Page:Sutan Tumangguang Nan Rancak di Labuah.pdf/119

  Palajaran itu bujang
Kan jadi sampan ka subarang
  Untuang tacapai tanah tapi
Kok Buyuang lai baraka
  Lai baiman pado Allah.

Samalam-malam itu
  Gilo barundiang barancano
Iyo manyabuik buruak jo baiak
  Lah laruik malam itu garan
Baru turun sambahyang Isya
  Barulah tanang katigonyo
Mungkin kan dapek tidua nyanyak.

Pagi-pagi itu garan
  Lah sudah sambahyang subuah
Siap pulo minun jo makan
  Mande maulang kaji malam
Disampaikan pado bapak si Buyuang
  Iyolah Datuak Marajo Lelo.

Datuak Marajo Lelo: Lah sanang pulo ati ayah

  Lai nan baiak nan tacinto
Ado nan elok nan takaji
  Ayah manolong jo balanjo
Manambah pitih dari ande
  Alah sabalah kito andaknyo
Mari mandoa untuak itu.

Lah sudah ayah mandoa
  Lah turun mudo kaduonyo
Dijalang Pandeka Rajo
  Dijapuik pandeka Sati
Di malam ari sudah itu
  Dimuloi malah baraja
Iyo baraja pancak silek.

  Pado malam barisuaknyo