Page:Táin Bó Cuailnge 'na dráma - Ua Laoghaire.pdf/38

AN DARA GNÍOṀ.

AN ĊÉAD RAḊARC.

Rí-ṫeaċ Cruaċna.—Méiḃ agus Oilill. Mórṡeisar giollaí turuis ar gaċ taoḃ de’n ċlár.

M.—Seo, a ġiolla. Imṫiġ-se ag triall ar Ṁaine Aṫraṁail agus taḃair an sgríḃinn sin dó. Agus imṫiġ-se agus taḃair é sin do Ṁaine Ṁáṫraṁail, agus beir-se leat é sin ag triall ar Ṁaine Ṁórġus. Agus tusa, a ġiolla, taḃair é sin do Ṁaine Ṁionġus, taḃair-se é sin do Ṁaine Aoi. Agus tusa, taḃair é sin do Ṁaine Ṁóeibert. Agus beir-se é sin ag triall ar an Maine eile. Amaċ liḃ!

(Imṫiġid an mórṡeisear san.)

Seo, deiniḋ-se ar an gcuma gcéadna. Taḃair-se é sin do Ċeat ṁac Ṁáġac—fear ná fuil puinn gráḋa do Ċonċoḃar aige—é sin d’Anluan—é sin do Ṁoccorb—é sin do Ḃascall—é sin d’Éan é sin do Sgandall é sin d’Éadġa. Bíḋ ar siuḃal! Ná teipeaḋ ar luas ḃur gcos!

(Imṫiġid.)

O.—Tá mórṡeisear de na Ṁainiḃ ag teaċt, agus mórṡeisear de Ṁacaiḃ Máġaċ. Cad é an líon a ṫiocfaiḋ gaċ Maine agus gaċ mac de Ṁacaiḃ Máġaċ, a Ṁéiḃ?

M.—Duḃart le gaċ fear díoḃ a ṫríoċa céad do ṫaḃairt leis.

O.—Sin ċeiṫre ṫríoċa céad déag. Sin ḋá ṁíle agus daċad míle.

24