This page has not been proofread.
佢一定冇得還呢、 佢向來借人哋錢、都冇還過、我所以知
佢呢囘借你嘅錢、將來又係一定冇得還咯、 我想吓呢幾
千錢、佢大槪唔至於冇得還啩、 慢講話幾千錢、就係幾百
錢、佢亦係唔還、况且佢借呢啲錢、亦唔係眞正去贖當𡃉、
佢唔係擰去贖當、擰去做乜野呢、 佢係擰去賭喇、 做乜
佢重賭錢咩、 佢至中意賭錢喇、佢成日靜喺番攤館處、
佢屋㖉有啲乜野人呀、 佢老母早已死嘵、佢老豆而家重
生、 佢冇兄弟姊妹咩、 佢冇大佬、又冇細佬、祇有個亞姊、
嫁唨好耐嘅咯、 佢重唔曾置家咩、 未咯、 佢老豆有幾
大年紀呢、 佢老豆今年總有七十幾歲咯、 係做乜野嘅
