Se̿ng-géng/Iŏ̤-hu̿ing Hŭ-éng/20
Di̿ 20 Cióng
[edit]- 1 Chĭ góng gâ̤ tê cì-góng, tíng gu̿ ēng-nǎing guáng gâ̤ sî-hē , Muŏi-duōi-là gâ̤ Mǎ-lī-ngā hā dě̤ng-di̿ lâ̤, chū-gi̿ng dě̤ng-mô̤ng-chṳ̿ gâ̤ ciō̤ búing-kṳé làu.
- 2 Ciū bǎu ko̤̿ gīng Sái-mô̤ng Bǐ-dǎ̤, iáu Iǎ-Sú o̿ gâ̤ ŭ ciă hă-sáing, iáu gṳ̀ uā, Iǔ nêng giǎng dě̤ng-di̿ nà Cṳ̌ chṳ̆ lâ̤, uòi ēng dă̤-dí bo̿ng da̿u nī-di̿.
- 3 Bǐ-dǎ̤ iáu ŭ ciă hă-sáing ciū chṳ̆ lâ̤ ko̤̿ dě̤ng-di̿ ko̤̿.
- 4 Liōng nêng câi-câi bǎu ko̤̿; ŭ ciă hă-sáing piāng Bǐ-dǎ̤ ga̿ing bǎu-dă̤ kṳe̿, sáing da̿u dě̤ng-di̿.
- 5 Gú-lú à ko̤̿ chū dǐ-bíng, chū-gi̿ng nō̤ng iáu-gí ga̿ da̿u ŭ-di̿, lâ̤-sī ēng-nǎing di̿ ko̤̿.
- 6 Hē-mṳě Sái-mô̤ng Bǐ-dǎ̤ iǎ dáu, nì dě̤ng dǐ-bíng ko̤̿; chū-gi̿ng nō̤ng iáu-gí.
- 7 Ǐ chū-gi̿ng báu tê gâ̤ pa̿-ciě, ēng-nǎing iáu iáu-gí câi cì-dó, lēng-ngṳē bū-lū-diū dáu biē gâ̤ sù-cài.
- 8 Sáing dáu dě̤ng-di̿ gâ̤ ŭ ciă hă-sáing iǎ di̿ ko̤̿, chū-gi̿ng, ciū se̿ng.
- 9 Éng-ṳē gṳ̀-huōi-nêng gu̿ ēng dă̤-dí se̿ng-géng sī uā Iǎ-Sú cǒng niōng giǎng sǐ-nêng dǐ-bíng hŭ-sáng kǐ lâ̤.
- 10 IOng liòng-ciă hă-sáing cìu chio̤̿ ko̤̿.
- 11 Mǎ-lī-ngā gṳè da̿u dě̤ng ngṳē-di̿ tî: tî gâ̤ sî-hē, gú-lú à ko̤̿ chū dě̤ng dǐ-bíng.
- 12 Chū-gi̿ng liòng-ciă sǎ̤-chṳ̄ gâ̤, cē̤ng bā í-ciông, da̿u bo̿ng Iǎ-Sú séng-chí gâ̤ sù-cài cō-diū, cì-ciă cō da̿u Iǎ-Sú tê dǎu gâ̤ sù-cài, cicica cō da̿u Iǎ-Sú gâ̤ káu gâ̤ sù-cài.
- 13 Cṳ̌ sǎ̤-chṳ̄ gâ̤ iáu gṳ̀ uā, Á-niông-nêng, nì tî sū-mū dī? Gṳ̀ uā, Nêng nà uòi Cṳ̌ dé ko̤̿-tiāu, uòi ēng dă̤-dí bo̿ng da̿u nī-di̿.
- 14 Uā làu iŏ̤ng dī, ciū chiá-dṳ̌ing-séng, chū-gi̿ng Iǎ-Sú gṳè-diū, ēng dă̤-dí sī Iǎ-Sú.
- 15 Iǎ-Sú iáu gâ̤ uā, Á-niông-nêng, nì tî sū-mū dī? lāu sū-mū nêng? Mǎ-lī-ngā siǒng gṳ̀ sī dǎ-hṳ̂ing gâ̤ nêng, iáu gṳ̀ uā, Síng-Sáing, lâ̤-sī nì nà gṳ̀ ko̤̿-yiau, mǒng iáu upi uā bo̿ng gṳ̀ da̿u nī-di̿, uòi ciū ŏ̤ nà gṳ̀ dé ko̤̿.
- 16 Iǎ-Sú uā, Mǎ-lī-ngā. Mǎ-lī-ngā ciū chiá-dṳ̌ing-séng, uā, Là-bó̤-nǐ; Là-bó̤-nǐ ciū-sī Síng-Sáing gâ̤ i̿-su̿.
- 17 Iǎ-Sú iáu gṳ̀ uā, Ēng niōng tuói-diū uòi; éng-ṳē uòi gu̿ ēng-nǎing iòng ko̤̿ uòi Dá ŭ-di̿: nì ko̤̿ iáu uòi hiáng-dī uā, Uòi giâ-gíng iòng ko̤̿ gi̿ng uòi gâ̤ Dá, ciū-sī nì-huōi-nêng gâ̤ Dá, gi̿ng uòi gâ̤ Ciōng-Di̿, ciū-sī nì-huōi-nêng gâ̤ Ciōng-Di̿.
