Se̿ng-géng/Lū-gá Hŭ-éng/5
Di̿ 5 Cióng
[edit]- 1 Hē-mṳě iǔ cèng cāi nêng cà da̿u Iǎ-Sú séng-bíng-di̿ o̿ tia̿ng-nī Ciōng-Di̿ gâ̤ dàu-lǐ, Iǎ-Sú gṳè da̿u Gǎ-nǐ-să-là̤ gâ̤ ǔ-bíng;
- 2 Chū-gi̿ng liòng-diâu ṳ̌ing bō̤ dáu ǔ-bíng: nà-ngṳ̂ gâ̤ nêng à ṳ̌ing, dō̤-di̿ sǎi mòng.
- 3 Cì-diâu ṳ̌ing sī Sái-mô̤ng gâ̤, Iǎ-Sú ciū iòng gṳ̀ gâ̤ ṳ̌ing, chiǎng Sái-mô̤ng giǎng ngāing-di̿ cha̿ing-kṳé mī-ma̿u-cie̿. Iǎ-Sú ciū cō hā ṳ̌ing-di̿ háu ŭ cèng-cāi nêng.
- 4 Gǒ̤ng làu gâ̤ sî-hē, ciū iáu Sái-mô̤ng uā, Nà ṳ̌ing dǎ hā sṳ̌ chéng gâ̤ sù-cài-di̿ ko̤̿, mòng bo̿ng hā ko̤̿ nà ngṳ̂.
- 5 Sái-mô̤ng a̿ing uā, Síng-Sáing, uôi-huōi-nêng lṳ̄ cì mâng, dú mǎu mî-dī nà-diū : giâ-gíng í nì gáu-dō gâ̤ dī uòi ciū mòng bo̿ng à ko̤̿.
- 6 Gṳ̀-huōi-nêng nà mòng bo̿ng à ko̤̿ làu, ciū mòng-diū cèng cāi gâ̤ ngṳ̂: mòng tǎu liè-tiāu.
- 7 Ciū ià ŭ diâu ṳ̌ing gâ̤ huǎ-gi̿ gua̿ lâ̤, bó̤ng-cha̿ing. Lâ̤ lâ̤u, cìu nà ngṳ̂ dó̤ng-mǔing liòng-diâu ṳ̌ing, ṳ̌ing dú tǎu dêng à ko̤̿.
- 8 Sái-mô̤ng Bǐ-dǎ̤ chū-gi̿ng, ciū pŭ hā Iǎ-Sú gâ̤ káu-bíng-di̿, uā, Cṳ̌ à, ēng niōng hā uòi iǒ̤ng-di̿ iŏ̤ng-di̿; éng-ṳē uòi sī iǔ cò gâ̤ nêng.
- 9 Sái-mô̤ng iáu gṳ̀ câi cì-bó̤ng gâ̤ nêng chū-gi̿ng nà iŏ̤ng cèng cāi ngṳ̂, dú ngò̤-ngò̤-di̿;
- 10 Sái-mô̤ng gâ̤ huǎ-gi̿ Sái-bǐ-tuôi a gṳ̌ingm Ngǎ-gǒ̤ Iŏ̤-hu̿ing, iǎ ngò̤-ngò̤-di̿. Iǎ-Sú Iǎ-Sú Sái-mô̤ng uā, Nì ēng niōng giáng; giâ-gíng à ko̤̿ nì ŏ̤ dă̤-diō̤ nêng.
- 11 Gṳ̀-huōi-nêng nà liòng-diâu ṳ̌ing bí hā ngāing-di̿ ko̤̿, ciū diú-tiāu lǒng-cǒng iǔ gâ̤ mî-dī, gáing Iǎ-Sú ko̤̿.
- 12 Iǎ-Sú da̿u cì-ciă sêng-di̿, iǔ ciă nêng tóng-séng bāng-tuǒi: chū-gi̿ng Iǎ-Sú, ciū pŭ hā diá-di̿, giǔ gṳ̀ uā, Cṳ̌, nì lâ̤ kǎing, ciū iǔ-nǎing-ge̿ nà uòi lōng lâi-lī.
- 13 Iǎ-Sú sṳ́ing siǔ, mó̤ gṳ̀, uā, Uòi kǎing nì niōng bi̿ng lâi-lī kǐ lâ̤. Gṳ̀ séng-di̿ gâ̤ tuǒi dāi-diū ciū hǎu-tiāu.
- 14 Iǎ-Sú ge̿ng-ga̿i gṳ̀, ēng niōng nà iŏ̤ng dī iáu nêng uā: niōng ko̤̿ nǎ ci̿-sí chū nì gâ̤ séng-tǐ, éng-ṳē nì giâ-gíng lâi-lī làu, niōng í-diū Mǒ̤-sái gáu-dō gâ̤ dī gṳ̄ing-ci̿ ca̿ běng-gṳ̀, nă duōi-gá-nêng dă̤-dí.
- 15 Iǎ-Sú gâ̤ miâng-siáng ga̿ing iông chṳ̆ ko̤̿: iǔ cèng cāi nêng cṳ̀ cì-dó tia̿ng-nī gṳ̀ uā gâ̤ dī, iǎ iǔ o̿ gṳ̀ í bāng gâ̤.
- 16 Lâ̤-sī Iǎ-Sú pī-kṳé, cù-cī ciă nêng ko̤̿kongia gǐ-dǎu.
