toki soweli tan jan Beatrix Potter/kulupu soweli Lawako

by Beatrix Potter

[ 864 ]

kulupu soweli

Lawako

 

 

tan jan Beatrix Potter

ante pi toki pona tan jan Ke Tami

 

 

[ 865 ]

kulupu soweli

Lawako

 

 

 

[ 866 ]

kulupu soweli Lawako

tan jan Beatrix Potter
ante pi toki pona tan jan Ke Tami

 

 

 

[ 867 ]

[ 868 ]

toki la, sina moku e lipu kasi mute la ni li kama e lape a.

taso mi pilin lape tan ni lon tenpo ala; taso mi soweli ala pi kute suli.

suli la, lipu kasi li lape a e kulupu soweli Lawako! [ 869 ]

soweli lili Penjamin li kama soweli suli a Penjamin la, ona en soweli sama ona Lawako pi kulupu ante li kama kulupu olin. ona li kama mama e soweli lili mute, li pilin pona musi, li pilin pona tawa tenpo kama ale. [ 870 ]

soweli lili ale la mi ken ala awen e nimi ale lon sona mi; kulupu ni la, nimi pi soweli lili li "kulupu soweli Lawako". [ 871 ]

[ 872 ]

[ 873 ]

moku li mute pona lon tenpo ale ala la, soweli Penjamin li kama jo e kili lipu tan soweli sama Pita pi soweli Lawako. soweli Pita li lawa e ma kili. [ 874 ]

tenpo ken la, soweli Pita li ken ala pana e lipu tawa soweli Penjamin. [ 875 ]

[ 876 ]

[ 877 ]

ni li kama la, kulupu Lawako li tawa lon ma, li tawa nena pi ijo jaki. nena ni li lon lupa lili, li lon poka pi ma kili lon tomo pi jan Mekeke. [ 878 ]

nena jaki pi jan Mekeke li jo e ijo ante mute. poki pi moku ko en poki kiwen en poki lipu li lon. ilo li weka e kasi anpa tan ma la kasi li lon nena ni (li nasa tawa pilin uta sama ilo). [ 879 ]

kili li kama jaki la ona li lon nena ni. poki tawa li lon kin. tenpo suno wan la pona li lon a—kili lipu mute a li lon, li kama suli, li kama kasi, li kama e kule suwi. [ 880 ]

[ 881 ]

[ 882 ]

kulupu Lawako li moku mute a e kili lipu. tenpo li tawa la, soweli wan en soweli wan en soweli wan en soweli ante li kama lape, li lape lon ma supa.

soweli Penjamin la wawa lape li sama ala soweli lili ona. ona li kama lape la ona li len e lawa ona kepeken poki lipu tan pipi. [ 883 ]

kulupu Lawako pi soweli lili li lape suwi lon suno seli. ma lon weka pi ma kili la, ilo pi weka kasi li kalama. pipi lili waso li tawa lon sinpin. soweli pi lili mute li mute tenpo, li luka e ijo lon nena jaki.

(mi ken pana e nimi ona. ni li soweli Melili, li soweli lon ma pi kasi suli, li jo e palisa linja suli lon monsi.) [ 884 ]

[ 885 ]

[ 886 ]

ona li tawa lon poki lipu. ni li poki lipu pi soweli Penjamin la, lape li kama pini.

soweli pi lili mute li wile ala ike e lape la, ona li toki e ni. toki ona kin la, soweli Melili li sona e soweli Pita pi kute suli. [ 887 ]

soweli Melili en soweli Penjamin li awen toki la, kalama noka wawa li kama tan sinpin poka, li lon sewi pi ona tu. kama wawa la, jan Mekeke li weka e jo tan poki. kasi weka mute li kama lon sewi pi kulupu Lawako a! soweli Penjamin li kama lili lon poki len ona. soweli Melili li len kepeken poki moku kiwen. [ 888 ]

[ 889 ]

[ 890 ]

soweli pi kulupu Lawako li pilin suwi, li awen lape suwi lon kama ni; moku ona pi lape wawa la, ona li pini ala e lape lon kama kasi.

lon lape ona la, soweli mama ona Lawako li suwi awen mama e ona lon supa lape pona.

jan Mekeke li pini e weka jo la, ona li lukin lon anpa. [ 891 ]

ona li kama lukin e pini pi kute suli suwi lon anpa pi kasi pana. ona li awen lukin.

tenpo ni la, pipi waso li kama lon kute wan. kute li tawa.

