Tijdschrift voor Indische Taal- Land- en Volkenkunde, LXVI/De Tjarita Parahijangan

From Wikisource
Jump to navigation Jump to search


[ 402 ]

De Tjarita Parahijangan.

__________

Fol. 11 verso. Ndĕ nihan tjarita parahijangan sang rĕsi goeroe mangjoega radja-poetra(?) radja-poetra(?) miseuweukeun sang kandi-a
wan lawan sang kandi-awati sida sapilantjeukan, ngangaranan maneh rahijangta dewa-radja, basa loemakoe ngara(dja) rĕsi
ngangaranan maneh rahijangta ri mĕdang-djati. inja sang lajoe-watang nja noe njian sang hijang watang-ageung, ba sa na a(ng)kat saboe
mi djadi manik sakoeroengan noe miseuweukeun pañtja poetra sang apatijan sang koesika sang garga sang mestri sang poeroesa
Fol. 40 recto. sang poetañdjala. inja sang mangoekoehan sang karoeng-ka lah, sang sandang-greba sang writi-kandajoen. hana paksi si oewoer-oewoer paksi si nara-gati njajang di tra(?) ja tra(?) bagawat rĕsi makoendria di hakan anak na koe salakina di sisil koe awena tjarek awena papa oerang lamoen oerang teu di anak djeueung bagawata rĕsi makandria di tapa soteh papa dja hanteu dijanak tjarek bagawat rĕsi makandria di a
Fol. 40 verso. nak koe waja dja awe oge hanteu ti inja tjare(k) bagawat rĕsi makandria ai(ng) dek
leumpang ka sang rĕsi goeroe kakendan, datang sija kakendan tjarek sang rĕsi goeroe na naha bedja sija bagawat resi makandria mana sija datang ka dinih poen. samareun aja bedja kami
poen kami me(n)ta pirabieun poen kena kami kapoepoelihan koe paksi si oewoer-oewoer paksi si nara-gati papa
Fol. 14 recto. dewata ndeh inalap poestaka koe rahijang sañdjaja sadatang inoengkab ikang poestaka sabdana ta
karah ong awigĕnam astoe kĕrta joegi balĕm radja krĕtajĕm rawanĕm sangtata dosamĕm sewa tja kali tja bapratesora sang aparanja ratoening dewata sang adata adining ratoe dewata sang sapta ratoe na tjatoerjoega da oemangĕn-angĕn ta sang rĕsi goeroe
Fol. 14 recto. sidĕm manggaweuj sang kandiawan lawan sang kandiawati ma(ng)kana manak rahijangtang koeli-koeli rahijang soerawalan rahijangta mpeles awi rahijang ta rawoeng langit kamiadi sang
[ 403 ]
wrĕti-kandajoen. sang wrĕtikandajoen mangka manak rahijang sĕmpakwadja rahijangtang mandi minjak. rahijangta mandiminjak maka manak sang sĕna rahijang sang sĕna maka manak rahijang sañdjaja.
Fol. 15 recto. rahijang sañdjaja kawĕkassan ring mĕdang ratoe ring galoeh sang seuweukarma ikang hari ratoe galoeh mananĕm sarwidjagih daladalĕm gaweuj poedja lilir desa sewabakti ring batara oepati
rahijangtang wĕrĕh maka sija di ngaran rahijangtang wĕrĕh masa sija ti(ng)gal anak sapilantjeuk-
kan rahijangtang kĕdoel woeroeng ngadĕg hadji kena ba(?)hang ja maka ngaran rahijang sĕmpakwadja. rahijang
verso. tang kĕdoel woeroeng ngadĕg rata kena kĕmir ngaran mangadĕg wikoe-radja sija dja tohaan di koeningan anakna di tapa toe sija seuweu rahijang sĕmpakwadja dja rahijang sañdjaja oedjar rahijang sañdjaja samanaka ring ai aki lamoen kitoe ma karah oelah anggeus narahann ai aki sang apati
oedjar sang apatih mangka dapĕt deui oerang njajangan sang hijang darma-siksa moelah mo denge tjare
