This page has been validated.
Bahagian 1
AKIBAT MALANDJUANG DUNIA
- Dengan bismillah dimulai kato
- Assalamu'alaikum wa'alaikunnassalam.
- Salamat sadjahtara lah sidang pambatjo
- Kami pun turuik samo didalam.
Salawat djo salam kepado nabi
Djundjungan umat dialam dunia
Ja! Allah Tuhanku Rabbi
Salamatkan kami awa djo achia.
- Sabalan gantang hambo landjuang
- Djari sapuluh hambo susun
- Djo ma'af sambah hambo andjuang
- Satu salah baribu ampun.
Wari dininiak nan dahulu
Dalam alam Minangkabauko
Kok mudiak ado baulu
Hilia tatjantjang muaronjo.
- Sipatan hudjan nan bapuhun
- Kato baasa djo bamulo
- Niat tasimpan lah batahun
- Kini dikambang nak njo njato.
Paham babisiak dalam batin
Budi manunggu kaalemu
Pado talatak bagai kain
Rantjak diguntiang nan bak badju
7