- 18 Muŏi-duōi-là gâ̤ Mǎ-lī-ngā ciū ko̤̿ iáu hă-sáing uā, Uòi chū-gi̿ng Cṳ̌ làu; ǐ nà Cṳ̌ iáu gṳ̀ uā gâ̤ dī dú uā nă gṳ̀-huōi-nêng tia̿ng-nī.
- 19 Ŭ cì góng, sī chĭ góng gâ̤ tê cì-góng, da̿u o̤̿ng-bíng-ciě, hă-sáing cṳ̀ cì-dó, éng-ṳē giáng Iǔ-tuo̿i nêng, mô̤ng dú gṳ́ing-diu, Iǎ-Sú lâ̤ gṳè hā dô̤ng-ó̤ng-séng-di̿, iáu gṳ̀ uā, Ngṳ̄ing ngn běng-úing.
- 20 Uā làu, ciū nà gṳ̀ gâ̤ siǔ iáu hiĕ-huâng nă gṳ̀ chū. Hă-sáing chū-gi̿ng Cṳ̌, ciū cèng ka̿u-uòi.
- 21 Iǎ-Sú ǐ iáu gṳ̀ uā, Ngṳ̄ing nì-huōi-nêng běng-úing: su̿-siōng Dá hǎng uòi lâ̤, uòi iǎ iŏ̤ng-gă̤-sĭ hǎng nì ko̤̿.
- 22 Uā làu iŏ̤ng dī, iáu duōi-gá-nêng hô̤ ciă ki̿, uā, Nì giâ-gíng niōng dă̤-diō̤ Se̿ng-Sěng.
- 23 Nì mǎu-lō̤ng iáu sū nêng ŭa gṳ̀ gâ̤ cò sia̿-dă̤-tiāu, ciū ŏ̤ ta̿i gṳ̀ sia̿-tiāu; mǎu-lō̤ng iáu sū nêng uā gṳ̀ gâ̤ cò mài sia̿-dă̤-tiāu, ciū mài ta̿i gṳ̀ sia̿-tiāu.
- 24 Iǎ-Sú lâ̤ gâ̤ sî-hē, sí-nī-ciă hă-sáing dǐ-bíng iǔ ciă Dó̤-mǎ, ǐ hǎng ca̿ Dǐ-tǔ-mǎ, ēng-nǎing dō̤-di̿.
- 25 Hă-sáing-huă dú iáu gṳ̀ uā, Uòi chū-gi̿ng Cṳ̌ làu. Dó̤-mǎ uā, Uòi lâ̤ ēng-nǎing chū-gi̿ng gṳ̀ siǔ-di̿ gâ̤ dáing hô̤ng, ēng-nǎing nà siǔ-ǐ-ciě dù hā iŏ̤ng dáing hô̤ng-di̿, ēng-nǎing nà siǔ dù hā gṳ̀ hiĕ-huâng dǐ-bíng, uòi cǒng ēng kǎing se̿ng.
- 26 Gua̿ chĭ góng làu, hă-sáing ǐ da̿u chio̤̿-di̿, Dó̤-mǎ iǎ da̿u ŭ-di̿, mô̤ng dú gṳ́ing-diū. Iǎ-Sú lâ̤ gṳè hā dô̤ng-ó̤ng-séng-di̿ uā, Ngṳ̄ing nì-huōi-nêng běng-úing.
- 27 Ciū iáu Dó̤-mǎ uā, Sṳ́ing nì gâ̤ sīǔ-ǐ-ciě chū ú-o̤̿ng ǐ gâ̤ siǔ; sṳ́ing nì gâ̤ siǔ, dù hā uòi hiĕ-huâng dǐ-bíng: ēng gǒ̤ng ngǐ-séng, cǒng niōng se̿ng.
- 28 Dó̤-mǎ a̿ing uā, Uòi gâ̤ Cṳ̌, uòi gâ̤ Ciōng-Di̿.
- 29 Iǎ-Sú iáu gṳ̀ uā, Dó̤-mǎ, nì éng-ṳē chū-gi̿ng uòi, cìu se̿ng: ŭ ēng-nǎing chū-gi̿ng, gu̿ ŏ̤ se̿ng gâ̤, iŏ̤ng nêng sī iǔ hŭ-ki̿.
- 30 Hă-sáing iǎ chū-gi̿ng Iǎ-Sú gu̿ hǐng cèng cāi sěng-tóng gâ̤ dī, ēng-nǎing gi̿ da̿u iŏ̤ng sṳ́-di̿.
- 31 Lâ̤ gi̿ iŏ̤ng gǐ-iōng sěng-tóng gâ̤ dī, o̿ nì se̿ng Iǎ-Sú sī Gí-Dŭ, sī Ciōng-Di̿ gâ̤ Gṳ̌ing iǎ o̿ nì se̿ng làu, ka̿u gṳ̀ gâ̤ miâng ciū ŏ̤ dă̤-diō̤ ě̤ng-ṳ̌ing gâ̤ sáng-miāng.