Se̿ng-géng/Lū-gá Hŭ-éng/6
Di̿ 6 Cióng
[edit]- 1 Hē-mṳě iǔ ciă úing-sǐ-nì Iǎ-Sú giǎng mà-ciě châing-di̿ gua̿; gṳ̀ gâ̤ hă-sáing nṳ̆ mà-ciě, sǎ̤ siǔ chô̤ chô̤ hā lâ̤ iè.
- 2 Ǐu gǐ-ciǎ Huǎ-lī-so̿ nêng ŭa, Nì ṳē-sū-dī ca̿ úing-sǐ-nì ēng gǒ̤ng ca̿ gâ̤ dī?
- 3 Iǎ-Sú a̿ing uā, Cě̤ng-chîng Duōi-pǐ, iáu gáing gṳ̀ gâ̤ nêng, bŭ-gṳě gâ̤ sî-hē, ca̿ gâ̤ dī, nì ēng-nǎing nāng-gua̿ à;
- 4 Duōi-pǐ nì Ciōng-Di̿ gâ̤ dāing, nà ŭ bâi-diū gâ̤ biǎng nà lâ̤ iè, ǐ nă gáing gṳ̀ gâ̤ nêng iè; iŏ̤ng biǎng lâ̤-ēng-sī ci̿-sí biē-nêng cǒng ēng gǒ̤ng iè.
- 5 Iǎ-Sú ǐ uā, Nêng gâ̤ Gṳ̌ing sī úing-sǐ-nì gâ̤ Cṳ̌.
- 6 Gu̿ iǔ cì lê̤ng ǐ sī úing-sǐ-nì, Iǎ-Sú nì lǐ-ba̿i-dǒ̤ng háu nêng : da̿u ŭ-di̿ iǔ ciă nêng iū-siǔ kú-tiāu.
- 7 Nāng-sṳ́ nêng iáu Huǎ-lī-so̿ nêng càng-càng-di̿ chū Iǎ-Sú, úing-sǐ-nì í gṳ̀, ēng í gṳ̀, gṳ̀ gâ̤ séng-i̿ sī o̿ lāu ciă dī ga̿u Iǎ-Sú.
- 8 Iǎ-Sú dă̤-dí gṳ̀ gâ̤ séng-i̿; ciū iáu ŭ ciă kú-tiāu siǔ gâ̤ nêng uā, Kǐ lâ̤ gṳè hā dô̤ng-ó̤ng-séng-di̿. Ŭ ciă nêng ciū kǐ lâ̤ gṳè-diū.
- 9 Iǎ-Sú iáu duōi-gá-nêng uā, Uòi mōng nì cì gṳ̿ dī, Úing-sǐ-nì áing-sīng, ca̿-ŏ̤, giù nêng gâ̤ sáng-miāng, miè-tiāu nêng sáng-miāng, nì cì-iōng sī gǒ̤ng ca̿ gâ̤?
- 10 Iǎ-Sú ciū gǒ̤ng-lǒ̤ng-kṳ́ing chū duōi-gá-nêng, iáu ŭ-ciă kú-tiāu siǔ gâ̤ nêng uā, Nì siǔ sṳ́ing chṳ̆ lâ̤. Ŭ-ciă nêng nà siǔ sṳ́ing chṳ̆ lâ̤: siǔ ciū hǎu-tiāu.
- 11 Duōi-gá-nêng cèng nǎu-nū; câi-câi sióng-liông gōng-ciōng ŏ̤ huāi Iǎ-Sú.
- 12 Ŭ-cì-sî Iǎ-Sú chṳ̆ sêng, iòng súing ko̤̿ gǐ-dǎu; cì-mâng dú sī gǐ-dǎu Ciōng-Di̿.
- 13 Di̿ nī góng cṳĕ-cǎu, hǎng gṳ̀ gâ̤ hă-sáing lâ̤: giǎng gṳ̀ dǐ-bíng yĭ sí-niē nêng, ǐ hǎng gṳ̀ ca̿ sǎ̤-dǔ.
