Jump to content
Se̿ng-géng/Sǎ̤-dǔ Ǎing-dṳ̄ing/2
- 1 Ngù-cě̤ng-cǎi gâ̤ nì-ciě da̿u làu, hă-sáing dú da̿u cì-ciă sù-cài câi cì-dó.
- 2 Giǎng tíng-di̿ sáng-bǔ-lěng-děng iǔ duōi hiǒng gâ̤ siáng-éng à lâ̤, su̿-siōng cì děng duōi hóng chṳé gua̿ ko̤̿ ǐ-búing, hă-sáing cō gâ̤ chio̤̿ dú iǔ iŏ̤ng hiǒng gâ̤ siáng-éng.
- 3 Ciū iǔ bṳ́ing-kṳé gâ̤ ṳè chṳ̆-hīng su̿-siōng hǒ ǐ-búing ; bō̤ da̿u gŏ̤ nêng gâ̤ tê.
- 4 Gṳ̀-huōi-nêng dú sí-cṳ̆ dă̤-diō̤ Se̿ng-Sěng, ciū kṳé-chṳ̿ uā biē gŏ gâ̤ tǔ-kióng, dú sī cia̿u-diū Se̿ng-Sěng háu gṳ̀ uā gâ̤.
- 5 Ŭ-cì-sî iǔ ǐ-séng ge̿ng Ciōng-Di̿ gâ̤ Iǔ-tuo̿i nêng, giǎng tóng-tíng-à gâ̤ gŏ lâ̤ gṳ̌ing-gṳ́ da̿u Iǎ-lū-să-lǎing.
- 6 Iŏ̤ng siáng-éng cì hiǒng mǔing-si̿-tī dú tia̿ng-nī-gi̿ng, ǐu cèng cāi nêng cṳ̀ giǎng-ce̿ng, ciă-ciă dú tia̿ng-nī-gi̿ng sǎ̤-dǔ uā cù-cī gâ̤ tǔ-kióng, séng-di̿ ciū dòng-nṳ̿.
- 7 Duōi-gá-nêng dú ngò̤-ngò̤-di̿ gǐ-ī dă̤-hǎing, uā, Iŏ̤ng duói dī gâ̤ nêng dú sī Gá-lī-lī gâ̤ nêng.
- 8 Giâ-gíng uôi-huōi-nêng ciă-ciă dú tia̿ng-nī gṳ̀ uā gŏ̤ nêng bǒ̤ng-gǒ chṳ̆-si̿ gâ̤ tǔ-kióng, iŏ̤ng sī gōng-ciōng-iōng nī?
- 9 Ciū-sī Pa̿-dǐ-ngā nêng, Mì-tuo̿i nêng, Ì-lûing nêng, ǐau diū dáu Mì-sǔ-bó̤-duōi-mì, Iǔ-tuo̿i Gá-pa̿-dó̤-gá, Bǒ̤ng-dú Ngā-sái-ngā,
- 10 Hŭ-lṳ̌-gá Bǒ̤ng-hí-lī-ngā, Ái-gĭ gâ̤ nêng iǎ iǔ cǒ̤-gṳ̄ing Gǔ-lī-nāi gâ̤ Lṳ̌-bò̤-ngā, mǔing-si̿-tī gâ̤ nêng, ǐ iǔ giǎng Lô̤-mǎ lâ̤ gâ̤ kă-nêng dǐ-bíngm iǎ iǔ Iǔ-tuo̿i nêng iǎ iǔ hōng Iǔ-tuo̿i ga̿u gâ̤ nêng.
- 11 Gu̿ iǔ Gă̤-lǐ-dǐ iáu Ngā-là-bă nêng, ŭoi dú tia̿ng-nī gṳ̀ uā ŭoi gŏ̤ gŏ gâ̤ tǔ-kióng gǒ̤ng Ciōng-Di̿ duōi cǒ-nǎing gâ̤ dī.
- 12 Duōi-gá-nêng dú ngò̤-ngò̤-di̿, séng-di̿ mǎu cṳ̌-i̿, nì iáu gṳ̀, gṳ̀ iáu nì uā, Iŏ̤ng sī gōng-ciōng uā nī?
