Page:Storia vecchia - Assassina - Pergolesi - Carlo Netti .djvu/42

From Wikisource
Jump to navigation Jump to search
This page has been validated.
30
Storia vecchia

SCENA V.

A Sie’ Cuncetta e Pascalino; poi Margarita

’A sie’ Cuncetta

(dall’ interno) ’O i’ cca. (viene sull’ uscio).

Pascalino

(preoccupato) Che mm’aite ’a dicere?

’A sie’ Cuncetta

Pascalì, mámmeta nun bo’ ca tu viene cca. S’ è miso alluccà comm’ a na pazza! À ’itto c’à da fa’ fa’ e nummere int’ ’o vico.

Pascalino

(affettando indifferenza; ma in fondo dolente) Nun ’a date retta; chell’è tutta vocca…

’A sie’ Cuncetta

No, Pascalì, mámmeta è dicisa. E sarria capace! Io nun me voglio ’nquità, figlio mio; e manco permettarraggio ca Francisco soffre nu dispiacere: pecchè sti ccose lie dispiàceno, ’o ssaccio. È n’ommo, chillo, ca va a core mmano; incapace ’e na cattiva azione. E si sapesse chello c’à ditto màmmeta!… (con profondo cordoglio) Giesù!… Giesù! Ma, pe chi nce à pigliato?!…