ 767 ]

soweli Suwile li tawa tomo pi awen telo, li len e sijelo ona lon insa poki pi jo ala. supa poki sama la, poki pali pi telo walo mama li lon. [ 768 ]

kama li soweli pi tomo poka, li soweli Lenja; ona li wile kama jo e ko nasa pi pali moku tan soweli Mamako.

soweli Mamako li kama tawa anpa tomo, li mu ike—"o kama, soweli Lenja pi kulupu sama o. a, o kama, o lape e monsi! ike la, kama ike li lon mi, soweli Lenja o." ona li pana e telo tan lukin. [ 769 ]

"soweli lili mi Nija li kama weka tan mi; pilin ike mi la, soweli pi lili mute ala li jo e ona." ona li len luka weka e telo lon lukin.

"ona li soweli lili ike, soweli sama Mamako o; mi kama tawa tenpo sina pi telo kasi seli la, ona li musi kepeken linja tan len lawa mi a. sina alasa e ona lon seme?" [ 770 ]

soweli Mamako li toki: "lon ale tomo a! soweli pi lili ala li mute ike tawa mi. a, kulupu mi li nasa la, ni li wawa ike tawa mi!" [ 771 ]

[ 772 ]

"soweli pi lili ala li ken ala nasa e pilin wawa mi; mi ken alasa e soweli lili sina lon poka sina; mi ken utala kin e ona sama sina tan ike ona! a, ko pimeja ni li seme lon sinpin pi poki seli?" [ 773 ]

"lupa sewi li wile e weka jaki—a, pakala, soweli Lenja o—soweli Puwan en soweli Suwile li weka kin!

ona tu li kama tan supa poki!" [ 774 ]

[ 775 ]

soweli Lenja en soweli Mamako li open e alasa wawa sin lon ale tomo. ona li lukin e anpa pi supa lape kepeken ilo awen pi soweli Lenja, li luka e ijo mute lon insa pi supa poki mute. ona li kama kin e palisa seli suno, li lukin lon insa pi poki len lon anpa pi selo tomo sewi. [ 776 ]

ona li kama ala pini pona e alasa, taso tenpo wan la, kalama wawa li pini e lupa lon weka. tenpo sama la, kalama noka li anpa lon nasin pi tawa anpa. [ 777 ]

soweli Mamako li toki pi pilin ike: "ike lon la, soweli pi lili ala li mute jaki lon tomo ni. alasa la, mi kama jo e ona luka tu pi lili tenpo tan lupa sinpin lon monsi pi tomo moku. mi en soweli lili mi li kama moku e ona lon tenpo pi esun ala. tenpo wan la, mi kama lukin e mama mije ona— [ 778 ]

soweli Lenja o, ona li sike suli a. mi wile kama noka wawa e ona la, ona li kama e kiwen uta tawa mi, li tawa weka lon lupa ona."

ona li awen toki: "soweli jaki ni pi lili ala li nasa e lawa mi, soweli Lenja o." [ 779 ]

soweli Lenja en soweli Mamako li alasa, li alasa, li alasa. ona tu li kama kute e kalama pi tawa sike lon sewi tomo. taso ona li kama ala lukin. [ 780 ]

ona li kama sin lon tomo moku. soweli Lenja li kama toki: "a, pona la, soweli sina wan li lon" ona li jo weka e soweli Puwan tan poki pi ko walo. [ 781 ]

soweli suli tu li weka luka e walo ko tan soweli lili, li pana e ona lon supa ma. lukin la, ike li kama lon pilin pi soweli lili.

soweli Puwan li toki: "mama o, mama o, a, soweli jaki meli pi mute tenpo li kama lon tomo moku ni. ona li kama weka jo e ko pan lili!" [ 782 ]

soweli suli tu li lukin e poki ko. lon la, linja lupa lili li lon ko tan palisa luka. ko lili li weka tan ko ale a!

"soweli Puwan o, ona li tawa seme?" [ 783 ]

taso soweli Puwan li kama ala sin e lukin lon selo poki tan pilin ike ona.

soweli Lenja en soweli Mamako li awen e ona lili lon poka lon lukin la, ona li awen alasa. [ 784 ]

[ 785 ]

ona li tawa tomo pi awen telo.

sin la ona li kama lukin e soweli Suwile lon poki wan pi telo ala. [ 786 ]

ona li anpa e poki la, soweli Suwile li kama tan poki.

soweli Suwile li toki: "a, mama o, mama o!— [ 787 ]

[ 788 ]

a, mama o, mama o, a, soweli jaki mije li kama lon tomo awen ni. ona li sike suli a, mama o; ona li kama weka jo e ko moku jelo e ilo palisa pi pali sike."

soweli Lenja en soweli Mamako li lukin e ona sama tu. [ 789 ]

soweli Mamako li kalama: "ilo en ko anu seme! a, ike li tawa soweli lili mi!" ona li tawa sewi e luka.

soweli Lenja li toki: "ilo palisa pi pali sike anu seme? a, mi lukin e poki lon sewi tomo lon sewi tomo la, mi kama kute e tawa sike anu seme?" [ 790 ]

sin la, soweli Lenja en soweli Mamako li tawa sewi tomo kepeken wawa. lon la, kalama pi tawa sike li awen lon supa anpa pi sewi tomo. [ 791 ]

soweli Lenja li toki: "ni li suli ike, soweli Mamako o. soweli Pela o kepeken ilo pi pana pakala lon supa anpa ni."