Fol. 16 recto. k na patih kalih koe rahijang sañdjaja lamoen dek djaja prarang ma(ng)kat ti galoeh prarang ka mananggoel eleh sang ratoe mananggoel pw anala panoelak sañdjaja toeloej ka kahoeripan di prarang eleh kahoeripan na rahijangta woeloe kapeu noengkoel toeloej ka kadoel di prangrang eleh rahijang soepĕna noengkoel toeloej ka balitar di prang eleh rahijang isora noengkoel toeloej ka bali di prang eleh sang ratoe bima
verso. ti inja rahijang sañdjaja njabrang ka desa malajoe di pra(ng) di kĕmir eleh rahijangtang gana di prang deui ka kĕling eleh sang sri widjaja di prarang ka baroes eleh ratoe djajadana di prang ka tjina eleh pati
sarrikaladarma poelang rahijang sañdjaja ka galoeh ti sabra(ng) ndeh hoemeneng rahijangtang koekoe sang seuweukarma di arile di heueum deungna para patih goesti winĕngkasan pangoedjar ra kaparamartanam oerang marĕ
Fol. 35 recto. k mawa tanggoeng ka rahijang sañdjaja moepoe omas sakati gangsal bawaeun oerang ka rahijang sañdjaja ti inja di heueum deui di galoeh deu(ng) para pati kalinam oerang njieun la-
boer di djalan gĕde pakeun njoengsoeng sang seuweukrama da toeroet rahijangtang koekoe satĕka
[ 404 ]
ka sisi(m)pang ka galoeh deung ka galoenggoeng di soengsoeng di sotjaan oedjar rahijangtang koekoe sang apatih bawa kami ma
verso rĕk ka rahijang sañdjaja omas sakĕti gangsal boah nija oedjar sang apatih poen tohaan
hanteu di pilarang na omasna bĕsi koe rahijang sañdjaja hengan hoeripna oerang rea
di pilarang andĕh kahimĕngan rahijangtang koekoe poelang deui ka arile di heueum deung na
para patih kalih oedjar rahijangtang koekoe na naha pakeun oerang bakti ka rahijang sañdjaja
Fol. 45 recto. sakitoe menakna ini tangtoe rahijang sĕmpakwadja. ndĕh nihan ta oedjar rahijangta loenga ka a-
rile ngababakan na koeningan karĕngĕ koe rahijangta koekoe inja sang seuweukarma ngadĕg di koeningan seuweu rahijang sĕmpakwadja ramanena na pamarta ngawong rat kabeh dajeuh paradajeuh desa paradesa noesa paranoesa ti kĕling bakti ka rahijangta koekoe rahijangta loeda dipoentang rahijangta
verso woeloe kapeu di kahoeripan rahijangta soeprĕmana di wiroe rahijang isora di djawa sang ratoe bima di bali di koelon di toetang soenda njabrang ka desa malajoe rahijangta gana ratoe di kĕmir sang siwidjaja di malajoe sang wisnoedjaja di baroes sang brama sidi di kĕling patani rasi kandarma di ba rawan sang mawoeloe asoe di tjimara oepatah sang patja dana ratoe di tjina pahi kawisesa koe rahijangta
Fol. 37 recto. koekoe pahi ngadĕgkeun hadji sang manitih saoegalah pahi sang seuweukarma kawisesa kena mikoe-
koe tapak dang ngijang koening pangoetjap ka rahijang sañdjaja di galoeh koemaha sang apatih piparentaheun oerang hanteu di oerang di pikoela-kadang koe rahijangtang koekoe sang apatih leumpang doega-
an koe kita ka koeningan soegan oerang di padjar kojo iloe dina karija dja oerang hanteu di
verso. bere njahoan daek loenga sang apatih tĕka maring koeningan marĕk ka kadaton oemoen
