Se̿ng-géng/Iŏ̤-hu̿ing Hŭ-éng/10
Di̿ 10 Cióng
[edit]- 1 Uòi ì-cài iáu nì uā, Nêng nì iông-dṳ̌, lâ̤ ēng giǎng mô̤ng dī6 ko̤̿ , da̿u giǎng biē sù-cài ba̿-la̿ di̿ ko̤̿, iŏ̤ng nêng ciū-sī chā̤, ciū-sī mà-giĕ-chā̤.
- 2 Lâ̤-sī giǎng mô̤ng di̿ ko̤̿, iŏ̤ng nêng ciū-sī ia̿ng-iông gâ̤ nêng.
- 3 Ia̿ng-mô̤ng gâ̤ nêng iáu gṳ̀ kṳé mô̤ng, iông iǎ tia̿ng-nī gṳ̀ siáng-éng : gṳ̀ ciū hǎng cù-cī iông gâ̤ miâng, duōi gṳ̀ chṳ̆ lâ̤.
- 4 Cù-cī gâ̤ iông dú dāi chṳ̆ lâ̤ làu, gṳ̀ ciū da̿u iông tê-chîng giǎng, iông gáing gṳ̀ bù-ciă hē-di̿ giǎng, éng-ṳē iông dă̤-dí gṳ̀ gâ̤ siáng-éng.
- 5 Iông ēng dă̤-dí biē-nêng gâ̤ siáng-éng, ciū ēng kǎing gáing biē-nêng giǎng, ŏ̤ piĕ-tiāu gṳ̀.
- 6 Iǎ-Sú nà iŏ̤ng bǐ-piāng gâ̤ dī uā nă Huǎ-lī-so̿ nêng tia̿ng-nī : lâ̤-sī gṳ̀ ēng měng-bà̤ Iǎ-Sú uā gâ̤ sī sū-mū dī.
- 7 Iǎ-Sú ǐ iáu gṳ̀ uā, Uòi ì-cài iáu nì uā, Uòi ciū-sī iông gâ̤ mô̤ng.
- 8 Tê-chîng piāng ŭoi sǎ̤ing lâ̤ gâ̤ dú sī chā̤, sī mà-giĕ-chā̤ : iông iǎ ēng tia̿ng-nī-gi̿ng gṳ̀.
- 9 Uòi ciū-sī mô̤ng: nêng lâ̤ giǎng uòi-di̿ nì lâ̤ gâ̤, ciū ŏ̤ dă̤ giù, iǎ ŏ̤ dă̤ chṳ̆ ko̤̿, iǎ ŏ̤ dă̤ nì lâ̤, dú iǔ chǎu iè.
- 10 Chā̤ lâ̤, dú sī o̿ nà iông té ko̤̿, ti̿-tiāu, miè-tiāu: uòi lâ̤, sī o̿ iông iǔ sáng-miāng, gu̿ o̿ gṳ̀ dă̤-diō̤ sí-cṳ̆ gâ̤ sáng-miāng.
- 11 Uòi sī hǎu ia̿ng-iông gâ̤ nêng : hǎu ia̿ng-iông gâ̤ nà cù-cī gâ̤ miâng dō iông gâ̤ miāng.
- 12 Gu̿ lâ̤ gâ̤ nêng, ēng sī ia̿ng-iông gâ̤, iông iǎ ēng sī gṳ̀ cù-cī gâ̤, chū-gi̿ng cǎi-lǒ̤ng lâ̤, ciū diú-tiāu iŏ̤ng, cě ko̤̿-tiāu, cǎi-lǒ̤ng ciū nà iông chiǒng ko̤̿, cì-bó̤ng iông dú dāi-su̿ing-tiāu:
- 13 Gu̿ lâ̤ gâ̤ nêng cě ko̤̿ éng-ṳē gṳ̀ sī gu̿ lâ̤ gâ̤ nêng, ēng chū-dōng iŏ̤ng iông.