- 14 Ciū-sī Sái-mô̤ng, Iǎ-Sú ǐ hǎng gṳ̀ ca̿ Bǐ-dǎ̤, iáu gṳ̀ hiáng-dī Úing-dă̤-liĕ, gu̿ iǔ Ngǎ-gǒ̤ iáu Iŏ̤-hu̿ing, Hǐ-lì iǎu Bǎ-dó̤-lô̤-mǎi.
- 15 Dó̤-mǎ, Ngā-là̤-hǐ gâ̤ gṳ̌ing, Ngǎ-gǒ̤ iáu Sái-mô̤ng, ǐ hǎng ca̿ Chiĕ-séng.
- 16 Ngǎ-gǒ̤ gâ̤ hiáng-dī Iǔ-duōi, iáu Gá-liŏ̤ nêng Iǔ-tuo̿i, ciū-sī māi Iǎ-Sú gâ̤.
- 17 Iǎ-Sú iáu sǎ̤-dǔ à súing, gṳè da̿u biâng gâ̤ sù-cài, iǔ cèng cāi nêng giǎng tóng Iǔ-tuo̿i iáu Iǎ-lū-să-lǎing, gìng Tó-lô̤ iáu Sái-dō̤ng gâ̤ huǒi-bíng-di̿ lâ̤, tia̿ng-nī Iǎ-Sú uā gâ̤ dī, ǐ o̿ gṳ̀ í bāng.
- 18 Iǎ iǔ nă ciǎ-gṳ̌ châu-nāu gâ̤, dú nă Iǎ-Sú í hǎu-tiāu.
- 19 Ŭ cèng cāi nêng dú o̿ mó̤ Iǎ-Sú: éng-ṳē iǔ cǒ-nǎing giǎng gṳ̀ séng-di̿ chṳ̆ lâ̤, í hǎu gṳ̀ duōi-gá-nêng.
- 20 Iǎ-Sú mì-ciú go̤̿ kǐ lâ̤ chū hă-sáing, uā, Nì gê̤ng-mǎu gâ̤ nêng sī iǔ hŭ-ki̿: éng-ṳē Ciōng-Di̿ gâ̤ gŏ sī nì gâ̤ gŏ.
- 21 Nì giâ-gíng bŭ-gṳě gâ̤ nêng sī iǔ hŭ-ki̿: éng-ṳē nì ciū ŏ̤ bǎu. Nì giâ-gíng tî-kŭ gâ̤ nêng sī iǔ hŭ-ki̿: éng-ṳē nì cǒng ŏ̤ sia̿u.
- 22 Nêng lâ̤ éng-ṳē nêng gâ̤ Gṳ̌ing hāing nì, ēng daǎ̤ nì iáu gṳ̀ ca̿ cì-dó, lūing-mā nì, nà nì gâ̤ miâng uā sī làing gâ̤ diú-tiāu nì, nì ciū iǔ hŭ-ki̿.
- 23 Ŭ sî-hē nì niōng diǎu kǐ lâ̤, ka̿u-uòi: éng-ṳē tíng ciōng siǒng nì gâ̤ dī sī duōi gâ̤: ŭ duói nêng gâ̤ cǔ-cóng duòi síng-dí iǎ sī iŏ̤ng-gă̤-sĭ.
- 24 Nì cuòi-cṳ̌ gâ̤ nêng iǔ huā da̿u! éng-ṳē nì dă̤-diō̤ kúing-séng làu.
- 25 Nì giâ-gíng bǎu gâ̤ nêng iǔ huā da̿u! éng-ṳē nì cǒng ŏ̤ bŭ-gṳě. Nì giâ-gíng sia̿u gâ̤ nêng iǔ huā da̿u! éng-ṳē nì cǒng ŏ̤ sióng-séng tî-kŭ.
- 26 Nì nă duōi-gá-nêng uā nì hǎu gâ̤ sî-hē ciū iǔ huā da̿u! éng-ṳē gṳ̀ gâ̤ cǔ-cóng duòi gâ̤ síng-dí iǎ sī iŏ̤ng-gă̤-sĭ.
