T’ès come on bwès d’ sapéns

From Wikisource
Jump to navigation Jump to search

T’ès come on bwès d’ sapéns

s.d.

P. Charlier, Fleurs dialectales (La Propriété Terrienne),
Rèlîs Namurwès, août 1974, Sofadi, Bruxelles



T’ès come on bwès d’ sapéns
Rimplë d’ vivîs.
Të coeûr, tès-oûy, c’èst dès mërwès ;
Djë voûros î bagnî !

T’ès come one pëtëte chavéye
Rascouvrûwe pa dès fleûrs.
Pèrson.ne nè l’ conèt,
T’î as catchî tès s’crèts !

Dins t’ vwès, n-a come on-èco :
C’èst l’ tchanson dè bouneûr !
Më l’avos promètë ?
Djë mè l’ dëmande asteûre !

Tès lèpes rëchonenèt
Aus ièbes lès pës tinres ;
On voûrot s’î r’pwaser !
Mins, m ’laîrès m’î r’trimper
M’î r’trimper au matén ?
Î sayi l’ gout dè l’ promèsse
Donéye avou tès trèsses ?


CC SomeRightsReserved.png
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.