Se̿ng-géng/Iŏ̤-hu̿ing Hŭ-éng/21
Di̿ 21 Cióng
[edit]- 1 Iŏ̤ng dī làu hă-sáing da̿u Dǐ-bǐ-lǐ-ngā huǒi-bíng gâ̤ sî-hē, Iǎ-Sú ǐ chṳ̆-hīng nă gṳ̀ chū; gṳ̀ chṳ̆-hīng gâ̤ dī gi̿ da̿u à-bíng.
- 2 Iǔ Sái-mô̤ng Bǐ-dǎ̤, Dó̤-mǎ hǎng ca̿ Dǐ-tǔ-mǎ, Gá-lī-lī gâ̤ Gá-nà nêng Nà-dàng-ngiè, Sái-bǐ-tuo̿i, gâ̤ liòng-ciǎ gṳ̌ing, gu̿ iǔ liòng-ciǎ hă-sáing dú câi cì-dó da̿u ŭ-di̿.
- 3 Sái-mô̤ng Bǐ-dǎ̤ iáu iŏ̤ng duói nêng uā, Uòi ko̤̿ nà ngṳ̂. Ŭ duói nêng uā, Uòi iǎ iáu nì câi ko̤̿. Duōi-gá-nêng ciū chṳ̆ ko̤̿, iòng ṳ̌ing; ŭ cì mâng mǎu ngṳ̂ nà-diū.
- 4 Tíng mī-ma̿u-cie̿ guáng, Iǎ-Sú gṳè da̿u ngāing-di̿ : hă-sáing ēng dă̤-dí sī Iǎ-Sú.
- 5 Iǎ-Sú iáu gṳ̀ uā, Gṳ̌ing-ciě, nì iǔ mî-dī mǎu? Hă-sáing uā, Mǎu.
- 6 Iǎ-Sú iáu gṳ̀ uā, Nà mòng suŏi hā ṳ̌ing iū-bíng, ciū ŏ̤ mòng-diū. Hă-sáing nà mòng suŏi à ko̤̿, éng-ṳē ngṳ̂ cèng cāi, mòng mài tuói-dă̤ kǐ lâ̤.
- 7 Iǎ-Sú o̿ gâ̤ ŭ ciă gă̤ hă-sáing iáu Bǐ-dǎ̤ us, Sī Cṳ̌. Sái-mô̤ng Bǐ-dǎ̤ ēng-nǎing cē̤ng-diū séng-ngṳē sáng, cì tia̿ng-nī-gi̿ng sī Cṳ̌, ciū guòi-diū í-ciông diǎu hā huǒi-di̿.
- 8 Biē gâ̤ hă-sáing éng-ṳē lī ngāing mǎu gǐ-duói dàu, chá-bŭ-dó̤ iǔ nī-sī diōng, ciū cō ṳ̌ing-ciě iòng ngāing, nà iŏ̤ng cì mòng ngṳ̂ tuói nì lâ̤.
- 9 Iòng ngāing làu chū-gi̿ng ŭ-di̿ iǔ tu̿ing-hǒ, gu̿ iǔ ngṳ̂ iǔ biǎng ga̿ da̿u tu̿ing-hǒ ciōng-bíng.
- 10 Iǎ-Sú iáu hă-sáing uā, Ka̿ing nà gâ̤ ngṳ̂ nà gǐ-tê lâ̤.
- 11 Sái-mô̤ng Bǐ-dǎ̤ ciū ko̤̿, nà mòng tuói iòng ngāing, cì mòng dú sī ngṳ̂, iǔ cì-bă-ngù-sī-sáng tê duōi ngṳ̂: ngṳ̂ mǒng iŏ̤ng cāi, mòng dú mài liè-tiāu.
- 12 Iǎ-Sú iáu hă-sáing uā, Nì lâ̤ iè cǎu. Hă-sáing éng-ṳē dă̤-dí sī Cṳ̌ mǎu cì-ciă gǒ̤ng mōng gṳ̀ uā, Nì sī sū nêng?
- 13 Iǎ-Sú gúing-ce̿ng nà biǎng iáu ngṳ̂ nă gṳ̀.
- 14 Iǎ-Sú giǎng sǐ-nêng dǐ-bíng hŭ-sáng kǐ lâ̤ chṳ̆-hīng nă hă-sáing chū, iŏ̤ng sī d̿ sáng lê̤ng.
- 15 Hă-sáing iè làu gâ̤ sî-hē, Iǎ-Sú iáu Sái-mô̤ng Bǐ-dǎ̤ uā, Iŏ̤-nà gâ̤ gṳ̌ing, Sái-mô̤ng, nì piāng iŏ̤ng duói nêng ŏ̤ ga̿ing o̿ uòi mài? Bǐ-dǎ̤ uā, Cṳ̌, sī à; nì dă̤-dí uòi o̿ nì. Iǎ-Sú iáu gṳ̀ uā, Nì niōng sī uòi gâ̤ iông-ciě.
- 16 Iǎ-Sú di̿ nī lê̤ng iáu gṳ̀ uā, Iǒ̤-nà gâ̤ gṳ̌ing, Sái-mô̤ng,
- 14 Iǎ-Sú giǎng sǐ-nêng dǐ-bíng hŭ-sáng kǐ lâ̤ chṳ̆-hīng nă hă-sáing chū, iŏ̤ng sī d̿ sáng lê̤ng.