- 14 Uòi sī hǎu ia̿ng-iông gâ̤ nêng, ŭoi dă̤-dí uòi gâ̤ iông, uòi gâ̤ iông iǎ dă̤-dí uòi.
- 15 Ciū su̿-siōng Dá dă̤-dí uòi, uòi iǎ dă̤-dí Dá; uòi ǐ nà cù-cī gâ̤ miāng dō iông gâ̤ miāng.
- 16 Uòi gu̿ iǔ biē iông ēng sī iŏ̤ng dṳ̌-di̿ gâ̤ ; uòi iǎ niōng duōi gṳ̀ lâ̤, gṳ̀ cǒng ŏ̤ tia̿ng-nī-gi̿ng uòi gâ̤ siáng-éng, hē-lǎi dú ŏ̤ ca̿ cì bó̤ng, gṳ́ nă cì-ciă ia̿ng-iông gâ̤ nêng.
- 17 Uòi Dá o̿ uòi, éng-ṳē uòi siǎ-dă̤ cù-cī gâ̤ miāng, ciū ŏ̤ cuo̿i nà da̿u-tê.
- 18 Uòi gâ̤ miāng mǎu cìa nêng chiǒng0dă̤ ko̤̿, sī uòi cù-cī siǎ-dă̤. Uòi iǔ gṳ̌ing-ba̿ng siǎ-dă̤, iǎ iǔ gṳ̌ing-ba̿ng nà da̿u-tê. Iŏ̤ng sī uòi Dá gáu-dō uòi gâ̤ dī.
- 19 Iǔ-tuo̿i nêng tia̿ng-nī-gi̿ng iŏ̤ng dī, ciū ǐ sióng-cáing kǐ lâ̤, bṳ́ing ca̿ liòng bó̤ng.
- 20 Dǐ-bíng ǐu cèng cāi nêng ŭa, Gṳ̀ sī nă gṳ̌ mî-diū buǒi-díng gâ̤, nì ca̿-sū-dī tia̿ng-nī gṳ̀?
- 21 Ǐ iǔ nêng uā, Iŏ̤ng dī ēng sī nă gṳ̌ mî-diū gâ̤ nêng ŏ̤ uā gâ̤. Gṳ̌ nī-di̿ iǔ-nǎing-ge̿ nà hǎi-ciě gâ̤ mì-ciú í guáng kǐ lâ̤.
- 22 Iŏ̤ng-cì-sî Iǎ-lū-să-lǎing nêng iǔ ciă siú-cěng dāing gâ̤ că-ki̿:
- 23 Sī dóng-tíng gâ̤ sî-hē; Iǎ-Sú da̿u dāing Sǔ-lô̤-mô̤ng à lô̤ng-di̿ giǎng.
- 24 Iǔ-tuo̿i nêng lâ̤ ṳ̌-diū gṳ̀ uā, Nì lōng uòi ngǐ-séng, ēng dă̤-dí chéng-chǔ, gu̿ niōng gǐ duói sî nī? Nì lâ̤-sī Gí-Dŭ ciū měng-da̿-měng iáu uòi uā.
- 25 Iǎ-Sú a̿ing uā, Uòi iáu nì uā làu, nì dú ēng se̿ng; uòi ka̿u uòi Dá gâ̤ miâng ca̿ gâ̤ dī, iŏ̤ng dī ciū-sī ta̿i uòi ca̿ gúing-ce̿ng.
- 26 Lâ̤-sī nì ēng se̿ng, éng-ṳē nì ēng sī uòi iông cì bó̤ng gâ̤.
- 27 Uòi gâ̤ iông tia̿ng-nī uòi gâ̤ siáng-éng; uòi dă̤-dí gṳ̀; gṳ̀ iǎ gáing-diū uòi.
