Page:Storia vecchia - Assassina - Pergolesi - Carlo Netti .djvu/44

From Wikisource
Jump to navigation Jump to search
This page has been validated.
32
Storia vecchia


chello ca fa essa… Pecchè mm’ha da cuntrarì ’e ’sta manera? Che ba truvanno?!

’A sie’ Cuncetta

E denare… (sorride triste)

Pascalino

(con rabbia) E denare!? Mannaggia ’e denare! Ah, ca ’o Pateterno nun è giusto!

’A sie’ Cuncetta

(subito) Zitto cu sti parole, gue’! Agge pacenzia; mámmeta pure dice na cosa: Stu giovene se nzora; e po’?…

Pascalino

Comme?…

’A sie’ Cuncetta

’A guagliona nun tene niente; isso non fa niente…

Pascalino

E ched’ è, a chi so’ figlio?…

’A sie’ Cuncetta

Lloco sta ’o fatto! Nun ll’hê capito ancora? Mámmeta solde nun ne vo’ caccià. Anze vularria ca tu nc’è purtasse int’ ’a casa. ’O penziero suio, è chillo ’e te fa’ fa’ nu buono matrimmonio…

Pascalino

Se io nun me sposo a Margarita, nun me spusarraggio a nisciuno…