- 23 Bǐ-piāng uā, Nì gâ̤ cò sia̿-tiāu, ā̤-ma̤̿ uā, Nì kǐ lâ̤ giǎng; iŏ̤ng-liòng-iōng, nī cì-iōng ga̿ing ī uā?
- 24 Giâ-gíng o̿ nì dă̤-dí nêng gâ̤ Gṳ̌ing da̿u si̿-gáing iǔ sia̿-cò gâ̤ gṳ̌ing-ba̿ng, Iǎ-Sú ciū iáu bāng-hóng gâ̤ nêng uā, Uòi hǎng nì kǐ lâ̤, dé nì gâ̤ pṳēm giǎng chio̤̿ ko̤̿.
- 25 Ŭ ciă nêng dó̤ng duōi-gá-nêng mīng ciū kǐ lâ̤, nà gṳ̀ dǎu gâ̤ pṳē, giǎng chio̤̿ ko̤̿, gṳ̀ ě̤ng-iāu nă Ciōng-Di̿.
- 26 Duōi-gá-nêng dú ngò̤-ngò̤ sěng-sěng-di̿, iǎ gṳ̀ ě̤ng-iāu nă Ciōng-Di̿; ǐ cèng giáng, uā, Uôi-huōi-nêng géng-diáu chū-gi̿ng cèng nu̿ing-dă̤ gâ̤ dī.
- 27 Iŏ̤ng dī làu, Iǎ-Sú chṳ̆ ko̤̿, chū-gi̿ng cì-ciă siú-sṳe̿ gâ̤ nêng, miâng hǎng Lī-mī, cō da̿u sṳē̤-bǒng-di̿, ciū iáu gṳ̀ uā, Nì lâ̤ gáing uòi.
- 28 Gṳ̀ iǎ ciū diú-tiāu lǒng-cǒng gâ̤ mî-dī, kǐ lâ̤ gáing Iǎ-Sú ko̤̿.
- 29 Lī-mī da̿u cù-cī chio̤̿-di̿ bāing cèng ngǎ-sĭ gâ̤ ciǔ chiǎng Iǎ-Sú: iǔ cèng cāi siú-sṳe̿ gâ̤ nêng iáu biē nêng iáu gṳ̀-huōi-nêng câi-câi cō dŏ̤.
- 30 Nāng-sṳ́ nêng iáu Huǎ-lī-so̿ nêng ciū uā Iǎ-Sú hă-sáing gâ̤ ǎing dī, uā, Nì ca̿-sū-dī iáu siú-sṳe̿ gâ̤ nêng gìng cò-nêng câi-câi iè nī?
- 31 Iǎ-Sú a̿ing uā, Ngāing-cAă gâ̤ nêng ēng niōng í-sáing ; iǔ bāng gâ̤ nêng ciū niōng í-sáing.
- 32 Uòi lâ̤ ēng sī hǎng ngī-nêng gǎi-ŏ̤ cě̤ng-sīng, sī hǎng cò-nêng gǎi-ŏ̤ cě̤ng-sīng.
- 33 Ǐu nêng iáu Iǎ-Sú uā, Iŏ̤-hu̿ing gâ̤ hă-sáing sā̤-sā̤ ge̿ng-diū ēng iè gǐ-dǎu; Huǎ-lī-so̿ nêng gâ̤ hă-sáing iǎ sī iŏ̤ng-gă̤-sĭ ; cǒng-lâ̤ nì gâ̤ hă-sáing ǐ iè ǐ chṳě.
- 34 Iǎ-Sú uā, Iáu séng-lô̤ng uā gé̤ng-hǐ gâ̤ iǔ séng-lô̤ng iáu gṳ̀ câi cì-dó gâ̤ sî-hē, nī-dī ŏ̤ hǎng gṳ̀ ge̿ng-diū ēng iè nī?
- 35 Lâ̤-sī ŭ nì-ciě cǒng ŏ̤ da̿u ; dǎing séng-lô̤ng giǎng gṳ̀ ŭ-di̿ nă nêng nà ko̤̿, ŭ sî-hē gṳ̀-huōi-nêng ciū ŏ̤ ge̿ng-diū ēng iè.
- 36 ǐasu nă4 bǐ-piāng gâ̤ dī ǐau ŭ dúói nêng ŭa ; Mǎu nêng nà séng gâ̤ í-ciông sí-tiāu cì-tī nà ko̤̿ biǒ̤ giū gâ̤ í-ciông; lâ̤-sī iŏ̤ng-gă̤-sĭ ca̿ gṳ̀ sí-tiāu séng gâ̤ í-ciông, sí à lâ̤ gâ̤ séng bio̤̿ ǐ iáu giū gâ̤ í-ciông mài hō̤.
- 37 lǎ mǎu nêng nà séng ciǔ dó̤ng gâ̤ giū pṳê-dō-di̿; lâ̤-sī iŏ̤ng-gă̤-sĭ ca̿, séng ciǔ ŏ̤ gàu-liè-tiāu pṳê-dō, ciǔ lē chṳ̆ lâ̤, gìng pṳê-dō dú huōi-tiāu.
- 38 Cǒng niōng nà séng ciǔ dó̤ng hā séng pṳê-dō-di̿.
- 39 Iǎ mǎu nêng ka̿ing iè làu giū ciǔ, gu̿ ŏ̤ siǒng iè séng ciǔ: éng-ṳē gṳ̀ uā, Giū ciǔ sī hǎu gâ̤.
← · Di̿ 4 Cióng ·Di̿ 6 Cióng →