bakti ka rahijangtang koekoe deh sang apatih na naha na bedja kita mana kita datang ka dinih oedjar sang apatih kami poen di titahan rahijang sañdjaja di soeroeh
ngadoegaan ka dinih sada noe diwastoe noe didjian ratoe tjarek rahijangta koekoe oe sang apatih
[ 405 ]
Fol. 19 recto. jogja ai di wastoe didjieun ratoe koe na oerang rea ngan rahijang sañdjaja ma hanteu nitah koe dek koela-kadang deung hamo kakami dja bogoh maehan koela-kadang baraja dja ai oge disalahkeun ka koeningan koe rahijang sĕmpakwadja ai beunang
rahijang sĕmpakwadja njalahkeun ka koeningan ini mana ai mo didjaheuteunan koe rahijang sañdja-
verso. ja poelang deui sang apatih ka galoeh ditanja koe rahijang sañdjaja aki koemaha tjarek rahijangta koekoe ka oerang
poen rahijang sañdjaja rahijangta koekoe toe meunang djadi tapana mikoekoe sang hijang darma kalawan sang hijang siksa noeroet talata sang roemoehoen ngawajangkeun awak tjarita bokeh koe oerang toeroet tanpa tingtimannana bijaktakeun koe oerang dja oerang sarwa kapoetraan oerang dja tohaan pahi anak
_____
Fol. 17 recto. ai para dinih digĕrĕkan alah poen kami ti inja poelang deui ka galoeh rahijang sañdjaja sang woela-
n sang toemanggal poelang deui ka arile rahijang sañdjaja rahijang sañdjaja toeloej marĕk ka batara dang ngijang goeroe tjarek batara dang ngijang goeroe rahijang sañdjaja naha bedja mana sija datang ka dinih aja poen bedja kami poen kami warang eleh poen kami meunang koe djadi poe
verso. n goemati di boro(?)an koe sang woelan sang toemanggal sang pandawa ring koeningan poelang deui rahijang sañdjaja ka galoeh tjarek sang woelan sang toemanggal sang pandawa ring koeningan mawa pisadjieun leumpang ka galoenggoeng wi-
dihan sadjoegala ma panglangka woeloeng moedeung satĕpahhan bras sapadangan saktika sija ka galoenggoeng man-
dĕg ring pakĕmbangan kasondong koe pakĕmbangan madjar ka batara dang ngijang goeroe tjarek dang nggang
Fol. 42 recto. goeroe naha ngabadja sija poen batara dang ngijang goeroe aja sang woelan sang toemanggal sang pandawa di koeningan bagija amwat sija datang ka dinih leumpang sija ka galoeh ala rahijang sañdjaja mangka mawa pisadjieun widihan sadjoegala ma saha palang woeloeng moeding satĕmpoehha kawali wĕsi bras sapadangan sa
datang sija ka galoeh tjarek sang hijang sañdjaja naha bedja rahijang pakĕmbangan kami poen disoeroeh koe dang hijang
[ 406 ]
verso. goeroe rahijang sañdjaja mangka noe sangkĕp mawa pisadjieun aja sang woelan sang toemanggal sang pandawa ri koeningan loenga rahijang sañdjaja tĕka ri harepeun batara dang ngijang goeroe tjarek batara dang ngijang goeroe rahijang sañdjaja lamoen kawisesa koe sija sang woelan sang toemanggal sang pandawa ring koeningan ai noeroet tjarek sija dja beunang koe ngai kawisesa toeroet tjarekkeng dja ai wĕnang noedoetan (l. han)
______
Fol. 18 recto. k rahijang lalori mĕnir tĕloean sapilantjeukan noe tjikal nja rahijang sĕmpakwadja adĕg batara dang ngijang goeroe di galoenggoeng rahijangtang kĕdoel adĕg batara hinag boejoet di dĕnoeh rahijang ta mandiminjak adĕg di galoeh tjarek sang

