Poesaka Soenda 1923-04-1(10)

Poesaka Soenda 1923-04-1(10)  (1923)

[ 145 ]

No. 10

Tahoen ka 1

Mei 1923

POESAKA-SOENDA

DIKALOEARKEUN KOE PAGOEJOEBAN

JAVA-INSTITUUT

Anoe djadi Redactie: Dr. R. A. HOESEIN DJAJADININGRAT
J. KATS, M. SOERIADIRADJA

TOEDJOEL SERAT : - GOENOENG SARI 84. – WELTEVREDEN

Pangaosna langganan Poesaka-Soenda dina sataoen ti Juli d.k. Juni	ƒ	3.-
Pangaosna hidji (sadjilid) Poesaka-Soenda, ngagaleuh ngeteng	"	0.30
Pangaos samboeng-lajang (advertentie) dina P.S. sakatja	"	20.-
Satengah katja . . . . ƒ 12½ Saparapat katja	"	7.50
dina sakali kaloear.

Oepami ngalanggan samboeng-lajang langkoeng mirah.

Eusina P. S. No. 10

1.	Bab Wajang	katja	145
2.	Wawatjan Siliwangi	"	157
3.	Pihatoer Redaksi	"	100

---

Bab Wajang.

IV.

(Beunang njoetat tina boekoe karangan Toean J. Kats).

Samboengan P. S. No. 8.

Samoelihna Barata ka nagara. nembe Batara Rama ngaraos loegina manah, teu ringrang koe hariwang, woengkoel djoenoen

kana nekanan hoekoeman. Namoeng kapaksa kedah ingkah ti dinja, lantaran kagoegat. sering kasenit, emoet, ningali tilas patepang sareng Barata, raosna asa kahoedang tibelat abot, ka saderek. Djoeng arangkat deui tileoan njorang djoengkrang mipir pasir, mapaj leuweung loewang-liwoeng, djol saromping ka alas Dandaka; di dinja ngadamel poporogok geosanna ngendek bebenah keur soeka betah. Doepi eta Dandaka teh tempat pandita tararapa, handjakal rea boeta anoe sok hiri dengki, néwo-néwo ngagembang noe keur djarongdjon. Dina hidji dintcn aja panditi soemping, moentang ka Batara Rama, moendoet ditangtajoengan, hajang itjal tina panggodana para boeta danawa. Koe Batara Rama disanggeman baris njegah noe djadi goda rantjana.

Dina hidji dinten sabot arandjeunna keur goenem tjatoer, tiloean patoengkoe-toengkoe

145

 

[ 146 ]

raos kelar wararaas kagagas manahna ngangres njarioskcun lalakon salira anoe parantos kasorang, bet lar aja boeta awéwé matak gila matak geuleuh ngaliwat ka lebah dinja. Barang eta boeta ngareret ka Batara Rama, oemat-imoet loeja-léje, sihoreng teb aja manah. Djoegrah-djigrah ngadeukeutan bari ngaboeih teu repeh, pasemon aja kahojong, bogoh lain dikieuna, ditcmbongkeun teu aja pisan aling pipindingna, togmal moendoet dipigarwa, bari nanja noe ti mana, oukeur naon aja di dinja, ditambahan koe oetjap soegal raresag. Koe Batara Rama enggal diwaler sahinasna nganggo tata papagon karaton, jén andjeunna djenengan Batara Rama, keur ngalalana asal ti Ajogja, malah sawangsoelna Batara Rama malik mariksa. ngaran. Boeta boengah tanpa tanding ngoeping pangwalon satria, marahmaj hegar njarita, jén manehna noe ngaran Sjoerpanakha sadérék Radja Rahwana, radja boeta noe katjeloek sakti manggoelang manggoeling, sarta teu euleum-euleum, ngabédégél ditaragal Batara Rama dipaksa baris didamel tjaroge, kedah pisah ti Sinta, anoe madjar tjengkrang begang.

