Jump to content
Se̿ng-géng/Cho̤̿ng Si̿ Gi̿/3
- 1 Iǎ-uǎ-uǎ Ciōng-Di̿ ca̿ châing-di̿ ŭ duói gâ̤ sáng-ŏ, dǐ-bíng děng gṳ̌-guo̿i gâ̤ ciū-sī ṳê. Iŏ̤ng ṳê iáu ŭ á-niông-nêng uā, Ciōng-Di̿ ŏ̤ sī gō̤ uā, Hṳ̂ing-di̿ iŏ̤ng duói chiū gâ̤ guǎ-ciě nì dú ēng gǒ̤ng iè, ēng sī?
- 2 Ŭ á-niông-nêng iáu ṳê uā, Hṳ̂ing-di̿ iŏ̤ng duói chiū-di̿ gâ̤ guǎ-ciě uòi-nêng dú gǒ̤ng iè: :3 Cǒng lâ̤ hṳ̂ing dô̤ng-ó̤ng-séng ŭ cì-công chiū gâ̤ guǎ-ciě, Ciōng-Di̿ uā, Nì-huōi-nêng ēng gǒ̤ng iè, iǎ ēng gǒ̤ng mó̤, giáng-pa̿ ŏ̤ sǐ.
- 4 Ṳê iáu á-niông-nêng uā, Nì mǎu ǐ-diāng ŏ̤ sǐ:
- 5 Ciōng-Di̿ dǎ̤-dí nì iè gâ̤ sî-hē, ciū ŭ cì góng nì gâ̤ mì-ciú ŏ̤ měng-liōng kǐ lâ̤, nì ciū su̿-siōng Ciōng-Di̿, ŏ̤ dádi huó̤ng-piĕ sīng ŏ̤.
- 6 Iŏ̤ng-gǎ̤-sǐ á-niông-nêng chū-gi̿ng ŭ công chiū gâ̤ guǎ-ciě hǎu iè, hǎu chū, ǐ ŏ̤ sǎ̤ nêng chóng-měng hǎing hǎu, cìu tǎu ŭ guǎ-ciě iè, gu̿ nă gṳ̀ gâ̤ sé̤ng-é̤ng iè, sé̤ng-é̤ng iǎ iè lò̤.
- 7 Liōng nêng mì-ciú ciū měng-liōng kǐ lâ̤, iŏ̤ng sî-hē ka̿ing dǎ̤-dí cù-cī sī chiă-séng lū-tǐ; ciū nà mǎu-huá-guǎ chiū gâ̤ niò̤ bìng cì dó, ta̿i cù-cī ca̿ gê̤ng ǔ-diū.
- 8 Mì-tê lò̤ súing kǐ liông hóng Iǎ-uǎ-uǎ Ciōng-Di̿ giǎng da̿u hṳ̂ing-di̿: ŭ nêng iáu gṳ̀ gâ̤ sē-mǎ tia̿ng-nī-gi̿ng Ciōng-Di̿ gâ̤ siáng-éng ciū dṳ̌ hā hṳ̂ing-di̿ gâ̤ chiū-lâng dǐ-bíng, o̿ pī-tiāu Ciōng-Di̿ Iǎ-uǎ-uǎ gâ̤ mīng.
- 9 Iǎ-uǎ-uǎ Ciōng-Di h ng ŭ nêng uā, Nì da̿u nī-di̿?
- 10 Ŭ nêng uā, Uòi da̿u hṳ̂ing-di̿ tia̿ng-nī-gi̿ng nì gâ̤ siáng-éng, uòi éng-ṳē chiă-séng lū-tǐ giáng-pa̿; cù-cī dṳ̌ kǐ lâ̤.
- 11 Ciōng-Di̿ uā, Sū nêng iáu nì uā nì sī chiă-séng lū-tǐ nī? Uòi ge̿ng-diū nì iè ŭ công chiū gâ̤ guǎ-ciě, nì ŏ̤ sī ko̤̿ iè ēng-nǎing?
- 12 Ŭ nêng uā, Nì nà nǎ uòi iáu uòi po̿-do̿ hā ŭ á-niông-nêng, gṳ̀ nà ŭ chiū hā guǎ-ciě nă uòi; uòi ciū iè.
- 13 Iǎ-uǎ-uǎ Ciōng-Di̿ iáu ŭ á-niông-nêng ŭa, Nì ca̿ sū dī iŏ̤ng-gǎ̤-sǐ ca̿?
