Se̿ng-géng/Lū-gá Hŭ-éng/3
Di̿ 3 Cióng
[edit]- 1 Gái-să Dǐ-bǐ-liǔ ca̿ uâng di̿ sí-ngù nîng gâ̤ sî-hē Bǒ̤ng-diú Bǐ-là-dó̤ ca̿ Iǔ-tuo̿i gâ̤ cǒng-dŭ, Hí-lṳ̆ hóng ca̿ Gá-lī-lī gâ̤ uâng, gṳ̀ hiáng-dī Hǐ-lì hóg ca̿ Ì-tǔ-lī-ngā iáu Tă̤-là-kǒ̤-nǐ gâ̤ uâng, Lṳ̌-să-ngiĕ hóng ca̿ Ngā-bǐ-lī-nǐ gâ̤ uâng,
- 2 Ngā-nă iáu Gái-ngā-huă ca̿ děng duōi ci̿-sí, ŭ-cì-sî Sǎ-gá-lī-ngā gâ̤ gṳ̌ing Iŏ̤-hu̿ing da̿u ko̿ng-iǎ-di̿ dă̤-diō̤ Ciōng-Di̿ gáu-dō gṳ̀ gâ̤ dī.
- 3 Gṳ̀ ciū lâ̤ Iŏ̤-dàng kái múing-si̿-tī gâ̤ sù-cài gǒ̤ng gǎi-ŏ̤ cě̤ng-sīng gâ̤ sǎi-lǐ, sī niōng cò ŏ̤ sia̿-tiāu.
- 4 Ciū su̿-siōng síng-dí Ì-so̿-ngā sṳ́-di̿ gi̿-diū, gō̤-uā, Dáu ko̤̿ngia iǔ nêng gâ̤ siáng-éng hǎng kǐ lâ̤ uā, Nì niōng kṳé Cṳ̌ gâ̤ diō̤, chi̿-dā̤ gṳ̀ gâ̤ diō̤.
- 5. Súing kuá gâ̤ sù-cài dú ŏ̤ dâing mǔing kǐ lâ̤, duōi siǎu gâ̤ súing dú ŏ̤ lōng ǎi tiāu ṳ́ing-ṳ́ing kṳ̆-kṳ̆ gâ̤ sù-cài dú ŏ̤ bi̿ng dā̤ kǐ lâ̤, kí-káng kí-kǒ gâ̤ sù-cài dú ŏ̤ bi̿ng biâng kǐ lâ̤;
- 6 Iǔ huăi-ki̿ gâ̤ nêng dú ŏ̤ chū-gi̿ng Ciōng-Di̿ giù nêng gâ̤ áing-hṳ̄.
- 7 Iǔ cèng cāi nêng chṳ̆ lâ̤ siū Iŏ̤-hu̿ing gâ̤ sǎi-lǐ , Iŏ̤-hu̿ing iáu gṳ̀ uā, Nì iŏ̤ng dù-ṳê gâ̤ gṳ̌ing-só̤ng, sū-nêng háu nì pī-tiāu hē-lǎi gâ̤ nū-ki̿.
- 8 Nì niōng sáng hǎu gâ̤ guǎ-ciě biǎu-měng nì iǔ gǎi-ŏ̤ cě̤ng-sīng gâ̤ séng, séng-di̿ iǎ ēng niōng uā Ngā-bǎ-là-hǎng sī uòi hā cǔ-cóng, uòi iáu nì uā, Ciōng-Di̿ iǔ-nǎing-ge̿ sǎ̤ iŏ̤ng duói ciō̤ ca̿ Ngā-bǎ-là-hǎng gâ̤ gṳ̌ing-só̤ng.
- 9 Giâ-gíng bŭ-tê ga̿ da̿u chiū-nè-di̿ làu, mǎu-lō̤ng sū-
- mū chiū lâ̤ ēng sáng hǎu gâ̤ guǎ-ciě ciū dú à lâ̤, diú hā hǒ-di̿.
- 10 Ŭ cèng cāi nêng dú mōng Iŏ̤-hu̿ing uā, Iŏ̤ng-gă̤-sĭ uòi niōng gōng-ciōng ca̿.
- 11 Iŏ̤-hu̿ing a̿ing uā, Iǔ loìng-gīng í-ciông gâ̤, ciū niōng bṳ́ing ŭ ciă mǎu í-ciông gâ̤ nêng; iǔ iè gâ̤ mî-dī, iǎ niōng iŏ̤ng-gă̤-sĭ ca̿.