Batara Rama titih rintih ngawaler ka Nji Raksasi, jen andjeunna mah barabé, kawantoe kagoengan garwa; Nji Danawa oelah mikarep ka noe rimbitan, moen deuk oge, dawoehanana, toeh ka adi koela, Lakshmana anoe masih keneh lagas. Naha henteu mikahajang éta, Lakshmana nonoman taja koetjiwana.

Sjoerpanakha malik seuri oemat-imoet atoh asa kalajanan, njoemanggakeun haripeut raos asa dihoetjoehkeun.

Namoeng koe Lakshmana ditampik sapadjodogan, henteu dioepah-oepah koe saoer anoe matak ngeunah, malah diléléwé koe pamojok, digeplakkeun satjeplekna.

Atoeh Nji Sjoerpanakha bendoe, moerang-maréng tina boga rasa wirang, ari ngambekna bet ka Dewi Sinta,, ngodjengkang arek ngadjéwang, karepna arek dilegleg diteureuj boeleud. Lakshmana rikat megat ngahalangan Dewi Sinta, sarta teu tata pasini deui barang Sjoerpanakha arek ngarontok simpreng bae iroeng boeta teh dikeureut, keplas tjeulina ditilas. Atoeh Nji Boeta adoeg ladjer iroeng. roempoeng tjeuli rawing, getih moengsrat

oelaweran. Manéhna tjeurik riwih-rawah ngabigbrig balik, midangdam ngawakwak sasambat ka doeloerna anoe ngaran Khara, menta dipangmaleskeun pedah geus dinjenjeri dikaniaja djeung diwiwirang, ditampik koe lalaki doeaan, ngadoni madjar koe panitahna hidji awewe batoerna anoe doeaan tea, noe djoemorogdjog tanpa larapan datang ka tempatna.

Boeta Khara teu tatanja deui, ningal doeloer lamokot koe getih, poedigdig ambek, harita keneh ngadjorag mawa balad 14boeta, sarta sanggeus eleh noe 14 datang deui mawa balad 14,000, tapi henteu tahan njangga karosaanana Batara Rama, eta danawa tjarem kabéh, malah Khara ogé kasamboet di pangperangan. Harita Dewi Sinta disoempoetkeun dina hidji goeha didjaga koe Lakshmana anoe geus sadia pakarang.

Barang Khara geus maot, Sjoerpanakha léos bae indit karepna rek menta toeloeng ka lantjeukna anoe djadi gede goenoeng pananggeuhan tea, nja eta Radja Rahwana atawa Dasamoeka, hartina boeta anoe sirahna sapoeloeh, radja di nagara Langka (Ngalengka) aja,na di sapeuntasoun laoet.

Sadatangna Sjoerpanakha ka pajoeneun Rahwana, riwih-rawah tjeurik bari nembongkeun iroeng djeung tjeulina, ditjaritakeun jen dikaniaja diwiwirang dinjenjeri koe Rama. Teu répéh ngétjéblék ngangsonan menta dipangmaleakeun, koedoe dipaling awewena anoe ngaran Sinta, anoe kageulisanana di doenja teu aja bangsana. Radja Rahwana kabongroj koe pangangsonan, enggal sanggoep ngalaksanakeun pamoendoet saderekna baris mangmaleskeun . kanjerina, hoetang wirang bajar wirang hoetang njeri bajar njeri. Rama baris ditempoeh diperangan.

Namoeng keuna koe pangrodjokanana boeta noe lian, nandasana moal ditaragal, nja baris dibales koeakal djoeng diiwat garwana, sangkan Rama poepoes kaboelenglengan, tina kawangwang taja petana koeat nadah soengkawa kailang-ilangan goureuha.