- 13 Gu̿ iǔ nêng sia̿u gṳ̀, uā, Gṳ̀-huōi-nêng séng ciǔ iè cṳ̌-tiāu.
- 14 Bǐ-dǎ̤, iáu sí-nī-ciă sǎ̤-dǔ gṳè kǐ lâ̤, duōi-siáng hǎng kǐ lâ̤, iáu duōi-gá-nêng uā, Iǔ-tuo̿i nêng, iáu nì iŏ̤ng duói diū da̿u Iǎ-lū-să-lǎing gâ̤ nêng, niōng dă̤-dí iŏ̤ng dī, iǎ niōng tia̿ng-nī uòi uā.
- 15 Nì-huōi-nêng siǒng iŏ̤ng duói nêng iè-ciǔ-cṳ̌, giâ-gíng gu̿ ēng-nǎing bu̿ing-de̿-chîng; nī-di̿ sī iè-ciǔ-cṳ̌ nī?
- 16 Iŏ̤ng ciū-sī síng-dí Iŏ̤-nèng tê-chîng uā-gua̿ gâ̤ dī;
- 17 Gō̤-uā, Ciōng-Di̿ ŭa, Da̿u si̿-gáing sṳē-mṳě gâ̤ nì-ciě uòi ŏ̤ nà uòi gâ̤ Sěng nă tóng-tíng-à gâ̤ bă-sia̿ng : nì-huōi-nêng gâ̤ nâng-nṳ̌-gṳ̌ing ŏ̤ uā ēng-nǎing lâ̤ gâ̤ dī, nì dǐ-bíng gâ̤ hē-sáng nêng ŏ̤ chū-gi̿ng mî-dī chṳ̆-hīng, iǎ ŏ̤ tŏ̤ nì sē nêng gâ̤ mōng:
- 18 Ǔ sî-hē uòi iǎ ŏ̤ nà uòi gâ̤ Sěng nă uòi nû-gě nǎi-bǒ̤; gṳ̀ ciū ŏ̤ uā ēng-nǎing lâ̤ gâ̤ dī.
- 19 Da̿u tíng ciōng uòi ŏ̤ nà hí-gǐ gâ̤ dī hīng chṳ̆ lâ̤, da̿u si̿-gáing iǎ iǔ diàu-tê hīng chṳ̆ lâ̤ l iǔ huăi, iǔ hǒ, iǔ íng:
- 20 Mì-tê gâ̤ guáng ŏ̤ bi̿ng ca̿ ú-o̤̿ng m ngṳè gâ̤ guáng ŏ̤ bi̿ng ca̿ huăi să̤, hē-mṳě Cṳ̌ děng duōi děng iàu-gěng gâ̤ nì-ciě, ciū ŏ̤ da̿u gâ̤ sî-hē.
- 21 Ŭ sî-hē, mǎu-lō̤ng sū-mū nêng hǎng Cṳ̌ gâ̤ miâng dú ŏ̤ dă̤ giù.
- 22 Ì-să̤-liĕ nêng, tia̿ng-nī uòi uā: Ciōng-Di̿ ciŏ̤ Nà-sǎ-là̤ nêng Iǎ-Sú gâ̤ siǔ da̿u nì iŏ̤ng-di̿ ca̿ cǒ-nǎing hí-gǐ gâ̤ dī hǐng sěng-tóng, háu nì gṳ̀ sī Ciōng-Di̿ de̤̿ng-i̿ gâ̤ nêng, iŏ̤ng iǎ sī nì-huōi-nêng dă̤-dí gâ̤;
- 23 Cia̿u-diū Ciōng-Di̿ diāng-gṳ́ gâ̤ séng-i̿, ǐ cia̿u-diū Ciōng-Di̿ sáing dă̤-dí gâ̤ dī, nì-huōi-nêng ciŏ̤ mǎu uǎng-huǎ nêng gâ̤ siǔ nà iŏ̤ng nêng da̿ing-sǐ da̿u sí-cī-ga̿:
- 24 Gṳ̀ sǐ-tiāu làu, Ciōng-Di̿ gǎi-tiă iŏ̤ng sǐ, cǒng mài gǎi-dă̤ gṳ̀ diū.