• ⁠• ⁠• ⁠• ⁠• ⁠• ⁠• ⁠•

[ 792 ]

sina wile sona e kama lon soweli Nija la, sina wile sona e ike tan tawa lon lupa sewi pi kon seli lon tomo pi tenpo mute la, sina wile sona e kama lon sona nasin ala lon soweli pi lili ala la, o kute e ni: [ 793 ]

soweli Nija li wile ala awen lon poki lon supa poki. ona li lukin e tawa weka pi mama ona tan pali pi pan suwi la, ona li wile weka tan lukin.

ona li alasa e wan pona pi len ken, li kama awen lukin e lupa pi kon seli.

seli li kama open lon tenpo lili taso, li seli mute ala; [ 794 ]

taso kon walo wawa li kama tan palisa kasi tan seli. soweli Nija li kama lon selo pi poki seli, li lukin tawa sewi. poka ni li poka seli pona.

lupa sewi pi kon seli li suli pona lon tawa pi jan suli. ni la, lupa li suli a tawa soweli lili Nija. [ 795 ]

[ 796 ]

ona li tawa sewi lon poka pi poki seli, li kama awen tawa pona lon palisa sewi awen pi poki telo. [ 797 ]

soweli Nija li kama e tawa sewi ante lon palisa, li kama lon sinpin lon sewi lon insa pi lupa kon. ko pimeja li kama anpa tan ni. [ 798 ]

[ 799 ]

soweli Nija li pana wawa e kon ike, li kon ike e kon walo; ona li ken kute e kama seli lon palisa kasi lon anpa seli. ona li kama e wile pi tawa sewi, e wile pi weka tomo, e wile lon sewi pi selo tomo, e wile pi alasa waso. [ 800 ]

"mi ken ala kama sin lon nasin mi pi tenpo pini. mi kama anpa sin la, mi ken kama anpa pakala lon seli. ni la, monsi mi en len pona laso mi li ken kama pakala seli."

lupa kon li suli, li tan tenpo pini mute. tenpo open ona la, jan li seli e kasi suli mute lon poki seli. [ 801 ]

lupa kon li tawa selo sewi tomo la, pini ona li sama palisa kiwen. suno li kama lon insa lupa tan sewi ni, li poka e palisa awen pi weka telo. [ 802 ]

soweli Nija li kama pilin ike wawa tan kama pi sona ala! ona li awen tawa sewi, tawa sewi, tawa sewi. [ 803 ]

tenpo ni la, noka ona li tawa lon suli pi ko pimeja. ona li sama ilo pi weka ko. [ 804 ]

ale li pimeja la, ale li nasa. pilin la, lupa li kama nasin mute, li tawa lupa mute.

kon walo li kama lili, taso sona nasin li kama weka tan soweli Nija. [ 805 ]

soweli li kama sewi, li kama sewi; taso ona li lon ala ale sewi la, kiwen wan li weka tan sinpin. lupa kiwen la, kiwen moku pi sijelo soweli li lon— [ 806 ]

soweli Nija li toki: "ni li nasa. jan seme li moku e kiwen sijelo lon sewi ni? a, mi wile ala lon ni! kin la, kon li nasa tan seme? kon li sama soweli pi lili mute tawa mi; taso kon li wawa mute la, ni li tan ala soweli pi lili mute. mi kama wile pana wawa e kon tan nena mi." [ 807 ]

[ 808 ]

ona li tawa insa pi lupa kiwen la, pali ni li wile e wawa. ona li tawa nasin pi lili mute la, ni li pona ala tawa pilin, li pimeja mute. [ 809 ]

sona li tawa lon nasin ni kepeken tawa noka lili; sina lukin e sitelen lon open pi toki ni la, soweli li lon insa pi noka sinpin, li lon sitelen lili *. [ 810 ]

[ 811 ]

tawa sin la, soweli li kama anpa wawa lon pimeja, li kama lawa anpa lon lupa, li kama lon mute pi len jaki.