Radja Rahwana djengkar ti Alengka nitih kareta emas; ngapoeng ngawang-ngawang ngadjoegdjoeg leuweung Dandaka tempat Batara Rama tea. Karetana dilirenkeun sindang heula di hareupeun imah hidji boeta, mitra andjeunna, anoe sok ditjandak

146

 

[ 147 ]

sakoelah-sakolih ngaranna Maritja. Nja Maritja tea anoe parantos kaerong koe andjeunna baris eupan pigeusaneun ngalaksanakenn-kahojongna. Awitna Maritja tiasa, meper amarah Rahwana koe saoer panglilipoer soepaja ! napsoena oelah didjoedjoer, nanging Rahwana enggal kagembang deui koe kaendahan Dewi Sinta sareng kahoedang koe panging-kilikan Sjoerpanakha.

Maritja ngadjadikeun maneh oentjal kantjana oedat salaka loempat ngaliwat ka tempatna Dewi Sinta.

Dewi Sinta kaoesap gogoda, kabongroj koe oentjal kantjana, keukeuh ka rakana miwarang soepaja enggal ditewak. Koe Lakshmana dihatoeranan wawadi, jen eta njata goda rantjana, margi mohal di doenja aja oentjal anoe kitoe roepana.

Nanging tina bangeting panarik adjian gendam Maritja, Sinta lali kana wisiking panggalih, weleh teu kenging dipondah. Batara Rama ngaboedjeng oentjal tea, dihaben disoesoel-soesoel, doepi garwa ditimbalan didjagi koe raina. Sabot Rama teu aja Dewi Sinta ngadjoedjoeroeng ka Lakshmana miwarang ingkah, kedah njoesoel ka rakana reh ngadangoe sora titiron, sada Rama moendoet toeloeng. Lakshmana kapaksa ngantoenkeun Dewi Sinta njalira.

Nembe pisan Lakshmana angkat, djol djleg bae Rahwana soemping, anggoan mah kapanditaan; awit ngaririh-ririh koe saoer manis, loemah-lameh bangoen nénéh, moedji moedji hojong mangkon ngadjakan angkat ka Lengka. Nanging koe margi Dewi Sinta teu kenging dionggétonggét, toengtoengna rijed bae dipaksa diemban bioer ditjandak ngapoeng.

Dewi Sinta djoemerit nangis, kotjeak deAngek sasambat ka Batara Rama, nanging moebah teu aja goenana, rakana tebih dieupanan digagalak koe oentjal kantjana Maritja tea.

Kaleresan teu sakoemaha tebihna, kakoeping koe hidji garoeda anoe ngaranna Djatajoe, mitra Radja Dasjaratha ramana Batara Rama, djoemeritna istri anoe sasambat teh, atoeh enggal diboedjeng, sarta barang beh katingal Rahwana dina karetana keur ngeukeuweuk t hidji istri, gaproek bae kareta emas disamber digitik doegi ka remoek. Rahwana napsoe ngagoegoedoeg sot kareta, ger

merangan garoedag sarta tou lila habek Djatajoe di tilas koe pedang, meh rantas djangdjangna sabeulah sarta koleang Djatajoe ragrag, teu tahan njangga pangawasana Rahwana, ambroek ngaloemboek di tengah leuweung geus teu daja teu oepaja.

Rahwana kebat ngapoeng ngawang-ngawang, Dewi Sinta dipageuhan, ngabioer moelih ka Alengka.

Sabot dipangkon ditjandak ngapoeng teu kendat Dewi Sinta sasambat, djerit-djerit nangis maratan langit; Samar polah samar ragap, reuwas taja papadana, nandang siksa tanpa dosa. Moeroeboet soesoebal ragrag tina sanggoel, geulang kangkaloeng aroetjoel, njarahtjal sadjalan-djalan.

Soegri anoe koemelip di alas Dandaka hareugeu bengong baroong, ngenes ngangres ngiring sedih, ngoeping djoemeritna poetri, kotjeakna noe sasambat, nanging rakana djeuug raji, koe Maritja dibangbatkoun, kabengbat oentjal hianat.

