Sutan Diateh nan ajah nio
Kamanakan Datuak Malintang
Banamo Puti Limbak Tjajo
Nan djadi buah bibia urang.
Dek hambo alah lah tampak
Lai kamari basuo
Kok hanjo tampan djo lagak.
Labiah dari nan basamo.
Kok itu ijo rang dunia bana
Tjaro dizaman maso kini
Bungo kambang di tangah pasa
Tatjantjang bana dinan rami.
Dipandang diateh labia
Djo diri Sutan Landjungan
Lah bak dulang djo tuduang aia
Lah tampan bana babimbingan.
Kampuangnjo Dusun Katinggian
Di Labuah luruih djalan basimpang
Situ nan tampat kaasalan
Mulo dari niniak mujang.
Kalau mamaknjo kito sabuik
Nan bagala Datuak Malintang
Dek urang kampuangnjo tampek takuik
Sorang tidak nan manantang.
Maalum pulang ka tuanku
Itu dek ambo nan lai tampak
Kok lai sasuai kito disitu
Tidak kadapek urang mailak.
Tantangan Tuanku Biopari, mandanga pandapek Datuak Andiko, agak tapikia dalam hati, sambia mainok mamanuangkan, ragu mandanga mamikiri. Pajah pahamnjo dek manindjau, maniliak pikiran Datuak Andiko, ijo ko kato sabananjo, atau ko pantjubo², paadjuak Tuanku Biopari. Namun dek diri tuanku, walau ditindjau diadjuki, mantjubo dalam djo dangkek, nan paham
51
