Per amor de nosta patria
Jump to navigation
Jump to search
Poesia
de bera Franzl Moroder da Lenert per bera Sepl da Passua da Urtijëi († 10-V-1917)
Per amor de nosta patria cie bel’ idea che t’ es abù,
cun gran bria y spëises belau l prim es tu sapù
y te ies propi stat bon de dè n drë scumenciamënt
a scrì y druchè la rujeneda de nosta jënt.
Truep iel bele stat scrit sun nosta pitla valeda
sun Gherdëina cun si curiosa y vedla rujeneda,
ma bën mei ne iesun mo ruvei tan inant,
che cun ti pitl liber tan blot y interessant
Ti Calënder de Gherdëina duc muessa laudé y stimé
y de chël che lʼ à dat ora ulons nce se lecurdé,
percié danter plu autra bona cosses, che lʼ à fat,
cul calënder drë’ na bela recurdanza nes al dat.