Tatangkalan dangdaoenan ting harelab gedag ojag, kasilir koe angin leutik, tawis ngiring sedih peurih, ka Sinta noe keur prihatin, noedjoe toenggara nandang soengkawa.

Kekembangan noe rek mekar, ngoelapes doemadak leumpeuh, aloem lir kapoepoel bajoe, toemoengkoel mariloe ngoengoen. Sinar srangenge teu tjékas, haleungheum angkeub rareueuk, mesoem kasapoet halimoen, mega djiga noe teu tega.

Ngahiliwir angin ngadalingding, sada miloe hoernandeuar, pedah toegenah ningal Rawana: ,,Leungit adil tanpa lebih,nandasa noe tanpa dosa, Rahwana ngiwat Sinta garwana Batara Rama:"

Kai bati djadi saksi, kakajon tembong barengong miloe sedih ngiring njeri, tapi teu bisa madjar koemaha.

Goenoeng-goenoeng miloe ngoejoeng, sato hewan riab pasoelabrengan, taranggah ka awang-awang, kawas noe miloe ngadeudeul pindoenga ka Sinta: ,,Masing teger, masing panger, oelah keder oelah gimir, poma gedag kaanginan, moega manah masing djanglar, waloeja diraksa koe pangawasa."

Nadjan Sinta kotjeak dengek tapi Rahwana kendel bandel, teu aja pisan rasrasanana.

Soempingna ka Langka, boes Dewi Sinta

147

 

[ 148 ]Page:Poesaka Soenda 1923-04-1(10).pdf/4 [ 149 ]Page:Poesaka Soenda 1923-04-1(10).pdf/5 [ 150 ]Page:Poesaka Soenda 1923-04-1(10).pdf/6 [ 151 ]Page:Poesaka Soenda 1923-04-1(10).pdf/7 [ 152 ]Page:Poesaka Soenda 1923-04-1(10).pdf/8 [ 153 ]Page:Poesaka Soenda 1923-04-1(10).pdf/9 [ 154 ]Page:Poesaka Soenda 1923-04-1(10).pdf/10 [ 155 ]Page:Poesaka Soenda 1923-04-1(10).pdf/11 [ 156 ]Page:Poesaka Soenda 1923-04-1(10).pdf/12 [ 157 ]

Wawatjan Siliwangi
(Samboengan P.S. No. 8)

KINANTI

221.	Ngimpen aja anoe rawoeh,
	pameget sepoeh ngalahir,
	ajeuna datang ka eulis,
	perloena arek papatah,
	ejang mere boedak leutik.
222.	Boedak hideung kawas loetoeng,
	estoe boedak keur prihatin,
	poma koe eulis rawatan,
	pidjalaneun oendak moekti,
	boedak gede daradjatna,
	terah loehoeng titis adji.
223.	Koe Eulis heug angken doeloer,
	pikawelas silih asih,
	sakitoe estokeun koe eulis,
	ajeuna ejang rek moelang,
	les leungit teu katingali.
224.	Nji Poetri tanghi ngadjentoel,
	ngamanah impenan tadi,
	naha ieu lain riwan,
	atawa panggoda iblis,
	tapi anoe soemping ejang,
	tetela anoe ngalahir.
225.	Tina eta poetri ajoe,
	boedi beda tisasari,
	ngarep-ngarep hojong boekti,
	ilapat enggal kasorang,
	geura sidik oedjar wangsit.
226.	Sigegkeun poetri noe ngoengoen,
	kotjap Raden keur prihatin,
	enggeus lawas lalajaran,
	geus aja sataoen leuwih,
	dibabawa koe nakoda,
	ka Sambas Borneo Bali.