rĕsi goeroe karoenja ai koe rahijang sĕmpakwadja hanteu di bogo ewe anak ing pwah rababoe kita leumpang hoesir rahijang sĕmpakwadja kena

verso. inja pideungeuneun sija satapa sang rĕsi goeroe ngagisik ti poeloeng djadi djalalang bodas leumpang ngahoesir rahijang sĕmpakwadja eukeur malit tjarek rahijang sĕmpakwadja na naha djalalang bodas eta tos soempit nja mana di hoesir dek njoepit inja kapanggih rababoe eukeur mandi di sang hijang talaga tjandana tjarek rahijang sĕmpakwadja ti mana keh e
Fol. 12 recto. ta noe mandi eta di leled sampingna koe soempit beunang di leled aja deungeunna pwa aksari kalih toeloej laloempatan ka tĕgal pwah rababoe di tjokot rahijang sĕmpakwadja di pirabi kasihan na pwa rababoe nja mana di seuweu inja rahijang poerba-sora rahijang dĕmoenawan dwaan sapilantjeukan ngareungeu tatabĕhan hoemoeng goemoeroeh paparoengan tatabĕhan di galoeh
verso. poelang ka galoeh tĕtĕr noe ngigĕl sadatang ka boeroean ageung tjarek rahijangta mandiminjak sang apatih na naha eta bedjana noe ngigĕl di baroean ageung eta bawa siñdjang saparagi iweu keh pamalaan ai tĕhĕr bawa koe kita keudeukeudeu leumpang sang

apatih ka boeroean ageu di baan ka kadatwan na pwa rababoe di pirabi koe rahijangta mandiminjak di rabi kasihahan na pwah rababoe di seuweu