soweli Nija li kama sewi lili sin la, ona li lukin lon poka ale—ona li lon tomo lon ale tenpo ona, taso ona li sona ala e poka ni. [ 812 ]

kon pi tomo lili ni li ike lili, li awen lon insa tomo. tomo lili li jo e supa lili e palisa awen sewi e linja len tan pipi e sinpin pi palisa mute e walo pi awen kiwen.

lon poka ante pi tomo lili— lon weka mute pi ken soweli ale—la soweli pi lili ala li lon. [ 813 ]

soweli ni li toki: "tan seme la sina kama lon supa lape mi? sina pana e ko pimeja lon supa mi a." kiwen uta ona li tawa la, kalama li kama. [ 814 ]

soweli Nija li toki: "soweli o, lupa pi kon seli la, jaki o weka tan ona." [ 815 ]

soweli pi lili ala li mu: "soweli Utawa o! soweli Utawa o!" kalama noka li kama la, soweli meli pi lili ala li kama lukin e mije ona tan poka pi palisa awen wan. [ 816 ]

pini lukin la, meli li tawa soweli Nija kepeken tenpo lili. soweli Nija li sona ala e kama ale la len ona li kama weka tan luka pi soweli ante. soweli ante li sike e ona, li lili e ona, li awen e ona kepeken linja kepeken wan linja mute pi awen wawa. [ 817 ]

soweli Utawa li wan e linja. soweli ante li lukin e pali ona, li pana e namako nasa tawa nena ona.

soweli pi namako nasa li soweli Utaki, li toki: "soweli Utawa, o pali e pan soweli pi sike palisa tawa moku mi." [ 818 ]

soweli Utawa li lukin e soweli Nija tan poka anpa, li toki: "a, ni li wile e ko pan, e ko moku jelo, e ilo palisa pi pali sike." [ 819 ]

[ 820 ]

soweli Utaki li toki: "ala a. o pali pona e pan, kepeken namako pan." [ 821 ]

soweli Utawa kin li toki: "ante ike a! ko pan en ko jelo li pona." [ 822 ]

[ 823 ]

soweli ni tu li toki lon tenpo awen lili, li tawa weka.

soweli Utaki li tawa lupa lon noka sinpin, li tawa nasin pi tawa anpa, li kama jo weka e ko moku jelo. ona li pilin ike ala tan lukin ken, taso jan ala li lukin e ona. [ 824 ]

ona li tawa sin, li kama jo weka e ilo pi pali sike. ona li tawa e ilo lon sinpin ona kepeken luka ona. jan pi pali telo li tawa e poki sike telo suli la, ni li sama tawa lukin. [ 825 ]

ona li ken kute e toki pi soweli Lenja e toki pi soweli Mamako, taso soweli ni tu li lukin e poki kepeken suno pi palisa seli la, ijo ala li suli tawa ona tu.

ona tu li kama ala lukin e soweli Utaki tan ni. [ 826 ]

tenpo sama la, soweli Utawa li tawa anpa tomo lon poka pi noka sinpin, li tawa lon poka pi selo len lupa lon lupa lukin, li wile jo e ko pan. [ 827 ]

ona li kepeken poki lili, li wile ala awen jo e poki lon tenpo ale. ona li poki e ko kepeken luka. [ 828 ]

ona li kama ala lukin e soweli Puwan.

soweli Nija li wan taso lon insa anpa pi selo sewi tomo la, ona li lukin kama weka, li lukin mu tawa jan ante.

taso ike la, ko pimeja en linja len pipi li lon uta ona. ike kin la, linja li lon ale pi sijelo ona, li li ken e kute ala tan jan ante. [ 829 ]

taso pipi wan li ken kute e ona, li tan pakala lupa lili lon sewi tomo. pipi li awen weka la, ona li lukin e wan linja pali pi awen wawa lon sona. [ 830 ]

sona ona pi wan linja li wawa li suli tan ni: ona li alasa linja e pipi lili waso laso. ona li pana ala e pona pali tawa soweli Nija.

soweli Nija li tawa, li tawa, li tawa mute la, wawa ona li kama lape. [ 831 ]

[ 832 ]

tenpo ni la, soweli tu pi lili ala li kama sin, li open e pali, li wile pan sike e soweli Nija. soweli Utaki li toki: "a, taso soweli Utawa o, linja awen li ike tawa moku mi, anu seme?" [ 833 ]

soweli Utawa li toki: "ni li suli ala. taso wile mi la, soweli ni o pini e tawa pi lawa ona. ni li nasa e ko." ona li kama jo awen e kute ona. [ 834 ]

[ 835 ]

soweli Nija li utala uta, li pana utala e telo tan uta, li mu utala, li tawa utala; ilo palisa pi pali sike li tawa sike, li tawa sike, li tawa sike, li tawa sike-sike. soweli wan li lon pini ilo wan la, soweli ante li lon pini ilo ante. [ 836 ]