227.	Digawekeun kana ngapoet,
	ngapoet lajar beurang peuting,
	nanging sering disentakan,
	gawena goreng teu apik,
	gagabah noentjalan hantja,
	kaselang hoelang melentjing.
228.	Noedjoe dina hidji waktoe,
	kapalna katebak angin,
	angin barat angin topan,
	katambias tambih tebih,
	toengtoengna naradjang karang,
	papan semplak boerak-barik.
229.	Oentoeng geus andjog ka teloek,
	henteu tebih ti basisir,
	kalasi handjat ka darat,
	ki nangkoda mikir-mikir,
	geusan ngadangdanan kapal,
	koedoe njiar tangkal djati.
230.	Nangkoda ka matros njaoer:
	eta bae Siliwangi,
	da boedak goreng gawena,
	oerang djoeal kana djati,
	geuwat miang mangka meunang,
	poeloekan ge kadjeun teuing.
231.	Mios kalasi raroesoeh,
	ngagiring Den Siliwangi,
	ladjoe dibawa ka pasar,
	gehger dipasar sareuri,
	ngarogrog djadi tongtonan,
	aja boedak meles teuing.
232.	Ki matros ngomong tjoemoeloek,
	saha anoe kersa meuli,
	noekeuran oelah koe arta,
	koedoena koe tangkal djati,
	sanadjan djati poeloekan,
	tiloe tangkal ge kop teuing.
233.	Soedagar pasar pareboet,
	paheula-heula rek meuli:
	Koe koela bakal dibajar,
	Nadjan lima genep ringgit,
	Pok deui anoe saoerang;
	Arek oeroep koe ripis.

[ 158 ]

234.	Djawab kalasi parahoe,
	koela henteu malar doeit,
	djati anoe diteangan,
	reh kapal nandang balai,
	bentjar tihang njorang karang,
	hajang kai eukeur ganti.
235.	Pareng embon Ratna Ajoe,
	Nji gandes sareng Nji Tjentil,
	Eukeur araja di pasar,
	Balandja sagala roepi,
	Nendjo anoe riab-riab,
	Los lalasjo oelak-ilik.
236.	Barang gok seuri ngagoekgoek,
	nendjo boedak hideung wilis,
	lestreng meles kawas oa,
	gades Tjentil gasik balik,
	Rek hatoeran ka doenoengan,
	Datang alewoh ngetjewis.
237.	Euleuh Agan aja loetjoe,
	pependakan djisim abdi,
	di pasar aja dagangan,
	sahidji boedak lalaki,
	hideung meles kawas gagak,
	tongtonan bantoen kalasi.
238.	Lah Agan moetoeh koe aloes,
	roepana mingsal teh teuing,
	sae pikeun tjotjooan,
	dibikeun lamoen dibeuli,
	tapi teu meunang koe arta,
	pamentana tangkal djati.
239.	Barang koe poetri karoengoe,
	pioendjoek Gandes djeung Tjentil,
	miwarang omat-omatan,
	Tjentil maneh balik deui,
	teang anoe dagang boedak,
	si hideung bawa ka aing.
240.	Moen mangke boedak geus poegoeh,
	roedjoek djeung pikiran aing,
	tangkal djatina mah gampang,
	opat lima oge manggih,
	geuwat bae mangka gantjang,
	bisina kaboeroe indit.