- 25 Duōi-pǐ iǎ uā-gua̿ gṳ̀ gâ̤ dī, gō̤-uā, Uòi chū-gi̿ng Cṳ̌ sî-sî kă̤-kă̤ da̿u uòi mīng-chîng; Cṳ̌ da̿u uòi iū-bíng o̿ uòi gâ̤ séng úing-lò̤:
- 26 Gu̿-chu̿ uòi sěng-dǐ ka̿u-uòi, chṳ̿-di̿ uā cu̿ing-mǐ d dī; uòi séng-tǐ mǒng da̿u dě̤ng-dǐ gu̿ iǔ hǎu gâ̤ siǒng-tê;
- 27 Éng-ṳē nì cǒng mài běng ca̿ uòi gâ̤ lěng-ô̤ng da̿u éng-gáing-di̿, iǎ mài nă nì chéng-giĕ gâ̤ Gṳ̌ing gâ̤ séng-chí lūing-tiāu.
- 28 Nì tê-chîng nà sáng-miāng gâ̤ diō̤ háu uòi dă̤-dí; nì hē-lǎi iǎ ŏ̤ cě̤ng uòi chū nì gâ̤ mīng, uòi ciū ŏ̤ sí-huó̤ng ka̿u-uòi.
- 29 Dūoi-gá gâ̤ hiáng-dī, uòi gǒ̤ng měng-da̿-měng iáu nì cě̤ng-chîng cǔ-cóng Duōi-pǐ gâ̤ dī, gṳ̀ sǐ-tiāu làu, ǐ co̤̿ng hā dě̤ng-di̿m da̿u géng-giâ gṳ̀ gâ̤ dě̤ng gu̿ da̿u uôi-huōi-nêng iŏ̤ng-di̿.
- 30 Duōi-pǐ bǒ̤ng-lǎi sī síng-dí, dă̤-dí Ciōng-Di̿ tê-chîng iáu gṳ̀ ciu̿-gua̿-chṳ̿ uā, giǎng gṳ̀ gâ̤ hē-dō dǐ-bíng hē-lǎi ŏ̤ tĭ cì-ciă nêng cō gṳ̀ gâ̤ ṳ̄;
- 31 Éng-ṳē Duōi-pǐ cǎu-cǎu sáing dă̤-dí iŏ̤ng dī, gu̿-chu̿ uā-kǐ Gí-Dŭ hŭ-sáng kǐ lâ̤ gâ̤ dī, uā cǒng ēng-nǎing běng-ca̿ gṳ̀ gâ̤ lěng-ô̤ng dáu éng-gáing, gṳ̀ gâ̤ séng-chí iǎ ēng-nǎing lūing-tiāu.
- 32 Iŏ̤ng Iǎ-Sú chîng-mâng Ciōng-Di̿ hia̿u gṳ̀ sáng kǐ lâ̤ làu, uôi-huōi-nêng dú sī iŏ̤ng dī gâ̤ gúing-ce̿ng.
- 33 Gṳ̀ giâ-gíng gáu-séng da̿u Ciōng-Di̿ gâ̤ iū-bíng, Dá hṳ̌ gâ̤ Se̿ng-Sěng iǎ dă̤-diō̤ làu, ciū nà nì-huōi-nêng dō̤-di̿ chū-gi̿ng gâ̤, tia̿ng-nī-gi̿ng gâ̤ huăi à lâ̤.
- 34 Duōi-pǐ ēng-nǎing iòng tíng: gū uā, Cṳ̌ iáu uòi Cṳ̌ uā gua̿, Nì cō da̿u uòi iū-bíng,
- 35 Dǎing uòi nà nì gâ̤ do̿-tê bi̿ng cani gâ̤ káu-dā.
