This page has been validated.
Rantjaklah isuak kito binijang
Kalau lah tumbuah di siangi
Kok untuang salamat hambo pulang
Dimano takadia ditapati.
Kalau lah tumbuah di siangi
Kok untuang salamat hambo pulang
Dimano takadia ditapati.
Habih rundiang Sutan Landjungan, dek tilik Datuak Andiko, tampak Landjungan lah nak lunak, lalu bakato njo sakali:
O! bujuang dangakan rundiang
Itu nan usah ang mailak
Rundiang ajah usah ditupang
Eloklah turuik kato bapak.
Itu nan usah ang mailak
Rundiang ajah usah ditupang
Eloklah turuik kato bapak.
Nak sanang ajah malapeh
Nak samo sampai nan niatan
Nak aman bujuang manggaleh
Sambia mantjari kapandajan.
Nak samo sampai nan niatan
Nak aman bujuang manggaleh
Sambia mantjari kapandajan.
Sabagai pulo dek tuanku
Lahiakan raik nan tasimpan
Tuluak djugalo nak njo tantu
Intan djo podi salandjaran.
Lahiakan raik nan tasimpan
Tuluak djugalo nak njo tantu
Intan djo podi salandjaran.
Kamano nazar nan dikanduang
Lah patuik kini dilahiakan
Nak njato tampat bagantuang
Buliah limbago kito tuang.
Lah patuik kini dilahiakan
Nak njato tampat bagantuang
Buliah limbago kito tuang.
Landjungan tak dapek ang manupang
Mupakat kami dahulu
Bujuang pai lah sembajacg
Samantaro paham kami padu.
Mupakat kami dahulu
Bujuang pai lah sembajacg
Samantaro paham kami padu.
Landjungan 7
49
