Page:Storia vecchia - Assassina - Pergolesi - Carlo Netti .djvu/45

From Wikisource
Jump to navigation Jump to search
This page has been validated.
33
Atto primo

’A sie’ Cuncetta

Eh, chello se dice accussì…

Pascalino

No… no: o a Margarita o a nisciuna.

’A sie’ Cuncetta

(spazientita) Quanno nun pô essere!?

Pascalino

(incalzante) Ma pecchè nun po essere? Nun mme vo’ da’ niente? ’A ringrazio; nun vulimmo niente. Mannaggia ’a sciorta ’nfama! Mo mm’è rummàsa n’ata speranza. E si pure chesta fallisce me metto ncopp’ ’o muolo a scarrecà gravune: magnenoll’ate, aggio ’a magnà pur’ i’.

’A sie’ Cuncetta

(con un sospiro) ’O Signore te pozza benedicere. Ma pe tramento, Pascalì, siente ’a na mamma d’ ’a toia, cca nun nce veni’ cchiù. Siente a me; è meglio pe tutte quante.

(Margherita appare su l’uscio. Si ferma, ascolta attenta. Sul braccio à un fascio di rose settembrine).

Pascalino

(impetuoso) Sie’ Cunce’, io voglio bene a Margarita; ’a voglio bene cchiù d’ ’a vita mia. ’O ccapite, sì o no? E à da essere d’’a mia!

3