- 27 Uòi iáu nì iŏ̤ng tia̿ng-nī gâ̤ nêng uā, Nêng iáu nì ca̿ do̿-tê, niōng o̿ gṳ̀, nêng lâ̤ hāing nì, niōng duòi-dă̤ gṳ̀ hǎu.
- 28 Ciu̿ nì gâ̤, niōng ta̿i gṳ̀ giù hŭ-ki̿, hūoi nì gâ̤, iŏ̤ng ta̿i gṳ̀ gi̿-dǎ̤u.
- 29 Iǔ nêng mà nì iŏ̤ng-bíng mīng-gǎi, ŭ-bíng mīng-gǎi iǎ chiá gua̿ lâ̤ hio̿ng nă gṳ̀; iǔ nêng chiǒng nì séng-ngṳē gâ̤ í-ciông, lîng séng-dǐ gâ̤ í-ciông iǎ ēng niōng siǎ ēng dă̤ nă gṳ̀ nà ko̤̿.
- 30 Mǎu-lō̤ng sū-nêng mōng nì tǎu, dú niōng nă gṳ̀; ǐu nêng nà nì gâ̤ mî-dī nà ko̤̿, ēng niōng iáu gṳ̀ tǎu da̿u-tê.
- 31 Nì o̿ nêng gōng-ciōng-iōng duòi nì, nì iǎ niōng gōng-ciōng-iōng duòi nêng.
- 32 Nì lâ̤ o̿ ŭ ciă o̿ nì gâ̤ nêng, iǔ sū dī do̿-ciā nì? éng-ṳē cò-nêng iǎ o̿ ŭ-ciă o̿ gṳ̀ gâ̤ nêng.
- 33 Nì lâ̤ hǎu-hǎu-di̿ duòi ŭ ciă duòi nì hǎu gâ̤ nêng, iǔ sū dī do̿-ciā nì? éng-ṳē cò-nêng Iǎ-Sú iŏ̤ng-gă̤-sĭ ca̿.
- 34 Nì táng-du̿ nêng hi̿ng, ciū ciŏ̤ gṳ̀, iǔ sū dī do̿-ciā nì? éng-ṳē cò-nêng iǎ ciŏ̤ cò-nêng, niōng gṳ̀ cia̿u dio̿ng hi̿ng chéng-chǔ.
- 35 Iáu nì ca̿ do̿-tê, niōng o̿ gṳ̀, gu̿ niōng hǎu-hǎu-di̿ duòi gṳ̀, ciŏ̤ nêng, ēng niōng chū sī ǔ ǐ gâ̤ dī, iŏ̤ng-gă̤-sĭ, siŏng nì gâ̤ dī ŏ̤ cèng duōi, nì iǎ ŏ̤ ca̿ děng duōi Ciōng-Di̿ gâ̤ gṳ̌ing: éng-ṳē Ciōng-Di̿ chū-gu̿ uǎng-áing sĭ-ngī iáu làing gâ̤ nêng.
- 36 Gu̿-chu̿ nì niōng kǒ̤-lǐng nêng, su̿-siōng nì Dá kǒ̤-lǐng nêng ǐ-búing.
- 37 Nì ēng niōng uā nêng iǔ cho̤̿, nêng ciū mài uā nì iǔ cho̤̿: nì ēng niōng dō̤ng nêng làing, nêng ciū mài dō̤ng nì làing: nì niōng niâu biē nêng, biē nêng iǎ ŏ̤ niâu nì.
- 38 Nì nà nă nêng, nêng iǎ ŏ̤ nà nă nì; gu̿ ŏ̤ nà góng-biâng gâ̤ gǒ̤ng-dě, chṳ̄-dă̤ ì-ì-di̿, sṳé chṳ̆ lâ̤, biâng hā nì séng di̿ gâ̤ bù-bŭ-ciě-di̿. Éng-ṳē nì nà sū-mū gó̤ng-dě liông nă nêng, nêng iǎ ŏ̤ nà sū-mū gǒ̤ng-dě liông nă nì.
