Talk:Allgemeines plattdeutsches Volksbuch/As Schwinegel un Matten Has inne Werr lepen. Von Klaus Groth

De Texten, de ik hier instellen do, sünd all korrekturleest. Anners kannst dat ok glieks ganz blieven laten. Kann mi een mol seggen, wo dat mit de Liest dor boven funktscheneert?--Bolingbroke 18:23, 30 March 2009 (UTC)

To dat Korrekturlesen heff ik ünner Help:Korrekturlesen wat opschreven (gifft nu ok en Lenk dorhen ut de Vörlaag). De Text, de hier rinstellt warrt, schall korrekturleest wesen oder schall en temlich good OCR wesen. Un von dissen Utgangspunkt warrt denn tellt, bet dree, denn gellt de Text as trech (tominnst wenn bi dat drüdde Maal korrekturlesen nich noch jümmer allerhand Fehlers in'n Text stickt).

Dat löppt also so: Bruker A kriggt en plattdüütschen Text in'e Hannen (von Google Böker, as egen Scan oder noch ans wo her). Wenn de Text al meist keen Fehlers mehr hett, denn stellt he em rin un schrifft {{korrekturleest|nee}} dorbi. Wenn de Text noch allerhand Fehlers hett (to'n Bispeel Fraktur-OCR-Mangelmoos so as dax mutzt he toccrft nätictcn wo egentlich dar müßt he toeerst nakieken stahn schull) denn leest he em eerstmal korrektur un schrifft liekers {{korrekturleest|nee}} dorbi. Denn kummt Bruker B langs un leest den Text ok korrektur. He verbetert Fehlers, wenn he welk funnen hett un ännert de Vörlaag op {{korrekturleest|1|vun1=B}}. Denn leest Bruker C korrektur, verbetert Fehlers un ännert de Vörlaag op {{korrekturleest|2|vun1=B|vun2=C}}. Bruker D leest ok korrektur un wenn he keen Fehlers mehr funnen hett, denn schrifft he {{korrekturleest|trech|vun1=B|vun2=C|vun3=D}} rin. Wenn Bruker D aver doch noch en poor mehr Fehlers funnen hett, denn schall he man lever blot de Fehlers utbetern un den Status noch nich op "trech" ännern. Dat schall denn eerst Bruker E (oder F, G, ...) doon, wenn de keen Fehlers mehr funnen hett.

Dat höört sik eerstmal na en total bekloppten Opwand an, allens veer Maal oder noch fakener korrektur to lesen. Aver:

De hoochdüütsche Wikisource is ja temlich grootmuulsch vonwegen jemehr hoge Standards. Dor warrt allens twee Maal korrekturleest. Un liekers heff ik al fakener Texten sehn, de as "fertiggestellt" gellen deen un wo al in de eerste Reeg de eerste Fehler in weer. Disse Opwand is also nödig, ehrdat en Text ganz gewiss fehlerfree is. --::Slomox:: >< 23:07, 30 March 2009 (UTC)