- 14 Ŭ á-niông-nêng ŭa, Sī ṳê pi̿ng uòi, uòi ciū nà lâ̤ iè. Iǎ-uǎ-uǎ Ciōng-Di̿iau ṳê uā, Nì ca̿ iŏ̤ng-gǎ̤-sǐ gâ̤ dī, ciū piāng lǒng-cǒng lṳ̀ tṳ̆, gìng châing-di̿ gâ̤ tê-sáng gāing gá gīng ciū-dă̤ dǎ̤; nì cǒ niōng sǎ̤ bŭ giǎng diō̤, cī sī dú sī iè nâi:
- 15 Uòi ǐ ŏ̤ sǎnì iáu á-niông-nêng liòng gá ca̿ do̿-tê, nì gâ̤ hē-dō iáu á-niông-nêng gâ̤ liòng gá ca̿ do̿-tê; gṳ̀ gâ̤ hē-dō ŏ̤ sióng nì gâ̤ tê, nì ŏ̤ sióng gṳ̀ gâ̤ káu-diáng.
- 16 Ciōng-Di̿ ǐ iáu ŭ á-niông-nêng uā, Uòi cǒng ŏ̤ sǎ̤ nì iǔ séng siū kǔ cèng cāi; sǎi gṳ̌ing kǔ-chǔ; nì cǒng ŏ̤ gua̿-nṳ̄ing nì gâ̤ sé̤ng-é̤ng, nì gâ̤ sé̤ng-é̤ng , cǒ̤ng ŏ̤ gǔing-sŭ nì.
- 17 Ciōng-Di̿ ǐ ǐau Ngā-dó̤ng uā, Nì iŏ̤ng-gǎ̤-sǐ tia̿ng-nī nì sē-mǎ gâ̤ dī, uòi gēng-diū nì iè ŭ công chiū gâ̤ guǎ-ciě, ǐ nà lâ̤ iè: éng-ṳē nì iŏ̤ng dī cǒng niōng ciū lǒng-cǒng gâ̤ nâi-tǔ: ǐ iè nâi-tǔ sáng gâ̤ mî-dī cì si̿ nêng lǎu-lŭ báing-bó̤;
- 18 Nâi-tǔ ĭ-diāng ta̿i nì sáng chi̿ sā̤ chṳ̆ lâ̤; nì iǎ niōng iè châing-di̿ gâ̤ cháng chā̤;
- 19 Nì cǒng ŏ̤ mǔing mīng chṳ̆ gūing ciū te̿ng-dă̤ lâ̤ iè, cì-dā̤ da̿u nì da̿u-tê ko̤̿ nâi-di̿ ko̤̿ga sî-hē; nì bǒ̤ng-lǎi sī giǎng nâi-di̿ chṳ̆ lâ̤: nì ì-cài sī nâi ca̿ gâ̤, cǒng niōng da̿u-tê ko̤̿ nâi-di̿ ko̤̿.
- 20 Ngā-dó̤ng ta̿i gṳ̀ gâ̤ sē-mǎ chiǔ miâng hāng ca̿ Hā-uá; éng-ṳē gṳ̀ sī ca̿ lǒng-cǒng iǔ sáng-miāng nêng gâ̤ nǎi.
- 21 Iǎ-uǎ-uǎ Ciōng-Di̿ ta̿i Ngā-dó̤ng iáu gṳ̀ gâ̤ sē-mǎ sǎ̤ pṳê ca̿ í-ciông, iáu gṳ̀ cē̤ng-diū.
- 22 Iǎ-uǎ-uǎ Ciōng-Di̿ uā, Nêng giâ-gíng dǎ̤-dí huó̤ng-piĕ sīng ŏ̤, su̿-siōng uôi-huōi-nêng ǐ-búing: giáng-pa̿ gṳ̀ sṳ́ing siǔ ǐ tǎu ŭ công sáng-miāng chiū gâ̤ guǎ-ciě lâ̤ iè, ciū dǒ̤ng-dǒ̤ng giǔ-giǔ dú sáng dō̤-dī:
- 23 Iǎ-uǎ-uǎ Ciōng-Di̿ ciū hǎng gṳ̀ giǎng Ái-dǐng hṳ̂ing-di̿ chṳ̌ ko̤̿,
- 24 cá̤-ce̤̿ng gṳ̀ cù-cī chṳ̆ lâ̤ gâ̤ nâi-tǔ. Ciū nà, ŭ-ciă nêng dāi chṳ̌ ko̤̿; hē-mṳě da̿u Ái-dǐng hṳ̂ing dóng-bíng pa̿i Gí-lū-béng, iáu iǔ hǒ chṳ̆ gâ̤ gi̿ng-dáu si̿ gǒ̤ng-lǒ̤ng-kṳ́ing dú ŏ̤ chiá dòng, lûing-diū sáng-miāng chiū gâ̤ diō̤.
← · Di̿ 2 Cióng ·
«Se̿ng-géng» gâ̤ mù-lṳ̀