- 39 Iǎ-Sú ǐ nà bǐ-piāng gâ̤ dī iáu gṳ̀ uā, Hǎi-cie nī-dī ŏ̤ káing hǎi-ciě giǎng-diō̤ nī? liōng nêng cǒng ŏ̤ dǔing hā káng-di̿ ko̤̿.
- 40 Hă-sáing mài piāng síng-sáing ga̿ing duōi: mǎu-lō̤ng sū-mū nêng ò̤-dă̤ sí-cṳ̆ dú ŏ̤ iáu síng-sáing ǐ-búing.
- 41 Nì hiáng-dī mì-ciú gâ̤ chi̿, nì chū-dă̤-gi̿ng, nì cù-cī mì-ciú-di̿ gâ̤ châu da̿u ēng gă-gi̿ng, iŏ̤ng sī gōng-ciōng uā nī?
- 42 Nì mài chū-gi̿ng cù-cī mì-ciú gâ̤ châu, gōng-ciōng gǒ̤ng iáu hiáng-dī uā, Hiáng-dī à, nì mì-ciú a chi̿ nă uòi ta̿i bí-tiāu? Gǎ-hǎu gâ̤ nêng à, nì sǎing niōng bí-tiāu cù-cī mì-ciú gâ̤ châu, ciū ŏ̤ chū-dă̤ chéng-chǔ nà nì hiáng-dī mì-ciú gâ̤ chi̿ bí-tiāu.
- 43 Mǎu cì-công hǎu gâ̤ chiū ŏ̤ sáng làing gâ̤ guǎ-ciě; iǎ mǎu cì-công làing gâ̤ chiū ŏ̤ sáng hǎu gâ̤ guǎ-ciě.
- 44 Gu̿-chu̿ mǎu-lō̤ng sū-mū chiū, chū gṳ̀ sáng gâ̤ guǎ-ciě, ciū dă̤-dí. Éng-ṳē chi̿-chǎu-di̿, mài tǎu-dă̤ mǎu-huá-guǎ, chi̿-bàng-làng-di̿, iǎ mài tǎu-dă̤ bǔ-dǎu.
- 45 Hǎu gâ̤ nêng giǎng gṳ̀ séng-di̿ iǔ gâ̤ hǎu dī, hīng chṳ̆ hǎu gâ̤ dī lâ̤, làing gâ̤ nêng giǎng gṳ̀ séng-di̿ iǔ gâ̤ làing dī, hīng chṳ̆ làing gâ̤ dī lâ̤: éng-ṳē séng-di̿ cèng siǒng sṳ̌mu dī chṳ̆u̿-di̿ cǒng ŏ̤ uā sū-mū-dī.
- 46 Nì ca̿-sū-dī hǎng uòi Cṳ̌ à, Cṳ̌ à, ēng í uòi uā gâ̤ dī ko̤̿ ca̿?
- 47 Mǎu-lō̤ng sū-mū nêng hā uòi iŏ̤ng-di̿ lâ̤, tia̿ng-nī uòi gâ̤ dī ciū ko̤̿ ca̿, uòi ŏ̤ háu nì iŏ̤ng nêng su̿-siōng sū-mū nêng.
- 48 Gṳ̀ su̿-siōng cì-ciă nêng kṳé chio̤̿, diá gṳ̄-dă̤ cèng chéng, chio̤̿-gí ca̿ da̿u ciō̤-ngâng ciōng-bíng: ca̿ duōi-sṳ̌ gâ̤ sî-hē, sṳ̌ chè̤ng-diō̤ iŏ̤ng chio̤̿, mài mà-dă̤ gṳ̀ dòng; éng-ṳē chio̤̿ kṳé -dă̤ ì-lò̤.
- 49 Lâ̤ iǔ nêng tia̿ng-nī-gi̿ng, ēng ko̤̿ ca̿, ciū su̿-siōng nêng da̿u nâi-di̿ kṳé chio̤̿ mǎu gíl sṳ̌ chè̤ng iŏ̤ng chio̤̿, dāi-diū ciū bǎing-tiāu; bǎing-tiāu hǎing gua̿-dă̤-kia̿u.
← · Di̿ 5 Cióng ·Di̿ 7 Cióng →