Page:Teatro - Salvatore di Giacomo.djvu/89

From Wikisource
Jump to navigation Jump to search
This page has been validated.
83
atto secondo

Nunziata

Mme voglio ’i a sentí nu muorzo ’e prereca, onn’Amá!...

Amalia

(Dopo una pausa, accostandosele e battendole lievemente sulla spalla)

Nunzià, qunano ve truvate int’ ’a chiesa, arraccumannateme a chella bella Madonna ’e l’altare maggiore!

Nunziata

(compunta)

Io ll’arraccumanno tutto ’o prossemo mio come me stessa. Pe riguardo a buie tengo sempe n’avummaria rissiparata, secondo ’a ntenziona vosta...

Amalia

Nunziá, ’a se’ Rosa quanno v’ha ditto chelli parole mazzecate aveva raggione. Io mme meretasse d’essere abbrusciata mmiezo ’o vico, int’a na vótta ’e pece! E si ’a gente mme sputasse ’nfaccia pure fosse poco! (Si torce le mani).

Nunziata

E pecchè dicite chesto, mo’?

Amalia

Ah, Nunziata mia, io ’o dico pecché accussí è! ’O peccato mio é gruosso, e nun mme fa durmí