Fol. 47 recto. patemoean di ngaranan sang salah tjarek rahijang sĕmpakwadja rababoe leumpang koe sija bwatkeun boedak eta ka rahijangta mandi-minjak antĕrkeun patĕmoean
[ 407 ]
sija sang salah twah leumpang pwah rababoe ka galoeh ai di titah koe rahijang sĕmpakwadja mwatkeun boedak eta beunang sija ngeudeungeudeu ai teh tjarek rahijangta mandi minjak anak ai toe kita sang sa
verso. lah tjarek sang apatih koe sija teundeun ka na djambangan bawa ka tĕgal di bawa koe sang apatih ka tĕgal sapamoepoer sang apatih ti tĕgal mĕtoe ikang asrama tog ka langit kabireungeu koe rahijangta mandiminjak sang a(pa)tih hoesir deui teudeun sija boedak ta di hoesir koe sang apatih ka tĕgal kasondong hiroep di baan ka hareupeun rahijangta mandi-minjak di ngaranan
______
Fol. 43 recto. baroek oerang hanteu dina anak tjarek sang resi goeroe leumpang sija ti heula ka batoer sija deui anak ing leumpang sija poeah aksari djaboeng hoesir bagawat resi makandria na pideungeuneun satapa anak ing leumpang pwah rababoe datang ka batoer na hanteu di akoe rabi njeueung inja wedadari gelis ti inja njian maneh pwa mahdjangan dara na bagawat resi makandria njian manahra njian kebo woelan sida pasanggamman tjarek sang resi goeroe ate
verso. n anak ing pwa sang hijang sri leumpang sija ngadjadi ka lantjeuk sija kapwa aksari djaboeng ti inja leumpang pwa sang hijang sri ngadjadi inja pwa boengngatak mangalengale tjarek sang mangoekoehan nama deui kalih oerang ngabonga leumpang ka tĕgal sadatang ka tĕngah tĕgal kasampak pwa mañdjangan dara di rakejan kĕbo woelan di gĕrĕkan koe sang pantja poetra beunangna sama ja aseu noenoembak inja ti heula noe ngĕnaan
______
Fol. 41 recto. katoedoeh dja ni anak dewata sang woelan sang toemanggal sang pandawa di koeningan kawisesa koe batara dang ngijang goeroe sang woelan (sa woelan) di djieun goeroe hadji kadjangan sang toemanggal di djian goeroe hadji kalanggara di bala moha sang pandawa ring koeningan djadi goeroe hadji lajoewatang sang poeki djadi goeroe hadji pagĕr wĕsi sang mani sri di djian boejoet haden rahasije
verso. di poentang boejoet haden toeñdjoeng poetih di kahoeripan boejoet haden soemadja djahdi pagadjahan boejoet haden pasoegihan djadi batoer boejoet haden padjoeroengan di-
[ 408 ]
lĕm boehoeboejoet haden da ngangdong di bala radja boejoet haden pagĕrgoenoeng di mantoer boejoet haden moela darma di prahijangan boejoet haden batoe tihang di koeningan.