"palisa monsi ona li kama tawa lukin tan pan! soweli Utawa o, sina kama ala e ko pan pi mute pona."

soweli Utawa li toki: "mi kama e ko lon ale jo pi ken mi a." [ 837 ]

soweli Utaki li open e toki: "pilin mi la"—ona li pini e toki lon awen lili, li lukin e soweli Nija—"pilin mi la, ona li kama ala pan pona. kon ona li sama ko pimeja." [ 838 ]

soweli Utawa li wile open e utala toki la, kalama ante pi sin suli li kama tan sewi—ilo pali pi pana pakala li kalama; mu kin pi soweli pona en kalama kin pi luka soweli pali li lon! [ 839 ]

soweli tu pi lili ala li anpa e ilo, li kute pona. [ 840 ]

"a, jan ante li kama lukin e mi, soweli Utawa o; mi o kama jo e ijo ale mi—e ijo pi jan ante kin. ni la, mi o tawa. ike la, mi ken ala tawa e pan ni. pan li awen.

[ 841 ]

pilin kin pi mi wan la, wan linja li kama ike e insa mi tan moku. sina toki ante la, ni li ante ala e pilin mi."

soweli Utawa li toki: "o kama lon tenpo ni. mi tu li wile poki e kiwen moku pi sijelo soweli. ni li mute lon lupa pi kon seli tan pana mi." [ 842 ]

ni la, soweli Pela li kama weka e selo tan supa ma la—ilo taso pi pali sike en soweli Nija taso pi selo pan jaki li lon! [ 843 ]

taso kon li sama soweli pi lili ala tawa nena. tenpo awen mute la, soweli Pela li awen alasa, li awen pilin e kon, li tawa e palisa monsi ona, li tawa, li tawa sike lon poka lupa ale. [ 844 ]

[ 845 ]

pini la, ona li pona sin e selo, li poki e ilo, li kama lon anpa tomo.

pilin pi kulupu soweli li kama pona. ona li ken e awen pi soweli Pela lon tenpo moku. [ 846 ]

pan selo li kama selo ala lon soweli Nija la, pan ni li kama pan suwi pona. pan li kama jo e kili pimeja lili la, ni li len e ko pimeja tan lupa pi kon seli. [ 847 ]

soweli suli li telo e soweli Nija lon telo seli pona la, ko jelo li kama weka tan selo ona.

soweli Pela li pilin e kon pan; taso ona li pali e poki pi sike tu tawa jan Pota lon tenpo pini lili, li wile pali e poki waso awen tu tawa jan Pota la, ona li ken ala awen lon tenpo moku. [ 848 ]

mi tawa tomo pi lipu tawa lon insa pini pi tenpo suno la, mi lukin tawa nasin ante la, mi kama lukin e soweli Utaki tawa e soweli Utawa tawa e poki jo suli ona. soweli li lon poki tawa pi sike tu. poki ni li sama poki mi lon lukin a.

ona li kama lon lupa lon tomo pi jan Pokili. [ 849 ]

soweli Utaki li pana mute, li moku mute e kon tan tawa mute. soweli Utawa li awen toki utala tawa ona.

lukin la, soweli Utawa li sona e nasin, li jo e ijo poki mute.

sona mi la, mi kama ken e poki mi tawa ona lon tenpo ala a! [ 850 ]

[ 851 ]

ona li tawa insa tomo, li sewi e poki ale ona kepeken linja. [ 852 ]

pini la, soweli jaki ala li lon tomo pi soweli lon tenpo suli a. [ 853 ]

[ 854 ]

taso lawa pi jan Pokili li kama nasa. soweli jaki en soweli jaki en soweli jaki li lon tomo ona! ona li moku e pan tan waso tomo, li weka jo e pan tan jan, li pali e lupa lon poki moku. [ 855 ]

soweli ale ni li soweli lili tan soweli Utaki, li soweli lili tan soweli Utawa—li ken soweli lili tan soweli lili, li ken soweli lili tan soweli lili tan soweli lili.

mute ona li suli a! [ 856 ]

soweli Puwan en soweli Suwile li kama suli la, ona li kama soweli alasa pona lon soweli jaki ni.

ona tu li tawa ma tomo la, pali mute en mani mute li kama tawa ona tan alasa pi soweli jaki. ona li alasa e soweli jaki luka luka tu la, ona li wile e mani wan. mani ni li pana e lon pona tawa ona. [ 857 ]

[ 858 ]

ona li awen e linja palisa monsi lon lupa ona la, ni li pana e sona pi alasa pona—linja ni mute mute li lon. [ 859 ]

taso soweli Nija li awen pilin ike lon poka pi soweli jaki. ona li kama wile alasa e soweli ni taso— [ 860 ]

soweli pi lili mute. [ 861 ]

[ 862 ]