- 28 Uòi nà ě̤ng-ṳ̌ing gâ̤ sáng-miāng nă gṳ̀, gṳ̀ cǒng mài miè-tiāu: iǎ mǎu nêng giǎng uòi siǔ-di̿ ŏ̤ nà gṳ̀ chiǒng-dă̤ ko̤̿.
- 29 Uòi Dá nà iông nă uòi làu, uòi Dá sī děng duōi gâ̤, iǎ mǎu nêng giǎng uòi Dá siǔ-di̿ ŏ̤ nà gṳ̀ chiǒng-dă̤ ko̤̿.
- 30 Uòi iáu Dá sī ǐ tǐ gâ̤.
- 31 Iŏ̤ng-cì-sî Iǔ-tuo̿i nêng ǐ nà ciō̤ o̿ ià Iǎ-Sú.
- 32 Iǎ-Sú a̿ing uā, Uòi giǎng uòi Dá ŭ-di̿ nà cèng cāi hǎu gâ̤ dī ca̿ nă nì chū; nì ṳē nī cì-iōng dī nà ciō̤ ià uòi nī?
- 33 Iǔ-tuo̿i nêng uā, Uòi ēng sī ṳē hǎu gâ̤ dī nà ciō̤ ià nì, sī éng-ṳē nì lūing-gǔing cī chéng cī duōi gâ̤ dī; nì ì-cài sī nêng, da̿u uā cù-cī sī Ciōng-Di̿.
- 34 Iǎ-Sú uā, Nì lṳ̆-huă gi̿-diū uā, Uòi uā, Nì sī ciōng-di̿.
- 35 (Se̿ng-géng gi̿-diū gâ̤ dī cǒng mài hī-tiāu), Ciōng-Di̿ gáu-dō gâ̤ nêng, iŏ̤ng se̿ng-géng gṳ̀u sī hāng gṳ̀ ca̿ ciōng-di̿.
- 36 Dá huó̤ng-piĕ Gṳ̌ing ca̿ se̿ng gâ̤, ǐ hǎng gṳ̀ lâ̤ si̿-gáing, nì gu̿ gǒ̤ng uā gṳ̀ sī lūing-gǔing cī chéng cī duōi; éng-ṳē uòi uā, Uòi sī Ciōng-Di̿ gâ̤ Gṳ̌ing?
- 37 Uòi lâ̤ ēng ca̿ uòi Dá gâ̤ dī, nì ciū ēng niōng se̿ng uòi.
- 38 Lâ̤-sī uòi dō̤-di̿ ca̿ iŏ̤ng dī, nì mǒng ēng se̿ng uòi, cǒng niōng se̿ng uòi ca̿ gâ̤ dī, nì ciū ŏ̤ dă̤-dí, ǐ ŏ̤ měng-bà̤, Dá iáu uòi hō̤ ca̿ ǐ tǐ, uòi iáu Dá hō̤ ca̿ ǐ tǐ.
- 39 Duōi-gá-nêng ǐ o̿ nà gṳ̀: Iǎ-Sú pī-tiāu gṳ̀ gâ̤ siǔ, ko̤̿-tiāu.
- 40 O ko̤̿ Iŏ̤-dàng ŭ-bíng kái, ciū-sī Iŏ̤-hu̿ing tê-chîng sí sǎi-lǐ gâ̤ sù-cài; ciū da̿u ŭ-di̿ gṳè-diū.
- 41 Iǔ cèng cāi nêng hā Iǎ-Sú-di̿ lâ̤; gṳ̀-huōi-nêng uā, Iŏ̤-hu̿ing ì-cài ēng-nǎing hǐng-gua̿ cì-iōng sěng-tóng gâ̤ dī; lâ̤-sī gṳ̀ uā iŏ̤ng ciă nêng gâ̤ dī, dú sī céng gâ̤.
- 42 Da̿u ŭ-di̿ iǔ cèng cāi nêng se̿ng Iǎ-Sú.
← · Di̿ 9 Cióng · Di̿ 11 Cióng →