jan Mekeke li tawa anpa, li tawa nena jaki— [ 892 ]

ona li kama jo e soweli. "wan. tu. tu wan. tu tu! luka! soweli luka wan a!" lon lape soweli la, mama suwi ona li luka e ona. soweli li tawa lili lon awen lape, taso lape li pini ala. [ 893 ]

[ 894 ]

[ 895 ]

jan Mekeke li selo e poki, li kama e ona lon sinpin.

ona li wile weka pona e ilo ona, li tawa ilo. [ 896 ]

ona li weka la, soweli Lawako li tawa (li awen lon tomo lon tenpo pini), li kama lon poka.

ona li lukin e poki kasi la poki li nasa tawa ona. soweli ante li lon seme? [ 897 ]

[ 898 ]

[ 899 ]

ni la, soweli Melili li kama tan poki kiwen ona. soweli Penjamin li weka e poki lipu tan lawa ona. ona tu li toki e kama tawa soweli Lawako.

soweli Penjamin en soweli Lawako li pilin ike wawa, taso ona li ken ala open e poki soweli. [ 900 ]

taso soweli Melili li sona pona. ona li pakala e anpa poki kepeken uta, li lon e lupa lon poki.

mama tu ona li kama weka e soweli lili ale tan poki, li luka e ona, li pini e lape ona.

poki la, soweli mama tu li insa e kili jaki mute, e ilo pi linja mute pimeja. [ 901 ]

[ 902 ]

[ 903 ]

ni la, ona li len tan jan Mekeke lon monsi kasi. [ 904 ]

jan Mekeke li kama sin, li jo e poki, li tawa.

poki li anpa mute lon luka ona tan wawa anpa poki.

kulupu Lawako li tawa lon monsi jan, li awen weka tan jan, li wile ala e lukin jan. [ 905 ]

[ 906 ]

[ 907 ]

soweli li lukin la, jan li tawa insa tomo.

ona li tawa lupa lukin, li wile kute.

jan Mekeke li anpa wawa e poki lon ma kiwen. kulupu Lawako li lon insa poki la, ni li pakala e soweli, taso ona li lon ala ni. [ 908 ]

soweli li ken kute la, jan li tawa e supa monsi ona lon ma, li mu lili e pilin pona—ona li toki: "soweli wan, soweli tu, a tu wan, tu tu, luka, soweli lili luka wan a!" [ 909 ]

[ 910 ]

[ 911 ]

meli ona li wile sona: "a, seme li lon? soweli li pali e ike seme lon tenpo ni?"

jan Mekeke li toki sin, li nanpa e palisa lon luka ona: "wan, tu, tu wan, tu tu, luka, soweli lili luka wan a! wan, tu, tu wan—"

"o nasa ike ala a; sina toki e seme, mije o?" [ 912 ]

jan Mekeke li toki: "lon poki a! wan, tu, tu wan, tu tu, luka, luka wan a!"

(kulupu Lawako la, soweli pi lili nanpa wan li tawa sewi, li kama lon poka lupa.) [ 913 ]

jan meli Mekeke li luka jo e poki, li pilin e poki. lon la, ona li ken pilin e soweli luka wan, taso ni li ken ala soweli lili tan ni: ona li kiwen, li selo pi ante mute.

"moku la ni li ike, taso selo ona li ken len pona lon len awen mi pi sin ala." [ 914 ]

jan mije Mekeke li kalama—"lon len sina pi sin ala anu seme! mi wile esun e soweli. mani ni la, mi ken esun jo e namako tawa kon pimeja moku!"

"kon moku tan soweli anu seme! ala a, mi kama moli e soweli, li weka e selo tan ona." [ 915 ]

[ 916 ]

[ 917 ]

jan meli Mekeke li open e poki, li insa e luka.

ona li kama pilin e kili la, ona li pilin ike mute a tawa mije ona. "sina jo e wile ike a." [ 918 ]

jan mije Mekeke li pilin ike mute kin tawa kama ni. kili jaki wan li kama tan tomo tawa lupa, li utala e soweli lili a pi kulupu Lawako.

ona li pilin pakala mute tan ni. [ 919 ]

[ 920 ]

tenpo ni la, soweli Penjamin en soweli Lawako li wile tawa tomo ona. [ 921 ]

[ 922 ]

[ 923 ]

ni la, jan mije li jo ala e namako pi kon pimeja. jan meli li jo ala e selo soweli.

taso tenpo pana li kama la, len li kama tawa soweli Melili pi lili mute. pana ni li tan soweli pi kute suli, li mute pona tawa soweli pi lili mute. soweli Melili li pali e len awen e len lawa e len luka seli tan ni.