- 15 Hă-sáing iè làu gâ̤ sî-hē, Iǎ-Sú iáu Sái-mô̤ng Bǐ-dǎ̤ uā, Iŏ̤-nà gâ̤ gṳ̌ing, Sái-mô̤ng, nì piāng iŏ̤ng duói nêng ŏ̤ ga̿ing o̿ uòi mài? Bǐ-dǎ̤ uā, Cṳ̌, sī à; nì dă̤-dí uòi o̿ nì. Iǎ-Sú iáu gṳ̀ uā, Nì niōng sī uòi gâ̤ iông-ciě.
- 16 Iǎ-Sú di̿ nī lê̤ng iáu gṳ̀ uā, Iǒ̤-nà gâ̤ gṳ̌ing, Sái-mô̤ng, : nì ŏ̤ o̿ uòi mài? Gṳ̀ a̿ing uā, Cṳ̌, sī à ; nì dă̤-dí uòi o̿ nì. Iǎ-Sú iáu gṳ̀ uā, Nì niōng ia̿ng uòi gâ̤ iòng.
- 17 Iǎ-Sú di̿ sáng lê̤ng iáu gṳ̀ uā, Iŏ̤-nà gâ̤ gṳ̌ing, Sái-mô̤ng, nì ŏ̤ o̿ uòi mài? Bǐ-dǎ̤ éng-ṳē Iǎ-Sú ĭ-ki̿ sáng-lê̤ng mōng gṳ̀ uā, Nì ŏ̤ o̿ uòi mài? ciū cèng ki̿, a̿ing uā, Cṳ̌, běng sū-mū dī nì dú dă̤-dí ; nì hiǎu-dǎ̤ uòi o̿ nì. Iǎ-Sú iáu gṳ̀ uā, Nì niōng sī uòi gâ̤ iông.
- 18 Uòi ì-cài iáu nì uā, Nì hē-sáng gâ̤ sî-hē, cù-cī gǎi-diū iáu-duo̿i, běng cù-cī gâ̤ séng-i̿ giǎng lâ̤ giǎng ko̤̿: da̿u sē gâ̤ sî-hē, no ŏ̤ nà siǔ sṳ́ing kǐ lâ̤, nă biē-nêng iáu nì gǎi iáu-duo̿i, duo̿i nì ko̤̿ ēng o̿ ko̤̿ gâ̤ sù-cài.
- 19 Iǎ-Sú iŏ̤ng dī sī uā Bǐ-dǎ̤ hē-lǎi gōng-ciōng-iōng sī nà ě̤ng-iāu gṳ̀ nă Ciōng-Di̿. Uā làu, ǐ iáu gâ̤ uā, Nì gáing-diū uòi.
- 20 Bǐ-dǎ̤ chiá-dṳ̌ing-séng, chū-gi̿ng Iǎ-Sú o̿ gâ̤ ŭ ciă hă-sáing gáing da̿u bù-ciă hē-di̿ ; iŏ̤ng ciă hă-sáing ciū-sī chîng-mâng iè mâng gâ̤ sî-hē uǒi hā Iǎ-Sú séng-di̿, mōng gâ̤ uā, Cṳ̌, māi nì gâ̤ sī sū nêng?
- 21 Bǐ-dǎ̤ chū-gi̿ng ŭ ciă hă-sáing, ciū mōng Iǎ-Sú uā, Cṳ̌, iŏ̤ng ciă nêng hē-lǎi ŏ̤ gōng-ciōng-iōng?
- 22 Iǎ-Sú a̿ing uā, Uòi lâ̤ o̿ gṳ̀ sáng dō̤-di̿ dǎing uòi cuo̿i lâ̤ gâ̤ sî-hē, iŏ̤ng iáu nì sū-mū gúing-niǎ nī? nì gáing-diū ŭoi ciū-sī.
- 23 Iŏ̤ng dī cìu dṳ̌ing dáu duōi-gá hiáng-dī dǐ-bíng, gṳ̀ dú uā, ŭ ciă hă-sáing cǒng mài sǐ: ì-cài Iǎ-Sú ēng sī uā, gṳ̀ mài sǐ; sī uā, Uòi lâ̤ o̿ gṳ̀ sáng dō̤-di̿ dǎing uòi cuo̿i lâ̤ gâ̤ sî-hē, iŏ̤ng iáu nì iǔ sū-mū guíng-niǎ nī?
- 24 Ta̿i iŏ̤ng dī ca̿ gúing-ce̿ng, ǐ gi̿ hā sṳ́-di̿, ciū-sī ŭ ciă hă-sáing: uôi-huōi-nêng dă̤-dí gṳ̀ ca̿ gâ̤ gúing-ce̿ng sī céng gâ̤.
- 25 Iǎ-Sú ca̿-gua̿ gâ̤ dī gu̿ iǔ cèng cāi, lâ̤ cì-iōng, cì-iōng dú gi̿ hā dṳ́-di̿, uòi siǒng gi̿ iŏ̤ng dī gâ̤ sṳ́ ciū-sī si̿-gáing iǎ mài dó̤ng-dă̤ ko̤̿.