241.	Djompong leumpang goera-giroe,
	djeung matros geus tepoeng deui,
	Mamang matros ditimbalan,
	koe Agan doenoengan koering,
	eta boedak hideung bawa,
	baris dibeuli koe djati.
242.	Teu lila ki matros tjoendoek,
	ka pajoeneun Ambetkasih,
	koe poetri dihiap-hiap;
	ka dieu kalasi tjalik,
	eta boedak hideung bawa,
	hiap ieu kana lampit.
243.	Ki matros madjoe ka pajoen,
	boedak hideungna ngingintil,
	miloe dioek tjedok njembah,
	toengkoel semoe bangoen isin,
	tjoemalimba henteu tahan,
	ngerik mikir milik diri,
244.	Nji Ambetkasih pok njaoer,
	mariksa ka kalasi,:
	Padjar boedak rek didjoeal,
	Diroeroepkeun kana djati,
	Ki kalsi matoer njembah,
	Leres sadawoehan poetri.
245.	Nja ieu boedakna miloe,
	wastana poen Siliwangi,
	Toeloej sang poetri ngandika,
	Andika meunang ti mendi,
	Boedak hideung kawas oa,
	meles tjara gagak badis.
246.	Anoe dipariksa matoer,
	beunang djisim koering meuli,
	ajeuna arek didjoeal,
	hajang meunang tangkal djati,
	pikeun ngadangdanan kapal,
	reh resak katebak angin.
247.	Poetri keukeuh manah emoet,
	kana wangsit basa ngimpi,
	tetela lahir ejangna,
	koedoe welas mikaasih,
	ka si hideung noe sangsara,
	nja ieu ajeuna boekti.

[ 159 ]

248.	Tjing ka dieu sia agoes,
	dioek sing deukeut ka kami,
	oelah sieun oelah era,
	Ngengsor Raden Siliwangi,
	Njampeurkeun ladjeng moendjoengan,
	Hatoer sembah pangabakti.
249.	Koe poetri diemoet-emoet,
	rarajna disidik-sidik,
	djedjer wanda salirana,
	poegoeh boedak noe kaimpi,
	enja ieu moal gagal,
	sedjen raos kana galih.
250.	Nji Poetri ladjeng ngadawoeh,
	miwarangdjompong Nji Tjentil,
	hatoer oeninga ka rama,
	rek meuli boedak lalaki,
	boedak singkah ti noelian,
	Nji Tjentil njembah djoeng indit.
251.	Sadongkap-dongkap mioendjoek,
	oendjoek oeninga ka Resi:
	abdi timbalan koe poetra,
	Njai poetri Ambetkasih,
	reh bade ngagaleuh boedak,
	lalaki hideung djeg mangsi.
252.	Barang Ki Gedeng ngadangoe,
	pok ka garwana ngalahir,
	Tjing Nini oerang ka taman,
	Oerang ngalongok si Njai,
	Pagar arek meuli boedak,
	Boedak dagangan kalasi,
253.	Kiaji Gedeng enggeus djoeng,
	rek nepangan Ambetkasih,
	diiring djompong teu tingal,
	anoe mawa epok lampit,
	teu koengsi lami di djalan,
	ka karang kapoetren soemping.
254.	Kiaji Gedeng ngadawoeh,
	kalasi boedak ti mendi,
	naha noe matak didjoeal,
	koela mah henteu ngaharti,
	Ki kalasi pok oendjoekan,
	Beunang meuli koe tarasi.

255.	Ajeuna oepami lakoe,
	sedja rek didjoeal deui,
	nanging moal kana arta,
	hajang meunang tangkal djati,
	pikeun ngadangnan kapal,
	reh kapal roeksak koe angin.
256.	Kiaji teu goeroeng goesoeh,
	saoerna bet rada inggis,
	sok sieun goreng leungeunna,
	geuning digeulangan beusi,
	boa-boa palantoeran,
	sok risi mijoeni oetjing.
257.	Kawoewoeh make kangkaloeng,
	geuning dikongkorong beusi,
	mana kitoe paminggatan,
	sareat tjiri noe boekti,
	meureun boedak geus diboeang,
	lantaran katjingtjirihi.
258.	Ki kalasi alon matoer,
	salila aja di koering,
	doea taoen moal kirang,
	teu pisan tembong tjilimit,
	teu open ka barang lian,
	soemawonna gasab maling.
259.	Malah dahar oge meh tjoel,
	oekoer saminggoe sakali,
	poeasa taja kendatna,
	dibaroeng koe njenen kemis,
	kanaat bari tirakat,
	ngan gawena henteu hasil.
260.	Lahir Kiai geus tangtoe,
	eta teh meureun prihatin,
	da toeman di pangboeangan,
	djoeroe paling ti leuleutik,
	djoeroe djana ti boeboedak,
	geus gede mah angot deui.
261.	Siliwangi toengkoel imoet,
	ngadangoe saoer kiai,
	njaoer di djero manahna:
	abong kena noe ngalahir,
	teu aja pisan rasrasan,
	boro geur diseboet watjis.