______

Fol. 38 recto. leumpang maratkeun hoesir tohaan di soenda toeloej dipoeloeng mi na(n)toe koe tohaan di soenda ti inja ditinggalkeun ngahoesir ra boejoet sawal tjarek raboejoet sawal saha sija ai poen seuweu sang sĕna ai nanjakeun poestaka bawara (1. batara) boejoet sawal eusina ma ratoening bala sariwoe pakeun seda pakeun sakti pame-
verso. re sang rĕsi goeroe dibikeun koe raboejoet sawal ti inja poeloeng ka galoeh rakejan djambri toeloej diprang deung rahijang poerbasora paeh rahijang poerba sora lawasnija ratoe toedjoeh tahoen. disilihan koe rahijang djambri inja rahijang sañdjaja tjarek rahijang sañdjaja sang apatih leumpang sija nañja ka batara dang hijang goeroe koe piparintaheun oerang inih sadatang sang apatih ka galoenggoeng tjarek batara dang hijang goeroe nang na
Fol. 44 recto. ha bedja sija sang apatih poen kami dititah koe rahijang sandjaja menta diparintaheun adi rahijang poerbasora hanteu dibikeun koe batara dang hijang goeroe tjarek batara dang hijang goeroe rahijang sañdjaja leumpang njandoge maneh elehkeun goeroe hadji pager wesi elehkeun goeroe hadji mananggoel elehkeun goeroe hadji tepoes elehkeun goeroe hadji balitar loenga rahijang sañdjaja elehkeun sang woelan sang toemang
verso. gal sang pandawa ring koeningan njadoge na kasaktijan kenana ta sang woelan sang toemanggal sang pandawa ring koeningan njadoge na kasaktijan sang woelan sang toemanggal sang pandawa ring koeningan hanteu kawisesa dang ngijang goeroe mana ingelehkeun inja sakti rahijang sañdjaja ka koeningan toeloej diprangrang eleh rahijang sañdjaja di gĕrĕkan ti kariloh ka nir ngan oendoer rahijang sañdjaja da ra
Fol. 46 recto. inja piraraeun kĕna ditoembak koe sang writikandajoen [a] kĕbo woelan deung pwa mañdjangan dara loemapat ka patapaana noe datang paeh ditoetoerkeun koe sang writikandajoena pwa boenga-
[ 409 ]
tan Mangalengale kasondong nginang deung Pwa Mañjangan Dara ku Sang Writikandayun di baan pulang ka Galuh ka Rahiyangta ri Mĕdang Jati lawasniya ratu adĕg ratu lima wĕlas tahun, disi
verso. lihan ku Sang Writikandayoen di Galuh mirabi Pwa Bungngatak Mangalengale na Sang Mangukuhan ñiyan maneh panghuma Sang Karungkalah ñian maneh panggĕrĕk Sang Katumaralah ñian maneh pañadap Sang Sandanggrĕba ñian maneh padagang ti iña beuteu ñian maneh pahuna beuteung panggĕrĕk beuteung ñadap beuteu padagang ku Sang Writikandayun diyadĕgkeun Sang Mangukuhan Rahiyangtang Kulikuli Sang Ka-
Fol. 39 recto. roengkalah diadegkeun Rahijangta Soerawoelan Sang Katoengmaralah diadegkeun Rahijangta Mepalesawi Sang Sandang-greba diadegkeun Rahijangta Rawoenglangit. Sang Writikandajoen adeg di Galoeh ti inja loemakoe ngaradjaresi ngangaranan maneh Rahijangta Limenar basana angkat saboemi djadi manik sa koeroengan inja noe njian na poerbatisti lawasnija ratoe salapan poeloeh tahoen disilihan koe Rahijangta Koelikoeli lawa-
verso. snnija ratoe dalapan poeloeh tahoen disilihan koe Rahijangta Soerawoelan lawasnija ratoe genep tahoen ka toedjoehna panteg kena goreng twah disilihan koe Rahijangta Peles Awi lawasnija adeg ratoe saratoes dwalikoer tahoen kena rampes twah disilihan koe Rahijangta Rawoeng Langit lawasnija adeg ratoe genep poeloeh lima tahoen disilihan koe Rahijangta Mandiminjak seuweu
Fol. 13 recto. Sang Sĕnna lawasnija ratoe toedjoeh tahoen na Rahijangta Mandiminjak disilihan koe Sang Sĕna lawasnija ratoe toedjoeh tahoen disili djoengkat koe Rahijang Poerbasora na Sang Sĕna diintarkeun ka Goenoeng Marapi diseuweu Rakejan Djambri anggeuh sakamantrian loenga ka Rahijangta Kĕdoel ka Dinoeh menta diboenikeun tjarek Rahijangta Kĕdoel poetoe ai moemoel kapangkoekka-
verso. n koe sija soegan sija kanjahoan koe ti Galoeh leumpang sija hoesir Sang Woelan Sang Toemanggal Sang Pandawa ring Koeningan deung anak pahatoe sija tjarek Rakean Djambri ai anak Rahijang Sang Sĕna di-
[ 410 ]
djoengkat diintarkeun koe rahijang poerbasora lanioen kitoe

boga kami ngasoehan ngan moelah mo samboet samaja ai moga oelah menang* prangan lamoen sija ngalaga pri ka kami ngan sija. iiui'vva