- 12 Siú-sṳe̿ gâ̤ nêng ǐa ǐu lâ̤ siū sǎi-lǐ, gṳ̀ ciū iáu Iŏ̤-hu̿ing uā, Síng-sáing, uôi-huōi-nêng niōng gōng-ciōng ca̿?
- 13 Iŏ̤-hu̿ing iáu gṳ̀ uā, Lâ̤-ēng-sī diāng-gṳ́ gâ̤ sṳe̿-cîng ēng niōng gá nà nêng gâ̤.
- 14 Béng-dáing iǎ mōng gṳ̀ uā, Uôi-huōi-nêng iǎ niōng gōng-ciōng ca̿? Iŏ̤-hu̿ing uā, Ē1ng niōng bgǒ̤-sŏ nêng, is ēng niōng ca̿-cǒ̤ nêng; cù-cī iǔ liông-hiǒng iè ciū niōng dí-cṳ̆.
- 15 Iŏ̤ng-cì-sî bă-sia̿ng dú siǒng Gí-Dǔ ciū ŏ̤ lâ̤, duōi-gá-nêng dō̤-di̿ ngǐ-séng Iŏ̤-hu̿ing gâ̤ dī, ēng dă̤-dí gṳ̀ sī Gí-Dǔ ēng sī;
- 16 Iŏ̤-hu̿ing a̿ing duōi-gá-nêng uā, Uòi sī sǎ̤ sṳ̌ iáu nì sí sǎi-lǐ, lâ̤-sī gu̿ iǔ ciă lì-liòng piāng uòi ga̿ing duōi gâ̤ ŏ̤ lâ̤; uòi iáu gṳ̀ tiă ǎi-duo̿i iǎ sī ēng de̤̿ng-ē̤ng: gṳ̀ ŏ̤ sǎ̤ Se̿ng-sěng iáu hǒ ta̿i nì sí sǎi-lǐ.
- 17 Gṳ̀ gâ̤ sái nà da̿u siǔ-di̿ ŏ̤ sái lâi-lī biâng-di̿ gâ̤ mà-ciě, nà mà-ciě ko̤̿ng hā chó̤ng-di̿, nà sái chṳ̆ lâ̤ gâ̤ kǔ diú hā mài ú gâ̤ hǒ-di̿ chiáu-tiāu.
- 18 Iŏ̤-hu̿ing ǐ nà cèng cāi dī kṳ̿ing basaing gǒ̤ng ŭ hǎu gâ̤ se̿ng-sĭ.
- 19 Hóng ca̿ Gá-lī-lī gâ̤ uâng Hí-lṳ̆ éng-ṳē gṳ̀ hiáng-dī Hǐ-lì gâ̤ sē-mǎ Hí-lô̤-dǐ gâ̤ dī, ǐ éng-ṳē cù-cī ca̿ cèng cāi gâ̤ ǒ̤, dú nă Iŏ̤-hu̿ing ga̿ing gṳ̀.
- 20 Gu̿ gá-tíng cì-iōng, ǒ̤ nà Iŏ̤-hu̿ing sū dáu lâ̤5u-di̿.
- 21 Iŏ̤ng-cì-sî bă-sia̿ng dú iǔ sǎi-lǐ làu, Iǎ-Sú iǎ siū sǎi-lǐ làu, gǐ-dǎu gâ̤ sî-hē, tíng ciū kṳé-kṳé,
- 22 Se̿ng-sěng à lâ̤ dáu gṳ̀ tê-di̿ hěng-cò̤ng su̿-siōng bà-:gŏ̤; giǎng tíng ciōng gu̿ iǔ siáng-éng à lâ̤ uā, Nì sī děng dă̤ uòi chiŏ̤ gâ̤ Gṳ̌ing cèng de̤̿ng uòi gâ̤ i̿.
- 23 Iǎ-Sú buo̿i-chǒ háu nêng gâ̤ sî-hē iǔ sáng-sī hṳe̿-bíng, nêng dú uā gṳ̀ sī Iǒ̤-să̤ gâ̤ gṳ̌ing, Iǒ̤-să̤ ciōng cì-dō sī Hí-lǐ.