[ 160 ]

262.	Ambetkasih mah ngaheroek,
	ka iboena loengas lengis,
	lamoen rama henteu kersa,
	si hideung moal dibeuli,
	iboe koering amit leumpang,
	miang moal wangsoel deui.
263.	Iboena gasik hoematoer,
	ka rakana Sang Kiai;
	andjeun oelah taha-taha,
	montong rea noe digalih,
	toeroetkeun karepnapoetra,
	itoeh ajeuna geus tjeurik.
264.	Pira djati tiloe dapoer,
	maneh tjatrik geura indit,
	eta ki kalasi bawa,
	hendjig noear tangkal djati,
	si hideung oerang rawatan,
	kop Enoh tah geura tampi.
265.	Aloek geura sina njatoe,
	leler samping keur salin,
	rebig reudjeung serewalna,
	Ki Tjatrik parantos indit,
	Ngabarengan oerang kapal,
	Ka poengkoer rek noear djati.

Aja samboenganana.

Pihatoer Redaksi.

Sakoemaha anoe parantos kaoeninga koe sadaja, taoen Poesaka Soenda dietang ti Juli dongkap ka Juni. Ajeuna parantos April. Koe margi eta artos langganan pikeun taoen ka doea (1923-1924) Oetamina dikintoenkeun ti samemeh Juli soepados tiasa nangtoskeun pilengkaheun dina taoen anoe ka doea tea. Koe margi diongklangan ti anggalna, oepami abot tea mah, tiasa ditoengtoet saban sasih ti ajeuna, didoea atanapi ditiloekalikeun. Hajang pisan oelah doegi ka kapaksa ngintoenkeun postkwitantie, tina roentjoe sareng rentjed, kawoewoeh ngaroegelkeun, margi djadi langkoeng satalen tina pangaos loeloegoe. Eta margina noe mawi engke di P.S. No. 12 ka anoe teu atjan majar baris dikintoenan balangko postwissel bae.

Djoeragan-djoeragan anoe djangdji bade ngintoenkeun artos langganan, saparantosna dikintoen P.S. aja anoe teu atjan nohonan kana djangdjina, koe margi eta sanget panoehoen Redaktie, soepados enggal maparin pibajoeeun Poesaka Soenda.

Kadjabi ti eta, koe margi diantawis djoeragan Mantri Goeroe sakola klas II aja anoe majar aja noe henteu, ari dina kwitansi pos teu disebat tempatna, disoehoenkeun ka noe teu majar tea, soepados ngawangsoelkeun P.S. na, serat bae dina adresna: Moal Langganan.

Ka Djoeragan-djoeragan anoe ngalih tempat, disoehoenkeun soepados ngawartosan.

Hoermat ti Redaksi

Kalawarta Poesaka Soenda

Taun ka-1	Taun ka-2	Taun ka-3	Taun ka-4	Taun ka-5	Taun ka-6
1922-07	1923-07	1924-07
1922-08	1923-08	1924-08
1922-09	1923-09	1924-09
1922-10	1923-10	1924-(10-12)
1922-11	1923-11	1925-01
1922-12	1923-12	1925-02
1923-01	1924-01	1925-03
1923-02	1924-02	1925-(04-05)
1923-03	1924-03	1925-06
1923-04	1924-(04-05)	1925-07
1923-05	1924-06	1925-08
1923-06		1925-09
		1925-10
		1925-11
		1925-12