Jump to content
Se̿ng-géng/Iŏ̤-hu̿ing Hŭ-éng/14
- 1 Nì séng-di̿ ēng niōng huáng-iě, nì se̿ng Ciōng-Di̿, iǎ niōng se̿ng uòi.
- 2 Da̿u uòi Dá chio̤̿-di̿ iǔ cèng cāi diū gâ̤ sù-cài; lâ̤ mǎu, uòi ciū ŏ̤ sáing iáu nì uā ; giâ uòi ko̤̿, sī ta̿i nì o̿-do̿ ciă sù-cài.
- 3 Uòi lâ̤-sī ko̤̿ ta̿i nì o̿-do̿ ciă sù-càil uòi cǒng ŏ̤ cuo̿i lâ̤ ciĕ nì da̿u uòi ŭ-di̿, uòi da̿u nī-di̿m niōng nì iǎ da̿u nī-di̿.
- 4 Uòi ko̤̿ gâ̤ sù-cài, nì iǎ dă̤-dí diō̤.
- 5 Dó̤-mǎ uā, Cṳ̌, nì ko̤̿ sū-mū sù-cài, uòi dú ēng dă̤-dí, nī-di̿ ŏ̤ dă̤-dí diō̤?
- 6 Iǎ-Sú iáu gṳ̀ uā, Uòi ciū-sī diō̤, céng gâ̤ dàu-lǐ, sáng-miāng; lâ̤-ēng-sī ka̿u-diū uòi, mǎu ciă nêng ŏ̤ ko̤̿ Dá ŭ-di̿.
- 7 Nì lâ̤ dă̤-dí uòi, iǎ ŏ̤ dă̤-dí Dá, giâ-gíng à ko̤̿ nì hiǎu-dǎ̤ Dá, ǐ chū-gi̿ng-diō̤ Dá làu.
- 8 Hí-lì uā, Cṳ̌ à, nà Dá háu uôi-huōi-nêng chū-gi̿ng, uôi-huōi-nêng ciū cṳ̆-i̿.
- 9 Iǎ-Sú iáu gṳ̀ uā, Hí-lì, uòi iáu nì câi cì-dó iŏ̤ng cāi sî, nì gu̿ ēng dă̤-dí uòi, chū-gi̿ng-diō̤ uòi, ciū-sī chū-gi̿ng-diō̤ Dá, nì gōng-ciōng uā, Nà Dá háu uôi-huōi-nêng chū-gi̿ng?
- 10 Uòi iáu Dá hō̤ ca̿ ǐ tì, Dá iáu uòi hō̤ ca̿ ǐ tǐ, nì ēng se̿ng à? Uòi iáu nì uā gâ̤ dī, ēng sī cù-cī cṳ̌-i̿ uā gâ̤: ciū-sī Dá sî-sî kă̤-kă̤ iáu uòi hō̤ ca̿ ǐ tǐ ca̿ gṳ̀ gâ̤ dī.
- 11 Nì-huōi-nêng niōng se̿ng uòi uā, Uòi iáu Dá hō̤ ca̿ ǐ tǐ; lâ̤ ēng se̿ng, chū uòi ca̿ gâ̤ dī, iǎ niōng se̿ng uòi.
- 12 Uòi ì-cài iáu nì uā, Nêng lâ̤ se̿ng uòim uòi ca̿ gâ̤ dī, gṳ̀ iǎ ŏ̤ ca̿, gu̿ ŏ̤ ca̿ piāng iŏ̤ng ga̿ing duōi gâ̤ dī, éng-ṳē uòi da̿u-tê ko̤̿ Dá ŭ-di̿.
- 13 Nì ka̿u uòi gâ̤ miâng, mǎu-lō̤ng giǔ sū-mū dī, uòi dú ŏ̤ ca̿-chěng; o̿ Dá ě̤ng-ṳ̌ing Gṳ̌ing ŏ̤ dă̤-diō̤ ě̤ng-iāu.
- 14 Lâ̤ ka̿u uòi gâ̤ miâng, giǔ uòi sū-mū dī, uòi dú ŏ̤ ca̿-chěng.
- 15 Nì lâ̤ o̿ uòi, cǒng ŏ̤ í uòi gáu-dō nì gâ̤ dī.
- 16 Uòi iǎ ŏ̤ giǔ Dá, Dá lēng-ngṳē ciū ŏ̤ nà cì-ciă ta̿i nì ca̿-bǎu gâ̤, ciū-sī céng dàu-lǐ gâ̤ Sěng, nă nì ; o̿ gṳ̀ ě̤ng-ṳ̌ing iáu nì câi cì-dó.
- 17 Si̿-gáing nêng mǎu-nǎing-ge̿ ciĕ gṳ̀, éng-ṳē chū gṳ̀ ēng gi̿ng, iǎ mài nēng-dă̤ gṳ̀ diō̤: cǒng-lâ̤ nì-huōi-nêng nēng-dă̤ gṳ̀ diō̤, éng-ṳē gṳ̀ iáu nì câi cì-dó gṳè-diū, gu̿ ŏ̤ da̿u nì séng-dǐ.
