Se̿ng-géng/Lū-gá Hŭ-éng/10
Di̿ 10 Cióng
[edit]- 1 Iŏ̤ng dī làu Cṳ̌ ǐ pa̿i chĭ-sié nêng, hǎng gṳ̀ liòng-ciă liòng-ciă-di̿ ko̤̿ gṳ̀ cù-cī tǎu ko̤̿ gâ̤ gŏ̤ sêng gŏ̤ dī-huó̤ng-di̿ ko̤̿.
- 2 Iáu gṳ̀ uā, Cǎu-ciě cèng cāi, cāi-cǎ3 gâ̤ nêng siǎu: gu̿-chu̿ nì niōng giǔ miâu-Cṳ̌, hǎng ca̿-dī-nêng chṳ̆ lâ̤ cāi gṳ̀ gâ̤ cǎu.
- 3 Nì mǒng ko̤̿: uòi hǎng nì ko̤̿ss iông iáu cǎi-lǒ̤ng mà-bó̤ng.
- 4 Ēng niōng duo̿i mǎ-sa̿u, ēng niōng duo̿i iè-sī-dō, ēng niōng duo̿i ái: da̿u diō̤-di̿ ēng niōng iáu nêng chiǎng-úing.
- 5 Mǎu-lō̤ng nì sū-mū nêng gâ̤ chio̤̿, niōng sáing uā, Ngṳ̄ing iŏ̤ng chio̤̿-di̿ běng-úing.
- 6 Ŭ chio̤̿-di̿ lâ̤ iǔ o̿ dǎ̤ běng-úing gâ̤ nêng, nì giǔ gâ̤ běng-úing ciū ŏ̤ da̿u gṳ̀ ŭ chio̤̿: lâ̤ mǎu , ciū ŏ̤ gṳ́ nì cù-cī.
- 7 Nì hā ŭ chio̤̿-di̿ gṳè-diū, nă nì iè gâ̤ mî-dī dú mǒng iè: éng-ṳē ca̿-góng gâ̤ nêng dă̤ góng-cîng sī e̿ng-gái gâ̤. Ēng niōng cì-chio̤̿-di̿ ko̤̿.
- 8 Mǎu-lō̤ng nì nī cì-ciă sêng, nêng lâ̤ ciĕ-duòi nì, bâi-diū nă nì iè gâ̤ mî-dī, nì ciū mǒng iè.
- 11 Uā, Ciū-sī nì sêng-di̿ gâ̤ dêng-hó, níng da̿u uòi káu-di̿, ŭoi ǐa pǐng-tiāu nă nì: mǒng sī iŏ̤ng-gă̤-sĭ, nì niōng dă̤-dí Ciōng-Di̿ gâ̤ gŏ iŏ̤ng sî-hē gṳ̄ing lò̤.
- 12 Uòi iáu nì uā, Da̿u ŭ nì-ciě Sǔ-dó̤-mǎ siū gâ̤ hěng-huă, piāng ŭ sêng-di̿ siū gâ̤ hěng-huă gu̿ kiáng.
- 13 Gó̤-là-sēng nì iǔ huā da̿u! Bă-so̿-duōi nì iǎ iǔ huā da̿u! éng-ṳē da̿u nì liòng-ciă sêng-dǐ ca̿-gua̿ cǒ-nǎing gâ̤ dī, lâ̤-sī ca̿ da̿u Tó-lô̤ iáu Sái-dō̤ng, ŭ-di̿ gâ̤ nêng láu-cǎu cìu cē̤ng muôi-í, tê-di̿ é̤ng hó, cō hā diá-di̿, gǎi-ŏ̤ cě̤ng-sīng làu.
- 14 Da̿u sěng si̿-gáing-nêng gâ̤ nì-ciě Tó-lô̤ iáu Sái-dō̤ng siū gâ̤ hěng-huă, piāng nì siū gâ̤ hěng-huă gu̿ kiáng.
- 15 Gá-bă-nǒng ŏ̤ nà nì gáu-séng da̿u tíng ciōng-di̿ à? ga̿ing ŏ̤ nà nì dàing da̿u éng-gáing-di̿.
- 16 Ǐ iáu hă-sáing uā, Mǎu-lō̤ng sū-mū nêng tia̿ng-nī nì ciū-sī tia̿ng-nī uòi; ēng dă̤ nì, ciū-sī ēng dă̤ uòi; ēng dă̤ uòi, ciū-sī ēng dă̤ hǎng uòi lâ̤ gâ̤ Dá.