Fol. 34 recto. bo

gelisan dcbana bawa bahetra piting depa boekana bwa tan sarwo sandjata oerang ka noesa demba data(ng) sira loenga balajar karengeu koe sang si wiragati dek mwatkeun pwa sangkarring re tjang hadji toendjang hadji di toenipakeun di na liman poetih dek ngadjangdjang toeroet boeraan mo mo gana tingka rahijangtang koekoe sang si(wi)karma ka noesa demba toeloej ka kadatwan tjalik toekangeun sang si wi

verso. ragati rahijangtang koekoe di hoesir koe limman poetih loempat ka boeroean mawa pwa sang kari hanteu aja poelang deui

kakadatwan liman poetih ta bakti ka rahijangtang koekoe poelang deui ka rahijangtang koekoe ka arile di bawana limman poetih deung pwa sang kari ma ngoeni naha noe hanteu omas sa goeri sa petong sa pah a sa patapajan toeloej ka galoeh ka rahijang sahdjaja hanteu sindang ka

Fol. 33 recto. bawana liman poetih di roengkoep koe loengsir poetih

watang koe premata mas mirah komara hi(n)ten datang sija ti desa demba toeloej ka kadatwan sateka rahijang tang koekoe ring kadaton mod jar rahijang sahdjaja soeka mireungeu limman poetih tanja man a toeloej arile di toedjoeh kajoe di pitoetoe(ng)gangan dijaseukeun pwa sangka rika ka rahijang sahdjaja sateka ring dalem hanteu poelang deui da di

verso. oedjar rahijang sahdjaja na naha toe karempenn

ai debapangkoe rahijangtang koekoe ai ajeuna kreta sang siwikrema hanteu noe ngalahtjan ai ajeuna ajeu noe takarah alas dang ngijang goeroe di tengah alas rahijang isora ti wet an para lor paraga deung tji loti ran ti koe Ion taroem ka koelon alas alas tohaan di socnda dah sedeng poelang rahijangtang koekoe ka ari

Fol. 32 recto. le sadatang ka arile pateg hahtja dj bawana ja ta sapala

jaga dirgadisi lodah mod jar rahijang sahdjaja ngawwarah anaknira rekejan panaraban inja rahijang tamperan hajwa de

[ 411 ]
k noeroetan agama ai kena ai mretakoetna oerang reja lawasnija ratoe salapan tahoen disilihan koe rahijang tamperan tembeuj sang resi goeroe majoega taradjoe djawadipa taradjoe ma
verso. inja galoenggoeng djawa ma ti wetan di pamana soenda hana pandita sakti ngaranija bagawat sadjaladjala pinedjahan tanpa dosa mangdjanma inja sang manarah anakna rahijang tamperan dwa sapilantjeukan deung rahijang banga sang manarah ma les hoetang rahijang tamperan sinikep deneng anaknira koe sang manarah di pandjara wesi na rahijang tamperan datang rahijang banga tje
Fol. 31 recto. rik teher mawakeun sekoel kana pahdjara wesi kanjahoan koe sang manarah toeloej di prarang deung rahijang banga kena moekana rahijang banga koe sang manarah ti inja sang manarah adeg ratoe di djawa pawwatan tjarek djawana rahijang tamperan lawasnija ratoe toedjoeh tahoen kena twa sija bogoh ngaroesak noe di tap a mana sija hanteu heubeul ngadeg ratoe sang manarah lawa
verso. snija ratoe dalapan poeloeh tahoen kena rampesna agama sang mani sri lawasnija ratoe genep poeloeh tahoen kena isis di sang hijang siksa sang tariwoelan lawasnija ratoe toedjoeh tahoen sang wilengan lawasnija ratoe toedjoeh tahoen o o o o ndeh nihan te(m)beuj sang resi goeroe miseuweukeun sang haliwoengan inja sang soesoek toe(ng)gal noe moenarna pakwan redjeung
Fol. 30 recto. sang hijang haloe wesi noe njaeuran sang hijang rantjamaja midjilna ta sang hijang rantjamaja ngaran koela sang oedoebasoe sang poeloenggana soeroegana ratoe hijang banaspati sang soesoektoenggal injana njiana pala(ng)ka(h) sriman sriwatjana sri badoega maharadja diradja ratoe hadji di pakwan padjadjaran noe mikadatwan sri bima oentarajana madoera soera dipati inja na pakwan sri ratoe dewata kawekas
verso. san sang soesoektoenggal pawwatan na lemah soeksi lamah hadi kapremana radja oetama lawasnija ratoe saratoes tahoen rahijang banga lawasnija ratoe toedjoeh tahoen kena twah sya mo makejan na agama bener rake janta ri medang lawas adeg ratoe toedjoeh tahoen rakejanta diwoes lawa
[ 412 ]
snija ratoe opat likoer tahoen rakejanta woewoes lawasnija ratoe toedjoeh poeloeh dwa tahoen saloema-
Fol. 36 recto. hing hoedjoeng tjariang lawasnija ratoe teloe tahoen kaopatna panteg kena salah twah daek ngala ewe sama ewe rakejan gendang lawasnija ratoe teloe likoer tahoen dewa sang hijang lawasnija ratoe toedjoe tahoen preboe sang hijang lawasnija ratoe sawelas tahoen preboe ditija maharadja lawasnija ratoe toedjoe tahoen saloemahing windoe radja lawasnija ratoe teloe likoer tahoen sang loe-
verso. mahing kreta lawasnija ratoe salapan poeloeh dwa tahoen kena mikoekoe na twa rampes toeroen na kretajoega disilihan deui koe sang loemahing windoe radja teu heubeul adeg lawasnija ratoe dalapan welas tahoen disilihan koe sarrakeja darmasiksa pangoepatija sang hijang wisnoe inja noe njia(n) sang hijang binajapanti noe ngadjadikeun para kaboejoetan ti sang
Fol. 20 recto. rama ti sang resi ti sang disri ti sang tarahan ti na parahijangan ti na bagina ti sang wikoe noe ngawakan djati soeda mikoekoe sang hijang darma ngawakan sang hijang siksa lawasnija ratoe saratoes lima poeloeh tahoen manak saloemahing taman lawasnija ratoe genep tahoen manak deui

