kok hutang lah nak mambajia, adat djo sarak djan mambarek, mamak djan disabuik urang, ibu bapak nak sanang hati. Bujuang kabadjalan djauah, kami katingga dikampuang, kami kok mati dahulu, bujuang kok mati kudian, hutang kami balun babajia, hutang dibao masuk kubua, niat kadibao mati, djadi mandandam itu mah bujuang. Hanjo baitu dek Landjungan, kok ijo nak karantau urang, nak maniru manuladan, panuka² paman- dangan, untuak parubah tjaro hiduik, turuik lah kato ibu bapak, sarato kandak mamak bujuang.
Hutang kami nak kami bajia
Itu dek kami nan marusuah
Sabalun lapeh dek sawan ajia:
Balun buliah badjalan djauah.
Nan niat mamak dangan aiah
Kadiri Sutan Landjungan
Sasudah mambijia akad nikah
Gaja pusako didjudjuangkan
Hutang kami malah lah lansa
Santoso kami ditinggakang
Adat djo sjarak 1h salasai
Dilapeh bujuang pai badjalan.
Sutan Landjungan rang bapaham, mandanga rundiang, ajah kanduang, kato kalua lamak manih, barisi kasad tjinto hati, batjampua mamang djo risau, tamanuang sorang mamikiri. Pajah manimbang2 hati, maagak ibu djo bapak, mangana mamak kanduang diri, djan tibo data bakatingkia, bulek djan sampai bapasagi, lahia djo batin djan batimbang. Labiah2 mangana diri, kok dipaso ibu djo bapak, baban nan barek kadidjudjuang, sangketo dunia ka ditanai, dilahia tinggi rang andjuang, di nan njato gadang ba ambak, batinnjo djadi kaki tangan, pangakok karadjo kamanakan, kapanuruik alua dalam kampuang, pamakai adat dalam nagari, hutang wadjib ditunaikan, mandjawab Sutan Landjungan:
41
