Page:Sutan Tumangguang Nan Rancak di Labuah.pdf/120

Lah tampak pulo itu dangai
Tuanku Syeh Suleman
Datang maaja ka rumah gadang.

Patang-patang inyo lah datang
Sambahyang magarik inyo di sinan
Lah sudah minun jo makan
Baru mangaji dimulai.

Mangaji dibagi duo
Patamo mambaco alih ba ta
Kaduo mangaji salah bana
Manantukan halal jo haram,

Baitu taruih salamonyo
Baganti-ganti guru datang
Indak panah malam taluang
indak ado maso tabuang.

Lah pandai maracak kudo
Lah lamak duduak di atehnyo
Alah managiah itu garan
Tiok siang inyo bajalan
Ka kampuang ka pakan-pakan
Malirk urang jua bali
Andak baraja baniago.

Dapek kawan saurang lai
Banamo Pakiah Mulano
inyo lah pandai baniago
Tapi modalnyo indak cukuik.

Inyo ditolong pulo dek mande
Mancukuikkan pokok baniago
Alah batigo inyo kini
Samo maracak kudo pandai
Samo tampan samo takahnyo
Samo rancak dipandang mato
Unmuanyo hampia sarho pulo.