Si̍ng-ging/Mâ-ta̍i/1
Dā̤ 1 Ca̤uⁿ
[edit]1:1 A̍-beh-la̍h-hâng hā̤u-a̤̍, Dāi-bi̍h hā̤u-a̤̍, Á̤-so Gi-Do̤h ē co̤̍h-pô.
1:2 A̍-beh-la̍h-hâng saⁿ Î-sah, Î-sah saⁿ Ngâ-go̤h; Ngâ-go̤h saⁿ Iú-dāi, gah Iú-dāi hiaⁿ-dī
1:3 Iú-dāi gah Dāi-mâ sī, saⁿ Hah-leh-seō, Sah-la̍h; Hah-leh-seō saⁿ Î-seō-leóng, Î-seō-leóng saⁿ A̍-láng;
1:4 A̍-láng saⁿ A̍-bî-ná-da̍h; A̍-bî-ná-da̍h saⁿ Ná-seōng; Ná-seōng saⁿ Sah-meóng.
1:5 Sah-meóng teô La̍h-ha̍h saⁿī, saⁿ Bo̤-seō; Bo̤-seō teô Lō-deh sī, saⁿ O̤-beh; O̤-beh saⁿ Á-sa̤;
1:6 Á-sa̤ saⁿ Dāi-bi̍h ó̤ng; Dāi-bi̍h ó̤ng teô O-lī-a̍ ē lāu-mâ, saⁿ Sê̤-ló̤-meóng;
1:7 Sê̤-ló̤-meóng saⁿ Ló̤-bo̤-a̍ng; Ló̤-bo̤-a̍ng saⁿ A̍-bî-a̍; A̍-bî-a̍ saⁿ A̍-sah;
1:8 A̍-sah saⁿ Io̤h-sa-hah; Io̤h-sa-hah saⁿ Io̤h-láng; Io̤h-láng saⁿ O-sa̤-a̍;
1:9 O-sa̤-a̍ saⁿ Io̤h-da̍ng; Io̤h-da̍ng saⁿ A̍-ha̍h-seō; A̍-ha̍h-seō saⁿ Hi-sa̤-ga;
1:10 Hi-sa̤-ga saⁿ Mâ-ná-sa̤; Mâ-ná-sa̤ saⁿ A̍-meóng; A̍-meóng saⁿ Io̤h-sa̤-a̍.
1:11 Io̤h-sa̤-a̍ saⁿ Á̤-go̤-ní-a̍, léng Á̤-go̤-ní-a̍ hiaⁿ-dī. Hṳ̂ seo̍h sí bā-sa̍ⁿ buaⁿ kṳ̍ Ba-bî-leóng.
1:12 Buaⁿ Ba-bî-leóng āu, Á̤-go̤-ní-a̍ saⁿ Sah-la̍h-teh; Sah-la̍h-teh saⁿ Sê̤-ló̤-ba-beh;
1:13 Sê̤-ló̤-ba-beh saⁿ A̍-bî-eoh; A̍-bî-eoh saⁿ Î-lī-a̍-ging; Î-lī-a̍-ging saⁿ A̍-sê̤;
1:14 A̍-sê̤ saⁿ Sah-do̤̍h; Sah-do̤̍h saⁿ A̍-ging; A̍-ging saⁿ Î-leo̍h;
1:15 Î-leo̍h saⁿ Î-lī-a̍-sah; Î-lī-a̍-sah saⁿ Mâ-da̍ng; Mâ-da̍ng saⁿ Ngâ-go̤h;
1:16 Ngâ-go̤h saⁿ Io̤h-seh, cuh sī Mâ-lī-a̍ ē dah-bo; Mâ-lī-a̍ saⁿ Á̤-so, ching Gi-Do̤h.
1:17 Cé̤ng A̍-beh-la̍h-hâng ga̍u Dāi-bi̍h, se̍h-si̍ dāi; cé̤ng Dāi-bi̍h ga̍u buaⁿ Ba-bî-leóng sí-cā̤, se̍h-si̍ dāi, cé̤ng buaⁿ Ba-bî-leóng sí-cā̤ gá̤u Gi-Do̤h, se̍h-si̍ dāi.
1:18 Á̤-so Gi-Do̤h ē ga̍ng-seng, i ē saⁿeō-lâ̤ chā̤uⁿ ô̤-dâ̤. Ná̤u-lâ̤ Mâ-lī-a̍ keoh Io̤h-seh pi̍ng kṳ̍, bōi siáⁿ-náng, gâng-dō̤ng Si̍ng-Síng, cuh ū sing-ngî.
1:19 I dah-bo Io̤h-seh sī cíng-gī ē náng, n̄g a̍i hêng-hēng líng-ce̤̍h i, ī-ceóng seo-o̤ n̄g-dí i.
1:20 Cia̍ⁿ pā-sua̍ⁿ ca̤̍ seō sí-cā̤, Cṳ̂ ē teng-seo̍ deó ma̍ng de̤ng-gang hêng-hēng gah i gô̤ng, Dāi-bi̍h ē giô̤ⁿ-seong Io̤h-seh ā, da̤u̍h teô dṳ̂ lāu-mâ Mâ-lī-a̍ a̍ kṳ̍-cho̍, n̄g-sâi do̤-gí giaⁿ, ing i sê̤ dua̍-sing ē, sī iú Si̍ng-Síng.
1:21 I beóh saⁿ giô̤ⁿ, da̤u̍h heō miá I ga̤̍u Á̤-so, ing beoh giu̍ I bā-sa̍ⁿ leo̍h cōi-o̤h do̤-ng.
1:22 Háng ca̤̍ seō deh siáⁿ, saⁿi i̍ng-ngiāng Cṳ̂ to̤h seng-di sê̤ gô̤ng ē uā, gô̤ng,
1:23 Sîng-ná̤u-giô̤ⁿ beoh dua̍-sing saⁿ giô̤ⁿ, náng beóh ching I miá Î-mâ-dōi-lī, huang-i̍h cuh sī Siō̤ng-Da̤̍ gah guâ-go̤h-náng seo̍h-dui.
1:24 Io̤h-seh châⁿ, cuh bíng Cṳ̂ ē teng-seo̍ sê̤ heong-nu̍ ē uā kṳ̍ ceo̍, teô i lāu-mâ geo̍-mói.
1:25 Bí-do̤̍h bōi gah i ceo̍ seo̍h báng-ga̤ⁿ, ga̍u a̤u ā guā-giô̤ⁿ; cuh miá I ga̤̍u Á̤-so.