Si̍ng-ging/Mâ-ta̍i/2
Dā̤ 2 Ca̤uⁿ
[edit]2:1 Dng Hi-leo̍h Hi-leo̍h ó̤ng sí-cā̤, Á̤-so saⁿ leo̍h Iú-ta̍i Beh-lī-héng, ū bo̤h-seō gûi gá̤, cé̤ng dang-ha̤̍uⁿ ga̍u Á̤-lō-sah-lêng,
2:2 ka̍ng gô̤ng, No̤̍ saⁿ Iú-ta̍i náng ē ó̤ng deó deoh-leo? guâ-go̤h-náng deó dang-ha̤̍uⁿ kua̍ⁿ-gi̍ng I ē chaⁿ; go̍-cheô lí ba̍i I.
2:3 Hi-leo̍h ó̤ng tiaⁿ-mói cuh giaⁿ-peo̍h, to̤ng Á̤-lō-sah-lêng iā ah-na.
2:4 Cuh dā̤u ce̤̍ng ca̤̍-si-diô̤ng, gá̤h míng-gang ta̍h-cṳ-náng, ka̍ng i gô̤ng, Gi-Do̤h ing-gai saⁿ leo̍h seo̍h-moi ūi-chṳ̍?
2:5 Go̤h-náng i̍ng gô̤ng, Leo̍h Iú-ta̍i ē Beh-lī-héng; i̍ng seng-di ū ah-na gi̍-ca̍i gô̤ng,
2:6 Iú-ta̍i dā Beh-lī-héng ā! dṳ̂ deó Iú-ta̍i hû gā̤ⁿ do̤-ng, n̄g-sī da̍i sa̤̍ ē, ing-ūi beoh ū go̤h-geong iú dṳ̂ hiô̤ do̍ung cheoh, ta̤̍h n’g guâ Î-seh-le̍h bā-sa̍ⁿ.
2:7 Iú ah-na, Hi-leo̍h ó̤ng cuh bōi-āu dā̤u bo̤h-seō, do̤ng-sió̤ng ka̍ng I chaⁿ cheoh ē sí-cā̤.
2:8 Cuh sâi i kṳ̍ Beh-lī-héng, heong-nu̍ i gô̤ng, Dṳ̂ kṳ̍ sa̤̍-cī cua ca̤̍ da̍i-giô̤ⁿ, gṳ̄-da̤u̍h cuh beo̍ keoh guâ, sâi guâ iā kṳ̍ ba̍i I.
2:9 Bo̤h-seō hō̤ng ó̤ng ē mīng-līng cuh kṳ̍l i leo̍h dang-ha̤̍uⁿ sê̤ kua̍ⁿ-gi̍ng ē chaⁿ, heoh-céng deó táu-sá̤ⁿ chio̤̍-dō, ga̍u ca̤̍ da̍i-giô̤ⁿ ē sê̤-cāi, cuh hē̤ I dêng-ni̍.
2:10 Bo̤h-seō kua̍ⁿ-gi̍ng ca̤̍ chaⁿ, cīng huaⁿ-hí.
2:11 Di̍h cho̍, kua̍ⁿ-gi̍ng ca̤̍ da̍i-giô̤ⁿ gah i ná̤u-lâ̤ Mâ-lī-a̍; cuh gūi hiô̤ ba̍i ca̤̍ da̍i-giô̤ⁿ; kui kî beô-bo̍i ē o̤̍h, ta̤̍h lâ̤-beo̍h he̤̍ng I, cuh sī hó̤ng-ging, cṳ̂-ha̤uⁿ, beo̍h-io̤̍h.
2:12 Bo̤h-seō leo̍h ma̍ng do̤-ng deh be̍h-sī, mīng i n̄g-tang hói-táu kṳ̍ gi̍ng Hi-leo̍h. I cuh te̍ng beh-dō gui hói ôiⁿ-dā̤-ho̤ng.
2:13 Bo̤h-seō gi̍-céng kṳ̍, Cṳ̂ ē teng-seo̍ leo̍h ma̍ng do̤-ng ma̍ng do̤-ng, hêng-hēng gah Io̤h-seh gô̤ng, Bā-kî, dua̍ da̍i-giô̤ⁿ gah I ná̤u-lâ̤, câu kṳ̍ Ai-gi̍h, hē̤ hṳ̂-hiô̤, dêng Guâ ca̍i cî-diâng dṳ̂; i̍ng Hi-leo̍h beoh cho̍i ca̤̍ da̍i-giô̤ⁿ be̍h I.
2:14 Io̤h-seh cuh bā-kî, léng-má dua̍ da̍i-giô̤ⁿ gah I ná̤u-lâ̤ câu kṳ̍ Ai-gi̍h:
2:15 Hē̤ hṳ̂-hiô̤, gá̤u Hi-leo̍h sî kṳ̍. Ca̤̍ sī i̍ng-ngiāng Cṳ̂ to̤h seng-di sê̤ gô̤ng ē uā, "Guâ dā̤u Guâ Giô̤ⁿ cheoh Ai-gi̍h.
2:16 Hi-leo̍h cai ga̍i keoh bo̤h-seō pe̍ng, cīng siū0ki̍, sâi náng cio̤ng Beh-lī-héng léng si̍-gîng sê̤ ū ē dah-bo-giô̤ⁿ, bíng i do̤ng-sió̤ng ka̍ng bo̤h-seō ē sí-cā̤ , háng cé̤ng n̄ng ho̍i î-ō̤ ē cīng-héng tái kṳ̍.
2:17 Bíng ah-na, i̍ng-ngiāng sendi Á̤-lī-bî ē uā, gô̤ng,
2:18 Deó La̍h-mâ tiaⁿ-mói bi-sio̤ng, kô, hâu, cha̤-châng ē siaⁿ-ing, La̍h-geh-sī hâu giô̤ⁿ, n̄g-a̍i siū ang-hu̍i; i̍ng giong beó kṳ̍ ē é̤ng-go̍.
2:19 Hi-leo̍h gi̍-céng sî kṳ̍, Cṳ̂ ē teng-seo̍ deó Ai-gi̍h, leo̍h ma̍ng do̤-ng hêng-hēng gah Io̤h-seh gô̤ng,
2:20 Bā-kî, dṳ̂a̍ da̍i-giô̤ⁿ gá̤h I ná̤u-lâ̤, kṳ̍ Î-seh-le̍h dā̤-ho̤ng, i̍ng-ngiāngg a̍-dí tái da̍i-giô̤ⁿ ē náng î-ging sî kṳ̍,
2:21 Io̤h-seh cuh bā-kî, dua̍ da̍i-giô̤ⁿ gah I ná̤u-lâ̤, kṳ̍ Î-seh-le̍h dā̤-ho̤ng.
2:22 Tiaⁿ-mói A̍-gi-lô̤ cio̤̍ i ló̤-bō̤ Hi-leo̍h ceo̍ Iú-ta̍i go̤h-ó̤ng, cug giaⁿ, n̄g-gô̤ⁿ kṳ̍ hṳ̂-hiô̤ ; nō̤ ceo̍-ma̍ng do̤-ng deh be̍h-sī, cuh kṳ̍ Gá-lī-lī gîng-lī.
2:23 Ga̍u seo̍h gā̤ⁿ-siáⁿ, miá ga̤̍u Ná-sah-leh, cuh gṳ-cṳ̄ hṳ̂-hiô̤ . Ca̤̍ sī ing-ūi i̍ng-ngiāng cṳ seng-di ē uā, gô̤ng, "Náng beoh ching I sī Ná-sah-leh náng ā."