- 18 Uòi ēng kǎing diú-tiāu nì su̿-siōng mǎu dá gâ̤ gṳ̌ing; uòi cǒng ŏ̤ cuo̿i hā nì iŏ̤ng-di̿ lâ̤.
- 19 Gu̿ mǎu gǐ-duói sî, si̿-gáing nêng cuo̿i mài chū-gi̿ng uòi; cǒng-lâ̤ nì ŏ̤ chū-gi̿ng uòi: ŭ sî-hē éng-ṳē uòi iǔ sáng-miāng, nì iǎ iǔ sáng-miāng.
- 20 Da̿u ŭ cì góng nì ciū ŏ̤ dă̤-dí uòi iáu Dá hō̤ ca̿ ǐ tǐ, nì iáu uòi hō̤ ca̿ ǐ tǐ, uòi iáu nì hō̤ ca̿ ǐ tǐ.
- 21 Gī-diū uòi gáu-dō gâ̤ dī, ciū í-diū ko̤̿ ca̿ , iŏ̤ng nêng ciū-sī o̿ uòi gâ̤ : o̿ uòi gâ̤ nêng, uòi Dá coi ŏ̤ o̿ gṳ̀, uòi iǎ ŏ̤ o̿ gṳ̀, gu̿ ŏ̤ nà cù-cī hīng chṳ̆ lâ̤ nă gṳ̀ dă̤-dí.
- 22 Iǔ ciă Iǔ-duōi ( ēng sī Gá-liŏ̤ nêng Iǔ-duōi) mōng Iǎ-Sú uā, Cṳ̌, éng-ṳē sū dī nà cù-cī hīng chṳ̆ lâ̤ nă uôi-huōi-nêng dă̤-dí, da̿u ēng hīng chṳ̆ lâ̤ nă si̿-gáing nêng dă̤-dí?
- 23 Iǎ-Sú a̿ing gṳ̀ uā a̿ing gṳ̀ uā, Nêng lâ̤ o̿ uòi, ciū ŏ̤ í uòi gâ̤ dàu-lǐ; uòi Dá ciū ŏ̤ o̿ gṳ̀, uòi iáu uòi gâ̤ Dá cǒng ŏ̤ hā gṳ̀-di̿ lâ̤, iáu gṳ̀ câi gṳè-diū.
- 24 Ēng o̿ uòi gâ̤ nêng, ciū ēng í uòi háu gâ̤ dàu-lǐ; nì tia̿ng-nī-gi̿ng gâ̤, ēng sī uòi gâ̤ dàu-lǐ, sī hǎng uòi lâ̤ gâ̤ Dá gâ̤ dàu-lǐ.
- 25 Bō̤ng uòi iáu nì câi gṳè-diū gâ̤ sî-hē, uòi ciū sáing iáu nì uā iŏ̤ng dī.
- 26 Lâ̤ iǔ ŭ ciă iáu nì ca̿-bǎu gâ̤, ciū-sī uòi Dá ŏ̤ hǎng lâ̤ gâ̤ Se̿ng-Sěng, gṳ̀ ŏ̤ ka̿u-diū uòi gâ̤ miâng nà lǒng-cǒng gâ̤ dī háu nì dă̤-dí ; uòi tê-chîng iáu nì uā-gua̿ gâ̤ dī, gṳ̀ dú ŏ̤ bó̤ng-cha̿ing nì gi̿ kǐ lâ̤.
- 27 Uòi sê-diū běng-úing nă nì: uòi nà uòi gâ̤ běng-úing nă nì : uòi nă nì gâ̤ běng-úing, mài su̿-siōng si̿-gáing nêng gâ̤ běng-úing. Nì séng-di̿ ēng niōng huáng-iě, iǎ ēng niōng giáng.
- 28 Nì tia̿ng-nī-gi̿ng uòi uā, Uòi giâ-gíng ko̤̿, hē-mṳě cuo̿i hā nì iŏ̤ng-di̿ lâ̤. Uòi ko̤̿ uòi Dá ŭ-di̿, nì lâ̤-sī o̿ uòi, ciū ŏ̤ ka̿u-uòi kǐ lâ̤, éng-ṳē uòi Dá piāng uòi ga̿ing duōi.
- 29 Iŏ̤ng dī gu̿ ēng-nǎing da̿u, uòi giâ-gíng sáing iáu nu uā; dī da̿u gâ̤ sî-hē, nì ciū ŏ̤ se̿ng uòi.
- 30 Giâ-gíng uòi cuo̿i mǎu gǐ-duói dī ǐau nì ŭa, éng-ṳē iŏ̤ng si̿-gáing gâ̤ uâng ŏ̤ lâ̤, gṳ̀ iáu uòi mǎu gúing-niǎ.
- 31 Lâ̤-sī iŏ̤ng dī cǒng iǔ, éng-ṳē niōng nă si̿-gáing nêng dă̤-dí uòi sī o̿ Dá gâ̤, cia̿u-diū Dá gōng-ciōng gáu-dō uòi, uòi ciū gōng-ciōng ca̿. Giâ-gíng kǐ lâ̤, iáu uòi câi ko̤̿.
← · Di̿ 13 Cióng · Di̿ 15 Cióng →
«Se̿ng-géng» gâ̤ mù-lṳ̀
