Page:Teatro - Salvatore di Giacomo.djvu/85

From Wikisource
Jump to navigation Jump to search
This page has been validated.
79
atto secondo

Nunziata

(come ancora per rifiutare)

Ma vedite! Lassate sta!...

Amalia

Me’, jammo... Vuie ’o ssapite ca io v’ ’o donco cu tutto ’o core...

Nunziata

(si piglia la stoffa)

E io nun ve ringrazio. Comme se dice? Chi ringrazia esce d’obligo...

(Amalia raccoglie la conchetta dalla sogia e la ripone sulla tavola)

Stasera so’ patane? Comme v’ ’e facite?

Amalia

No, me l’aggio anticipate pe dimane, Nunziá. Nun aveva che fa e me so’ misa a munná patane... C’ora purtate, neh, Nunziá?

Nunziata

Sarranno vint’ore, poco cchiú poco meno. Quanno chisto d’ ’e pigne, ’e rimpetto, nchiude l’agenzia ce putite giurá ca so’ vint’ore. (siede accanto alla tavola) Be’, che se dice? Ve vulisseve fa sta capa?