- 36 Iŏ̤ng-gă̤-sĭ uā kǐ lâ̤ Ì-să̤-liĕ cì cù gâ̤ nêng dú niōng dă̤-dí chéng-chǔ, Ciōng-Di̿ nà iŏ̤ng Iǎ-Sú ciū-sī nì da̿ing-sǐ da̿u sí-cī-ga̿ gâ̤, Tĭ gṳ̀ ca̿ Cṳ̌, ca̿ Gí-Dŭ làu.
- 37 Duōi-gá-nêng tia̿ng-nī-gi̿ng iŏ̤ng dī, séng-dǐ cèng ki̿, su̿-siōng iǔ cì-bǎ dáu tŭ, gṳ̀ ciū mōng Bǐ-dǎ̤ iáu biē gâ̤ sǎ̤-dǔ uā, Duōi-gá hiáng-dī, ŭhn gâ̤iâ niōng gōng-ciōng ca̿ nī?
- 38 Bǐ-dǎ̤ iáu gṳ̀ uā, Nì niōng gǎi-ŏ̤ cě̤ng-sīng, ciă-ciă dú niōng siū sǎi-lǐ hū Iǎ-Sú Gí-Dŭ gâ̤ miâng à, nì gâ̤ cò ciū ŏ̤ siā dă̤-tiaul iǎ ŏ̤ dă̤-diō̤ Cṳ̌ nà Se̿ng-Sěng nă nì.
- 39 Éng-ṳē iŏ̤ng hṳ̌ gâ̤ Se̿ng-Sěng sī hṳ̌ nì, iáu nì gâ̤ gṳ̌ing-só̤ng, gìng běng sū-mū dàu sù-cài gâ̤ nêng, ciū-sī ŭ duói nă uòi Cṳ̌ Ciōng-Di̿ hǎng hā gṳ̀-di̿ lâ̤ gâ̤ nêng.
- 40 Bǐ-dǎ̤ ǐ nà cèng cāi gâ̤ dī ge̿ng-ga̿i duōi-gá-nêng, kṳ̿ing gṳ̀, uā, Nì niōng giù cù-cī pī-tiāu iŏ̤ng cì-si̿ séng-dǐ gā-lā-huâng gâ̤ nêng.
- 41 Se̿ng gṳ̀ uā gâ̤ dī ŭ duói nêng dú siū sǎi-lǐ : ŭ cì góng hă-sáing gá-tíng sáng-cháing.
- 42 Iŏ̤ng duói nêng cì-bĭ-dā̤ ǐ-séng í-diū sǎ̤-dǔ háu gṳ̀ gâ̤ dī, iáu gṳ̀ giĕ-gáu běng sū-mū dī dú gōng séng, sā̤-sā̤ iĕ biǎng gǐ-dǎu.
- 43 Bă-sia̿ng ciă-ciă dú giáng kǐ lâ̤ : sǎ̤-dǔ hǐng sěng-tóng ca̿ cèng cāi hí-gǐ gâ̤ dī.
- 44 Se̿ng gâ̤ nêng dú ca̿ cì-dó, mǎu-lō̤ng sū-mū dī câi-câi sǎ̤-ē̤ng.
- 45 Ǐ māi-tiāu gṳ̀ gâ̤ gá-do̤̿ng mî-dī, bṳ́ing nă duōi-gá-nêng dú sī cia̿u-diū nêng mǎu kāu-lāu-sǎ̤.
- 46 Nì-nì gōng séng gōng i̿ cì-bĭ-dā̤ dú da̿u dāing-di̿, ǐ da̿u chio̤̿-di̿ iĕ biǎng, ǐ-séng ka̿u-uòi câi iè.
- 47 Cu̿ing-mǐ Ciōng-Di̿, bă-sia̿ng dú o̿ gṳ̀. Cṳ̌ nà ka̿ing dă̤ giù gâ̤ nêng nì-nì gá-tíng kǐ lâ̤.
← · Di̿ 1 Cióng · Di̿ 3 Cióng →
«Se̿ng-géng» gâ̤ mù-lṳ̀
