PAMUNO
Madamù ang mga manugsulat sang mga suguilanon, ang iban nagasulat sa paghatag sing calibangan sa mga bumalasa, cag sa ila suguilanon ualà ca guid sing maquità nġa solondan sa maayo nga batasan cag maayo nga tinun-an, hinonoo gani ang ila suguilanon dili lamang nagasuay sa pagtoloohan sang católico, con dili nagaagda sa ibán sa mga malaut nga solondan. Ang iban nga manugsulat sang mga suguilanon dili lamang nagahatag sing calibangan con dilí man nagahatag sing maayo nga solondan sa mga bumalasa cay ila guinatamay ang mga malaut nga bubat, cag guinadayao ang mga maayo nga buhat.
Nabasa co ini nga suguilanon ni P. G. R. cay guinpatatap sa acon sang Ponoan, cag acon naquità nga maayo guid cag macapulós sa mga bumalasa, cay guinadayao ang mga maayo nga buhat cag guinatamay ang mga malaut nga bubat; busà sa acon malip-ot nga isip, ini nga suguilanon amó ang maayo nga basahon sang miga iloy cag sang nga anac sa sulud sang panimalay.
P. M. T.
Edición propiedad del Editor.
Guinadili-an ang paghuad.
