Powitanje Łužicy

nadpis	Powitanje Łužicy
awtor	Jan Ćěsla
lěto
žórło	http://texty.citanka.cz/
licenca	public domain
nota	stary prawopis, Jubilejne spisy Serbowki I

    Krasna družka, witam. Tebje,
    Sotrow Sławy najrjeńša!
    Njesu Tebi z cuzej' zemje
    Wěrnu, swěrnu wutrobu.
    Z pola, z hole khwalće ju,
    Našu Serbow wótčinu.

    Z wencom horow wudebjena
    Stojiš horda njewjesta:
    Tak kaž hora, wěčnje kruta
    Sy tež Serbow wótčina!
    Tuž dh'a česćmy njewjestu,
    Našu lubu Łužicu!

    Ty we njewjesćinym wěncu,
    Čorny Boho, dejmant sy,
    Kiž ze swojej sławnej krónu
    Mócnje sahaš k njebjesam.

    Tu sej pychu škitujmy,
    Spěwy na nju zanjesmy!
    Zelena tež hola ćěmna
    W šěrokosći debiš ju;
    Rěčki jasne, pola, hona,
    Wy sće drasta njewjesty.
    Wěnco sławny, pyš tuž ju,
    Wěčnje młodu njewjestu!