- 17 Ŭ chĭ-sié nêng ka̿u-ka̿u uòi-uòi chio̤̿ lâ̤, uā, Cṳ̌, ka̿u nì gâ̤ miâng gṳ̌ iǎ hū uòi.
- 18 Iǎ-Sú uā, Uòi chū-gi̿ng Să-dàng su̿-siōng iāng-dáu giǎng tíng-di̿ lò̤ à lâ̤.
- 19 Uòi nà gṳ̌ing-ba̿ng nă nì ŏ̤ nŏ̤-diū ṳê iáu giĕ, gu̿ ŏ̤ di̿-hū do̿-tê ŭ duói gâ̤ cǒ-nǎing ; cǒng mǎu cì-iōng mî-dī ŏ̤ huōi nì.
- 20 Lâ̤-sī ēng niōng éng-ṳē gṳ̌ hū nì ciū ka̿u-uòi ; ga̿ing niōng ka̿u-uòi nì gâ̤ miâng-cī da̿u tíng-di̿ gi̿-diū làu.
- 21 Ŭ-cì-sî Iǎ-Sú dă̤-diō̤ Se̿ng-Sěng háu gṳ̀ ciū ka̿u-uòi, uā, Dá à, tíng dī gâ̤ Cṳ̌, uòi do̿-ciā nì, éng-ṳē nì nà iŏ̤ng dàu-lǐ ko̤̿ng-diū ēng nă chóng-měng tóng-lǒng gâ̤ nêng dă̤-dí, da̿u hīng chṳ̆ lâ̤ háu gṳ̌ing-ciě-nêng dă̤-dí : Dá à ; ì-cài niōng iŏ̤ng-gă̤-sĭ, éng-ṳē mi cèng de̤̿ng-i̿ iŏ̤ng-gă̤-sĭ.
- 22 Lǒng-cǒng gâ̤ mî-dī ŭoi Dá dú gáu nă uòi làu: ēng sī Dá, mǎu nêng dă̤-dí Gṳ̌ing; ēng sī Gṳ̌ing, iáu Gṳ̌ing gó̤ng-ngṳ̄ing háu gâ̤ nêng, iǎ mǎu nêng dă̤-dí Dá.
- 23 Iǎ-Sú chiá-dṳ̌ing-tê chū hă-sáing, càng-càng-di̿ iáu gṳ̀ uā, Chū nì chū-gi̿ng gâ̤ dī ŭ mì-ciú iǔ hŭ-ki̿:
- 24 Uòi iáu nì uā, Gǔ-sî-hē ǐu cèng-cāi síng-dí iáu cèng cāi uâng o̿ chū nì chū-gi̿ng gâ̤ dī, ǐ mǎu-dă̤ chū-gi̿ng ; o̿ tia̿ng-nī nì tia̿ng-nī-gi̿ng gâ̤ dī, ǐ mǎu-dă̤ tia̿ng-nī-gi̿ng.
- 25 Iǔ ciă háu lṳ̆-huă gâ̤ síng-sáing gṳè kǐ lâ̤ chi̿ Iǎ-Sú, uā, Síng-Sáing, uòi niōng gōng-ciōng-iōng ca̿, ciū ŏ̤ dă̤-diō̤ ě̤ng-ṳ̌ing gâ̤ sáng-miāng?
- 26 Iǎ-Sú iáu gṳ̀ uā, Lṳ̆-huă-di̿ gi̿-diū gâ̤ sī sū-mū dī?
- 27 Gṳ̀ a̿ing uā, Nì niōng cèng-séng, cèng-siāng, cèng-lì, cèng-i̿ o̿ Cṳ̌ nì gâ̤ Ciōng-Di̿; iǎ niōng o̿ nì gâ̤ chio̤̿-bíng-síng su̿-siōng o̿ cù-cī ǐ-búing.
- 28 Iǎ-Sú iáu gṳ̀ uā, Nì a̿ing gâ̤ mài cho̤̿: cia̿u-diū iŏ̤ng-gă̤-sĭ ko̤̿ ca̿, ciū ŏ̤ dă̤-diō̤ ě̤ng-ṳ̌ing gâ̤ sáng-miāng.
- 29 Ŭ ciă nêng o̿ biǎu-měng cù-cī sī ngī-nêng, ciū iáu Iǎ-Sú uā, Sū nêng sī uòi gâ̤ chio̤̿-bíng-síng chio̤̿-bíng-síng?