- 24 Ǐ ciōng cì-dó sī Mǎ-tă, ǐ ciōng cì-dó sī Lī-mī, ǐ ciōng cì-dó sī Mà-gi, ǐ ciōng cì-dó sī Ngǎ-nàm ǐ ciōng cì-dó sī Iǒ̤-să̤,
- 25 Ǐ ciōng cì-dó sī Mǎ-duōi-dǐ-ngā, ǐ ciōng cì-dó sī Ngā-mǒ̤-sū, ǐ ciōng cì-dó sī Nà-óngm ǐ ciōng cì-dó sī Ì-sū-lǐ, ǐ ciōng cì-dó sī Nà-gái.
- 26 Ǐ ciōng cì-dó sī Mǎ-ă, ǐ ciōng cì-dó sī Mǎ-duōi-dǐ-ngā, ǐ ciōng cì-dó sī Sái-mǐ, ǐ ciōng cì-dó sī Iǒ̤-să̤, ǐ ciōng cì-dó sī Iǔ-duōi,
- 27 Ǐ ciōng cì-dó sī Iŏ̤-ngā-nà, ǐ ciōng cì-dó sī Lì-să, ǐ ciōng cì-dó sī Sǔ-lô̤-bă-bă, ǐ ciōng cì-dó sī Sǎ-là-tiĕ, ǐ ciōng cì-dó sī Nǐ-lī,
- 28 Ǐ ciōng cì-dó sī Mà-gí, ǐ ciōng cì-dó sī Ngā-dǎi, ǐ ciōng cì-dó sī Gó̤-só̤ng, ǐ ciōng cì-dó sī Ì-mǒ̤-dǒ̤ng, ǐ ciōng cì-dó sī Nèng,
- 29 Ǐ ciōng cì-dó sī Iǒ̤-sāi, ǐ ciōng cì-dó sī Ì-liĕ-să, ǐ ciōng cì-dó sī Iŏ̤-lēng, ǐ ciōng cì-dó sī Mǎ-tă, ǐ ciōng cì-dó sī Lī-mi.
- 30 Ǐ ciōng cì-dó sī Sái-mīng, ǐ ciōng cì-dó sī Iǔ-duōi, ǐ ciōng cì-dó sī Iŏ̤-să̤ , ǐ ciōng cì-dó sī Iŏ̤-nâng, ǐ ciōng cì-dó sī Ì-lī-ngā-géng,
- 31 Ǐ ciōng cì-dó sī Mì-lī-ngā, ǐ ciōng cì-dó sī Mǎi-nâng, ǐ ciōng cì-dó sī Mǎ-duŏi-tá, ǐ ciōng cì-dó sī Nà-dúing, ǐ ciōng cì-dó sī Duōi-pǐ.
- 32 Ǐ ciōng cì-dó sī Ngā-mì-nà-duŏi, ǐ ciōng cì-dó sī Ngā-lǔing, ǐ ciōng cì-dó sī Ì-sū-lě̤ng, ǐ ciōng cì-dó sī Huă-là̤-sū, ǐ ciōng cì-dó sī Iǔ-duōi,
- 34 Ǐ ciōng cì-dó sī Ngǎ-gŏ̤, ǐ ciōng cì-dó sī Ì-să, ǐ ciōng cì-dó sī Ngā-bǎ-là-hǎng, ǐ ciōng cì-dó sī Tá-là, ǐ ciōng cì-dó sī Nà-hō̤,
- 35 Ǐ ciōng cì-dó sī Să-lù, ǐ ciōng cì-dó sī Là-ğ, ǐ ciōng cì-dó sī Huǎ-là̤, ǐ ciōng cì-dó sī Hí-bă, ǐ ciōng cì-dó sī Să-là,
- 36 Ǐ ciōng cì-dó sī Gái-nâng, ǐ ciōng cì-dó sī Ngā-huă-să, ǐ ciōng cì-dó sī Sǐng, ǐ ciōng cì-dó sī Nǒ̤-ngā, ǐ ciōng cì-dó sī Là-mà.
- 37 Ǐ ciōng cì-dó sī Mǎ-tǔ-să-là, ǐ ciōng cì-dó sī Ì-nǒ̤, ǐ ciōng cì-dó sī Ngǎ-liĕ, ǐ ciōng cì-dó sī Mǎ-là̤-liĕ, ǐ ciōng cì-dó sī Gái-nâng.
- 38 Ǐ ciōng cì-dó sī Ì-nǒ̤-sū, ǐ ciōng cì-dó sī Să̤-tă̤, ǐ ciōng cì-dó sī Ngā-dó̤ng, ǐ ciōng cì-dó sī Ciōng-Di̿.