Jump to content
Se̿ng-géng/Iŏ̤-hu̿ing Hŭ-éng/2
- 1 Di̿ sáng góng da̿u Gá-lī-lī Gá-nà gâ̤ dī-huó̤ng iǔ nêng bāing tǎu-chéng gâ̤ ciǔ; Iǎ-Sú gâ̤ nǎi da̿u ŭ-di̿.
- 2 Iǎ-Sú iáu gṳ̀ gâ̤ hă-sáing, iǎ nă gṳ̀ chiǎng ko̤̿ iè ciǔ.
- 3 Ciǔ iè lâ̤ mǎu kāu-lāu, Iǎ-Sú gâ̤ nǎi iáu gṳ̀ uā, Gṳ̀ mǎu iǔ.
- 4 Iǎ-Sú uā, Nǎi, uòi iáu nì sū-mū gúing-niǎ? uòi gâ̤ sige gu̿ ēng-nǎing da̿u.
- 5 Gṳ̀ nǎi ciū iáu nû-gě uā, Gṳ̀ mǎu-lō̤ng hǎng nì ca̿ sū dī, nì dú niōng ca̿.
- 6 Cia̿u Iǔ-tuo̿i nêng lōng lâi-lī gâ̤ lī-gṳ́, iǔ lṳ̀-ciă ciō̤-děng bâi da̿u ŭ-di̿, cì-ciă cì-ciă dú dó̤ng-dă̤ sáng tǒng sṳ̌.
- 7 Iǎ-Sú iáu nû-gě uā, Nà sṳ̌ dó̤ng-mǔing iŏ̤ng děng. Nû-gě ciū pǒng nă gṳ̀.
- 8 Iǎ-Sú ǐ iáu nû-gě uā, Giâ-gíng ǐàu chṳ̆ lâ̤, pǒng nă lǐ-ciǔ gâ̤ nêng. Nû-gě cìu pǒng nă gṳ̀.
- 9 Iŏ̤ng sṳ̌ bi̿ng ca̿ ciǔ làu, lǐ-ciǔ gâ̤ nêng iǒ̤ng iǒ̤ng hā, ēng-dă̤-dí sī nī-di̿ lâ̤ gâ̤ (cǒng-lâ̤ ǐǎu sṳ̌ gâ̤ nû-gě dă̤-dí), lǐ-ciǔ gâ̤ nêng ciū hǎng séng-lô̤ng lâ̤,
- 10 Iáu gṳ̀ uā, Nêng nêng dú sī sáing bâi hǎu gâ̤ ciū, dǎing nêng-kă iè-cṳ̌-tiāu, cuo̿i-hē bâi tà gâ̤ ciǔ: cǒng-lâ̤ nì sī nà hǎu gâ̤ ciǔ sê da̿u iŏ̤ng sî-hē.
- 11 Iŏ̤ng sī Iǎ-Sú tê cì-lê̤ng hǐng sěng-tóng gâ̤ dī da̿u Gá-lī-lī Gá-nà gâ̤ dī-huó̤ng, nà gṳ̀ gâ̤ ě̤ng-iāu hīng chṳ̆ lâ̤; hă-sáing ciū se̿ng gṳ̀.
- 12 Hē-mṳě Iǎ-Sú iáu gṳ̀ nǎi, gìng hiáng-dī, hă-sáing, câi à ko̤̿ Gá-bă-nǒng, da̿u ŭ-di̿ ēng-nǎing gṳè-diū gǐ góng.
- 13 Iǔ-tuo̿i nêng gua̿-mô̤ng-tê gâ̤ că-ki̿ tǎu da̿u, Iǎ-Sú ciū iòng Iǎ-lū-să-lǎing-di̿ ko̤̿.
- 14 Da̿u dāing-di̿ chū-gi̿ng iǔ nêng māi niû, iông, bà-gŏ̤, gu̿ iǔ bŏ̤-cîng gâ̤ nêng cō da̿u ŭ-di̿.
- 15 Iǎ-Sú nà sŏ̤-ciě ca̿ bíng, nà nêng iáu niû, iông, dú dāi chṳ̆ dāing; biâng-tiāu bŏ̤-cîng nêng gâ̤ cîng, dàing-dǎu gṳ̀ gâ̤ dŏ̤;
- 16 Ǐ iáu māi bà-gŏ̤ gâ̤ nêng uā, Iŏ̤ng mî-dī ca̿-hā dú dé chṳ̆ ko̤̿; ēng niōng nà uòi Dá gâ̤ chio̤̿ bi̿ng ca̿ sáing-i̿ gâ̤ sù-cài.
- 17 Hă-sáing siǒng-kǐ se̿ng-géng gi̿-diū gâ̤ dī, gō̤ uā, Éng-ṳē nì gâ̤ chio̤̿ uòi cèng iě-séngm su̿-siōng hǒ ŏ̤ māing-māing-di̿ chiáu-tiāu uòi.
- 18 Iǔ-tuo̿i nêng ciū mōng gṳ̀ uā, Nì gō̤-iŏ̤ng ca̿ dī, iǔ sū-mū sěng-tóng hǐng nă uòi chū nī?
- 19 Iǎ-Sú a̿ing uā, Miè-tiāu iŏ̤ng dāing, uòi sáng góng-dǐ ǐ ŏ̤ kṳé kǐ lâ̤.
- 20 Iǔ-tuo̿i nêng uā, Iŏ̤ng dāing si̿-sī-lṳ̀ nîng kṳé ṳ̌ing-góng, nì sáng góng-dǐ ciū ŏ̤ kṳé kǐ lâ̤.
- 21 Iǎ-Sú iŏ̤ng dī sī uā gṳ̀ cù-cī gâ̤ séng-tǐ ciū-sī dāing.
- 22 Da̿u Iǎ-Sú giǎng sǐ-nêng dǐ-bíng hia̿u sáng kǐ lâ̤ gâ̤ sî-hē, hă-sáing ciū siǒng-kǐ Iǎ-Sú tê-chîng uā-gua̿ iŏ̤ng dī; ciū se̿ng se̿ng-géng, iáu Iǎ-Sú uā gâ̤ dī.
- 23 Iǎ-Sú da̿u Iǎ-lū-să-lǎing gua̿-mô̤ng-tê căi-ki̿ gâ̤ sî-hē, iǔ cèng cāi nêng chū-gi̿ng gṳ̀ hǐng gâ̤ sěng-tóng, ciū se̿ng gṳ̀ gâ̤ miâng.
- 24 Lâ̤-sī Iǎ-Sú dă̤-dí nêng gâ̤ séng, gu̿-chu̿ ēng ka̿u-diū gṳ̀.
- 25 Iǎ ēng niōng nêng sáing iáu gṳ̀ uā nêng sī sū-mū gǎ̤-sǐ; ēngue nêng gâ̤ séng-sū gṳ̀ cù-cī dú dă̤-dí làu.
← · Di̿ 1 Cióng · Di̿ 3 Cióng →
«Se̿ng-géng» gâ̤ mù-lṳ̀