- 30 Iǎ-Sú a̿ing uā, Iǔ ciă nêng giǎng Iǎ-lū-să-lǎing à lâ̤ ko̤̿ Iǎ-lī-gó̤ ; pōng-diō̤ mà-giĕ-chā̤, bŭ-tiāu gṳ̀ gâ̤ í-ciông ǐ mà-sióng-diō̤ gṳ̀, ciū ko̤̿-tiāu, běng gṳ̀ bu̿ing sáng sǐ da̿u ŭ-di̿.
- 31 Ka̿ing-ka̿ing hō̤ sĭ iǔ ciă ci̿-sí giǎng iŏ̤ng diō̤ à lâ̤: chū-gi̿ng gṳ̀, ciū giǎng ŭ-bíng ko̤̿-tiāu.
- 32 Ǐ iǔ ciă Lī-mī nêng, iǎ giǎng iŏ̤ng diō̤, da̿u ŭ sù-cài, chū-gi̿ng gṳ̀, ciū giǎng ŭ-bíng ko̤̿-tiāu.
- 33 Cǒng-lâ̤ iǔ ciă Să-mǎ-lī-ngā nêng, giǎng da̿u iŏ̤ng dī-huó̤ng, cì chū-gi̿ng, ciū kǒ̤-lǐng gṳ̀.
- 34 Giǎng-ce̿ng lâ̤, nà iû iáu ciǔ biâng da̿u gṳ̀ diō̤-sióng gâ̤ sù-cài, báu ciáng kǐ lâ̤; ciū pṳ̿ gṳ̀ gǐ-diū cù-cī gǐ gâ̤ tê-sáng, iáu gṳ̀ ko̤̿ kă-da̿ng cia̿u-gu̿ gṳ̀.
- 35 Di̿ nī góng ciū nà liòng cîng ngê̤ng chṳ̆ lâ̤, gáu nă lǎu-bǎing, uā, Cia̿u-gu̿ iŏ̤ng ciă nêng; nì lâ̤ iǔ gá sǎ̤-tiāu gâ̤ cîng, uòi da̿u-tê lâ̤ gâ̤ sî-hē ŏ̤ hi̿ng nì.
- 36 Í nì siǒng, iŏ̤ng sāng nêng dǐ-bíng, nī cì-ciă so̤̿ng-dă̤ iŏ̤ng pōng-diō̤ mà-giĕ-chā̤ nêng gâ̤ chio̤̿-bíng-síng ?
- 37 Háu lṳ̆-huă gâ̤ síng-sáing a̿ing uā, Ciū-sī kǒ̤-lǐng gṳ̀ gâ̤ nêng. Iǎ-Sú uā, Nì cia̿u-diū iŏ̤ng-gă̤-sĭ ko̤̿ ca̿.
- 38 Duōi-gá-nêng giǎng-diō̤ gâ̤ sî-hē, Iǎ-Sú nì cì-ciă hióng-lǐ ; iǔ ciă á-niông-nêng miâng hǎng Mǎ-duōi ciĕ Iǎ-Sú da̿u gṳ̀ chio̤̿-di̿.
- 39 Gṳ̀ iǔ ciă mṳē-ciě miâng hǎng Mǎ-lī-ngā, cō hā Iǎ-Sú gâ̤ káu-bíng, tia̿ng-nī gṳ̀ uā gâ̤ dī.
- 40 Mǎ-duōi dō̤-di̿ bāing cèng cāi mî-dī nă Iǎ-Sú iè ; séng-di̿ dòng-nṳ̂, gṳ̀ ciū lâ̤, iáu Iǎ-Sú uā, Cṳ̌ à, uòi mṳē-ciě běng-cie̿ uòi ciă nêng bāing mî-dī, nì gu̿ mǎu iàu-gěng ; niōng hǎng gṳ̀ lâ̤ bó̤ng-cha̿ing uòi.
- 41 Iǎ-Sú uā, Mǎ-duōi, Mǎ-duōi, nì éng-ṳē cāi dī uǎing-nǎu, cāi dī huáng-iě:
- 42 Lâ̤-sī iàu-gěng gâ̤ cǒng-lâ̤ cì-iōng: Mǎ-lī-ngā tĭ làu iŏ̤ng hǎu gâ̤ sú-ngiè, iŏ̤ng sú-ngiè, cǒng mài chiǒng-dă̤ ko̤̿.
← · Di̿ 9 Cióng ·Di̿ 11 Cióng →