Tanıs gúl (Qayıpnazarov)
Bir gúl kórdim burınnan tanıs,
Kergen edim ashılǵan gezin.
Túsken edi aramız alıs,
Júrgen edim kórsem dep ózin.
Aylar etti xám jıllar ótti,
Bir-birewden bolmadı derek.
Gúder úzbey shıdamlı kútti,
Úmit penen saǵınǵan júrek.
Taǵı kórip turıppan ózin,
Burınǵıday jaynap ashıldı.
Kewlim toldı kórgende júzin,
Kózlerime ottay basıldı.
Tolıssa da, ósse de jáne,
Ózgerse de azmaz túr-túsi.
Aytıńlarshı sebebin, nege,
Ózgermepti, sol xosh iyisi.