saloemahing tandjoeng lawasnija ratoe dalapan tahoen manak saloemahing kikis lawasnija ratoe dwa li-

verso. koer tahoen saloemahing kiding lawasnija ratoe toedjoe tahoen manak aki kolot lawasnija ratoe sapoeloeh tahoen manak deui preboe maharadja lawasnija ratoe toedjoe tahoen kena kabawa koe kalawisaja kabantjana koe seuweu di manten ngaran tohaan moedoet agoeng di pipanoembasna oerang reja sakan noe angkat ka djawa moemoe noe lakija di soenda prangrang di madjapa-
Fol. 21 recto. hit ajana seuweu preboe wangi ngarana injana preboe niskalawastoe kantjana noe soeroep di noesa larang ring giri wanakoesoema lawasnija ratoe saratoes opat tahoen kena rampesna agama kretajaga tandang paom pojwa pon kenana ratoe eleh koe satmata noeroetna
[ 413 ]
ngasoeh hijang boeni sorra noe soeroep ka geger omas batara goeroe di djampang sakitoe noe ditoeroet koe
verso. noe mawa lemah tjai batara goeroe di djampang ma inja noe njia(n) roekoe sang hijang pake basa noe wastoe di djija(n) ratoe beunang noe paka brata sewaka ka kadawata noe di roe oge pake sang hijang indra roekoe ta sakitoe soegan aja noe dek noeroetan inja twa noe soeroep ka noesa larang daek eleh koe satmata mana na kretajoega eleh koe noe ngasoeh nja mana sang rama ek mangan sang resi enak ngaresisasana ngawa-
Fol. 22 recto. kan na poerba tisti poerba djati ti sang disi enak masini ngawakan na manoesasana ngadoeman alas parijalas koe beet hamo di oekih koe gede hamo di oekih nja mana sang tarahan enak lalajaran ngawakan manoe radjasasana sang hijang apa tedja bajoe akasa sangboe enakenak ngaloe(ng)goeh di sang hijang djagat palaka ngawakan sang hijang radjasasana angadeg di sang hijang ling-
verso. ga wesi brata sija poedja tanpa loem sang wikoe ek ngadewasasana ngawakan sang hijang watang ageting enak ngadeg manoe-radja-soenija tohaan di galoeh inja noe soeroep di goenoeng tiga lawasnija ratoe toed joe tahoen kena salahna twa bogo di estri larangan ti kaloearan di silihan koe preboe nulendra poedja premana inja sang ratoe djaja dewata sang mwa(k)ta ri rahtjamaja lawasnija ratoe teloe poeloeh salapan
Fol. 23 recto. tahoen poerba tisti poeba djati mana mo kadatangan koe moesoe ganal moesoe alit soeka krata tang lor kidoel koelon wetan kena krata rasa tan krata djalabi di na oerang reja dja loba di sang hijang siksa di silihan inja koe preboe soerawisesa inja noe soeroep ka padaren kasoeran kadiran koewanen prangrang lima welas kali hanteu eleh ngalakoekeun bala sariwoe prangrang ka kalapa deung aria boerah prangrang ka tandjoeng
verso. prangrang ka atjol kiji prangrang ka wahanten-girang prangrang ka simpang prangrang ka goenoeng batoe prangrang ka saoeng agoeng prang ka roemboet prangrang ka goenoeng prangrang ka goenoeng bandjar prangrang ka padang prangrang ka panggoakkan prangrang ka moetoer prangrang ka hanoem prangrang ka pager wesi prangrang ka medang kahijangan ti inja noe poelang ka
[ 414 ]
pakwa(n) deui hanteu noe nahoenan deui panteg hantja di bwana lawasnija ratoe opat
Fol. 24 recto. welas tahoen preboe ratoe dewata inja noe soeroep ka sawah tampian dalem loemakoe ngaradja resi tapa pwa soesoesoembelehan niat tindja bresi soetji wasah di soenat ka toekangna djati soenda teka datangna bantjana moesoeh ganal tamboe sangkane prangrang di boerwa ageung pedjah tohaan sarrendet deung tohaan ratoe sang hijang hana pandita sakti di roeksak sang pandita di soeme-
verso. deng sang pandita di tji randjang pinedjahan tanpa dosa katiban koe tapak kikir sang pandita di djajagiri linaboehaken ring sagara hana pandita sakti hanteu dosana moedi rahijang ngaranija linaboehaken ri sagara tan keneng pati hoerip moewah moksa tan pa ti(ng)gal raga tikang ri doenija sinagoehnija ngaranija hijang kalinganija itna jatna sang kawoeri hajwa ta sira kabalik poepoea-
Fol. 27 recto. saan saniangkana ta pretjihta preboe dewata lawasnija ratoe dalapan tahoen kasalapan panteg hantja di na bwana di silihan koe saig ratoe saksi sang mangabattan ri tasik inja noe soeroep ka pengpelengan lawasnija ratoe dalapan tahoen kena na ratoe ratoe twana kabahtjana koe estri larangan ti kaloearan deung kana aniboe tere matimati wong tanpa dosa ngarainpas tanpa pre-
verso. ge tan bakti ring wong ngatoeha asampe ring sang pandita adja tinoet do sang kawoeri polah sa(ng) nata mangkana sang preboe ratoe tjarita inja tohaan di madjaja eleh prangrang ma(ng)ke tan nitihhi ring kadatwa(n) oe ngi boeda sang

hijang pahdji in aha joe na kadatwan di balaj tingkah nianlah tcinian inihapitkeun dora larangngan noe magawe bale bobot pitoc welas djadjar tinoelis pinarada warnana tjatjaritaa-

Fol. 28 recto. n hanteu ta joega dopara kasiksa tikang wong sadjagat kreta ngaranija hanteu noe ngajoega sanghara kreta kreta dopara loeha goeniiti tang kali sanilakendra wwatnika sangke larnanija nianggirang loeinekas niadoemdocni tji ring nianocgraha wekaka hatina need a wisajanija manoeroenakeun pretapa poetoe ri pangti rija tjaika tininggallan nidra wisajani baksa kalang wong hoema dar-
[ 415 ]
verso. pa mamangan tan iga yan tan jĕjĕlakan lawasniya ratu kapa kalayan pangan tatan agama gayan kewa
liya mamangan sadrasa nu surup ka sakan beuhar lawasniya ratu gĕnĕ(p) wĕlas tahun disili-
han ku nu siya muliya lawasniya ratu sadewe-dasa tĕmbeuy datangna prĕbeda bwana alit
sumurup ring ganal mĕtu sanghara ti sĕlam prang ka raja galuh elehna raja galuh prang ka kalapa elehna
Fol. 29 aan de eene zijde na kalapa prang ka pakwan prang ka galuh prang ka data prang ka madiri prang ka patege prang ka jawa kapala eleh na jawa kapala prang ka gĕgĕlang ñabra prang ka salajo pahei eleh ku sĕlam ki-
tu kawisesa ka dĕmak deung ti carĕbon pun. o o o.