dulang dibaliak bawak, indak urang nan bak awak".
Pakajan ijo tak kapalang, njato tjukuik salangkoknjo, tapi habadju tampak kulik, tubuah basaok mangko Template:Ellipsis ninto, batutuik baru kalihatan. Bakodek kain batiak haluih, takanak sampiang barendjeng, basusun banjak kakida, lutuik nan hilang2 timbua, tasingik tampak paruasan, djantuang batih parindú alam, namonjo urat batutuik, tapi sangadjo batampakkan. Sanggua nan gadang dek pangguluang, dadonjo kosong di alemu, tjaliak bak sirauik djatuah, pandang malewek kiri kanan. Malihek garak djo garik, kalatiak balabiah2, bagai katjundang alu singkek, nan bak katjatiang baro bilah, bagai limpatiak kanai asam, bak limbua sapek muaro. Usah lai hambo rantang pandjang. sulihlah kito manjabuiknjo. Kan basuluah bagalanggang mato nan banjak, tampak dek kito nan basamo.
Nan lai bapaham budi baso
Bia buruak asa lai elok
Kadjadi sumarak runish tanggo.
Mandanga tjatjek djo bandingan, adok kadiri Limbak Tjajo, dari Tuanku Biopari, tamanueng Datuak Andiko. Maraso malu dalam hati, lubuak nan dalam kaadjukan, nan bak andai kato adat:
Mabuak dek pandang salewai
Lauik dalam pasia mangapuang
Hari hudjan karang tasangai.
Malu katubuah badan diri, awak tinggi "lah urang andjuang, kok gadang lah urang ambak, kok pai kabakeh rang batanjo, pulang katampat babarito. Kini tataruang di nan data, lah duo kali tampat djatuah, partamo di upek kamanakan, kaduo dibandiang rang sumando, walau dimuko tidak lahia, dibatin hati lah se-
so, galisah insan dalam tubuah, kadiri malu nan labiah.
